Праваабарончы цэнтр «ВЯСНА»

Навіны за Ліпень 2013

16.07.2013 Зміцера Каспяровіча затрымалі на мяжы

Зміцера затрымалі на мяжы па дарозе ў Вільню і пасля адвезлі ў аддзяленне міліцыі Савецкага раёна Мінску. Зміцер Каспяровіч сказаў, што пазней яго збіраюцца адправіць у ЦІП на Акрэсціна. Супрацоўнікі міліцыі паведамілі яму, што ён павінен адбыць адміністрацыйнае пакаранне, да якога быў аысуджаны некалькі гадоў таму.

16.07.2013 Суд па справе Някляева прызначаны на 25 ліпеня

Суд па справе экс-кандыдата ў прэзідэнты Уладзіміра Някляева прызначаны на 25 ліпеня. Як паведаміў Някляеў, раніцай 16 ліпеня ён атрымаў позву. Пасяджэнне пачнецца ў 10 раніцы ў судзе Ленінскага раёна Мінска.

16.07.2013 На Уладзіміра Яроменка завялі крымінальную справу

Сёння, 16 ліпеня, Уладзіміру Яроменку прад’явілі пастанову аб узбуджэньні крымінальнай справы па артыкуле 421 “Парушэньне прэвентыўнага нагляду”, датаваную 24 траўня

16.07.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: крокі салідарнасці беларускіх праваабаронцаў у межах Міжнароднай акцыі ў падтрымку Дома правоў чалавека ў Варонежы і першыя рэакцыі на іх з боку варонежскіх уладаў. "Асоба. Дзяржава. Грамадства": госць рубрыкі - ініцыятар і актывіст кампаніі “За альтэрнатыўную грамадзянскую службу ў Беларусі” Міхась Пашкевіч.

15.07.2013 Баранавіцкі суд падтрымаў райвыканкам у забароне Мілавідскага фэсту

Сёння ў судзе Баранавіцкага раёна і горада Баранавічы адбыўся працяг судовага пасяджэння па скарзе актывіста грамадзянскай кампаніі “Гавары праўду” Вячаслава Болбата на дзеянні Баранавіцкага райвыканкама, які двойчы забараніў адукацыйна-культурніцкае мерапрыемства “Мілавідскі фэст – памяці касінераў 1863 года”.

15.07.2013 Віцебскі абласны суд не падтрымаў скаргу Антаніны Піванос, якая патрабуе выканаць рашэнне КПЧ ААН

Пенсіянерка Антаніна Піванос – аўтарка вышыванкі са словамі малітвы "Ойча наш", якую ў 2008 годзе за з'яўленне з гэтай вышыванкай у цэнтры Віцебску прыцягнулі да адміністрацыйнай адказнасці за несанкцыянаванае пікетаванне.

15.07.2013 Ашмяны: трэці суд па справе адабраных на мяжы рэчаў перанесены на 25 ліпеня

16 ліпеня ў судзе Ашмянскага раёну будзе працягнуты разгляд іску грамадскага актывіста з Астравеччыны Мікалая Уласевіча да Ашмянскай рэгіянальнай мытні на прадмет вяртання асабістых рэчаў. Гэтыя рэчы былі забраныя ў Уласевіча на памежным пераходзе Катлоўка яшчэ 10 красавіка 2011 году.

15.07.2013 Тэма “круглага стала” - артыкул 193.1 і справа Аляксея Шчадрова

Круглы стол, прысвечаны ўзбуджэнню крымінальнай справы па артыкуле 193.1 супраць Аляксея Шчадрова, які ў сваёй весцы арганізаваў прытулак для бяздомных, пройдзе ў Менску 16 ліпеня.

15.07.2013 Выдавец газеты “Вольны горад” падаў касацыйную скаргу

Выдавец газеты “Вольны горад” Уладзімір Кудраўцаў 12 ліпеня накіраваў касацыйную скаргу ў Магілёўскі абласны суд на рашэнне суда Крычаўскага раёна ад 17 чэрвеня 2013 года. Нагадаем, што тады суд Крычаўскага раёна вынес рашэнне па іску “аб абароне дзелавой рэпутацыі” з боку КУП “Чэрыкаўскае ПМК № 280”.

15.07.2013 Смалявічы: абмяркоўваць дэталі плана тэхнапарку абывацелю няпроста

Смалявіцкі райвыканкам прадставіў усім зацікаўленым асобам магчымасць на ўласныя вочы пабачыць дэталёвы план тэрыторыі першачарговага асваення "Кітайска-беларускага індустрыяльнага парку", размясціўшы схему на сваім сайце.

15.07.2013 Брэст: да канчаткова судовага разбіральніцтва улады высяляюць сям’ю

Уладзімір Гадун працягвае абскарджваць судовыя рашэнні, што былі вынесеныя на карысць гарвыканкаму, але прадстаўнікі ЖЭС праявілі нецярплівасць і, выклікаўшы судовых выканаўцаў і міліцыю, 12 ліпеня паспрабавалі паскорыць прымусовае сям’і Гадуноў.

15.07.2013 Круглянская міліцыя перадузята ставіцца да цыган

Круглянская раённая газета “Сельская жыццё” ( № 52 ад 10 ліпеня 2013 года) змясціла артыкул “Пачасціліся кішэнныя крадзяжы” за подпісам першага намесніка Круглянскага РАУС, падпалкоўніка міліцыі А. Матусевіча.

15.07.2013 Васілю Парфянкову пагражае новы турэмны тэрмін

Васілю Парфянкову, фігуранту крымінальнай справы аб масавых беспарадках у Мінску 19 снежня 2010 года, афіцыйна прад’яўлена абвінавачанне паводле артыкула 421 Крымінальнага кодэкса (невыкананне патрабаванняў прэвентыўнага нагляду). Пра гэта яго 12 ліпеня праінфармаваў следчы Першамайскага РУУС Мінска, які вядзе гэту справу.

15.07.2013 Бабруйск: Пасля публікацый у СМІ свастыку з будынка прыбралі (фота)

Свастыку, якая знаходзілася на адным з будынкаў у мікрараёне №6 Бабруйска паўтары месяцы, нарэшце зафарбавалі. А таго часу, як інфармацыя пра гэта з’явілася на сайце Праваабарончага цэнтра “Вясна” і да знікнення сімвала са сцяны, прайшлі прыкладна суткі.

15.07.2013 Мікола Статкевіч непакоіцца за палітвязняў Дзядка і Васьковіча

Палітзняволены, былы кандыдат у прэзідэнты Мікалай Статкевіч 12 ліпеня патэлефанаваў з турмы №4 Магілёва сваёй жонцы Марыне Адамовіч. У размове ён расказаў пра выпадак, сведкам якога быў у турме.