Праваабарончы цэнтр «ВЯСНА»

Навіны за Ліпень 2013

15.07.2013 Палітвязня Эдуарда Лобава наведаў святар

Палітзняволены маладафронтавец Эдуард Лобаў сустрэўся ў калоніі з каталіцкім святаром айцом Дзмітрыем са Слуцкай епархіі. Раней ён ужо двойчы сустракаўся з гэтым жа святаром.

13.07.2013 Слонім: знішчэнне зялёнай лясной зоны працягваецца (фота)

Два гады слонімцы разам з сябрамі мясцовага згуртавання дэмакратычных сіл змагаюцца супраць высечкі лесу ў мікрараёне Альбярцін на вуліцы Войкава. Лес мясцовыя вертыкальшчыкі даўно хочуць высечы і аддаць месца пад будаўніцтва катэджаў для багатых людзей і чыноўнікаў.

13.07.2013 Слонім: суд аднавіў супрацоўніка птушкафабрыкі на працоўным месцы

"Я спадзяваўся, што мне акажа дапамогу прафсаюз, які дзейнічае на птушкафабрыцы, але памыліўся. Як аказалася, гэты прафсаюз абараняе не рабочага, а наймальніка. Таму я вырашыў звярнуцца ў Беларускі незалежны прафсаюз, і з яго боку мне была аказана кваліфікаваная дапамога. Дзякуючы гэтаму я здолеў дамагчыся справядлівасці ".

13.07.2013 Баранавічы: Міколу Чарнавуса апыталі наконт прадпрымальніцкіх акцый пратэсту

12 ліпеня баранавіцкі прадпрымальнік і грамадскі актывіст Мікола Чарнавус быў выкліканы позвай ў Баранавіцкі гарадскі аддзел міліцыі, дзе намеснік начальніка Павел Кульгавік паўтары гадзіны яго апытваў наконт несанкцыянаваных мітынгаў прадпрымальнікаў 27 чэрвеня і 1-2 ліпеня.

13.07.2013 Паўлу Севярынцу перадалі паштоўкі салідарнасці

Па штомесячнай традыцыі бярозаўскія актывісты наведалі палітвязня Паўла Севярынца. Яны забяспечылі яго крынічнай вадой, прадуктамі і перадалі паштоўкі ад сем’яў, якія прынялі ўдзел у акцыі салідарнасці “Тыдзень палітвязня”. Мінулы тыдзень быў прысвечаны Паўлу Севярынцу.

12.07.2013 Cуд над віцебскай журналісткай перанеслі на няпэўны тэрмін

У Кастрычніцкім райсудзе Віцебску 12 ліпеня мусіў адбыцца судовы працэс над незалежнай журналісткай Аленай Сцяпанавай. Міліцыянты склалі на як пратакол за парушэнне закону аб СМІ, абвінаваціўшы ў працы без акрэдытацыі. Але суддзя Іна Грабоўская адправіла пратакол назад у міліцыю, бо ён быў складзены непісьменна.

12.07.2013 Баранавічы: суд аб забароне Мілавідскага фэсту перанесены на 15 ліпеня

У судзе Баранавіцкага раёна і горада Баранавічы 12 ліпеня адбыўся рагляд скаргі актывіста грамадзянскай кампаніі “Гавары праўду” Вячаслава Болбата на дзеянні Баранавіцкага райвыканкама, які, на думку грамадскага актывіста, 3 і 20 мая 2013 года двойчы незаконна забараніў адукацыйна-культурніцкае мерапрыемства “Мілавідскі фэст – памяці касінераў 1863 года”.

12.07.2013 Група грамадзян патрабуе спыніць прапаганду пагроз насілля з боку кіраўніка дзяржавы

Дванаццаць жыхароў Магілёва накіравалі старшыні грамадскага савета па маральнасці Мікалаю Чаргінцу, генпракурору Аляксандру Канюку і міністру інфармацыі Алегу Праляскоўскаму ліст, у якім просяць не дапускаць публічных пагроз насілля з боку кіраўніка дзяржавы.

12.07.2013 У Магілёве суддзя Юрчанка спрабуе замяць справу

Суддзя Ленінскага раённага суда Магілёва Андрэй Юрчанка спрабуе замяць справу з нагоды паклёпу на Беларускую сацыял-дэмакратычную партыю (Грамаду). Нагадаем, што нагодай для судовай спрэчкі стаў матэрыял, размешчаны на сайце naviny.by “У Магілёве з інтэрнату высяляюць сацыял-дэмакрата Мікалая Залознага”.

12.07.2013 Алесь Бяляцкі не верыць у сваё хуткае вызваленне

Пра гэта ён напісаў у лісце да Тамары Мацкевіч, намесніцы старшыні Таварыства беларускай школы. Аднак палітвязень, нягледзячы на няпростыя ўмовы ў калоніі №2 у Бабруйску, на абмежаванні ў праве на спатканні, трымаецца добра.

12.07.2013 Магілёўцы патрабуюць выбачэнняў ад Лукашэнкі за “адарваныя галовы”

Адзінаццаць магілёўцаў выказалі незадаволенасць фактамі прапаганды гвалту, хамства і пагрозы забойства службовых асобаў па Беларускаму тэлебачанню прэзідэнтам Рэспублікі Беларусь. Лісты з патрабаваннем прыняць меры ўздзеяння за выказванні да Аляксандра Лукашэнкі накіраваны ў Генеральную пракуратуру.

12.07.2013 Гамяльцы далучыліся да рэспубліканскай акцыі “Тыдзень палітвязня”

У Гомелі любы жадаючы можа далучыцца да агульнабеларускай грамадзянскай акцыі салідарнасці “Тыдзень палітвязня”.

12.07.2013 На сёння прызначаны суд над віцебскай журналісткай

Віцебскую сябру ГА “БАЖ” Алену Сцяпанаву вінавацяць у парушэнні заканадаўства аб СМІ. Адміністратыўную справу завёў Кастрычніцкі РАУС Віцебска на падставе арт. 22.9 ч.2 КаАП.

12.07.2013 Брэст: жыхары шукаюць абароны ў пракуратуры ў канфлікце з уладамі

Падставай для звароту ў наглядную ўстанову жыхароў дома №10 па вуліцы Астроўскага ў абласным цэнтры было тое, што гарвыканкам патрабуе высялення, спасылаючыся на аварыйны стан будынка. Цікава, што ў 2011-м годзе брэсцкія ўлады заключылі інвестыцыйную дамову з прыватнай кампаніяй аб продажы гэтага дома.

12.07.2013 Жлобін: памылка прызнана, а судовы іск не задаволены

Суддзя Жлобінскага раённага суда Сняжана Галавенчык адмовіла ў задавальненні іску праваабаронцы Леаніда Судаленкі на карысць работніцы Беларускага металургічнага завода (БМЗ) Марыі Міраеўскай з патрабаваннем спагнаць з яе працадаўцы пенсію больш чым за чатыры гады.