Праваабарончы цэнтр «ВЯСНА»

Навіны за Чэрвень 2013

05.06.2013 Дунья Міятавіч: У Беларусі надыйшоў час для радыкальных зменаў па свабодзе слова

У Беларусь з афіцыйным візітам прыехала прадстаўнік АБСЕ па пытаннях свабоды СМІ. У ходзе сустрэчы з журналістамі яна адзначыла найбольш праблемныя моманты для беларускай прэсы - адвольныя кароткатэрміновыя затрыманні, адміністратыўныя і крымінальныя справы супраць журналістаў.

05.06.2013 Віцебскі абласны суд падтрымаў звальненне актывіста СПБ

Суддзі пакінулі без задавальнення касацыйную скаргу старшыні суполкі незалежнага прафсаюзу Віктара Стукава. Той спрабаваў абскардзіць пастанову Полацкага гарадскога суду, які пацвердзіў слушнасць звальнення актывіста з прадпрыемства "Полацк-Шкловалакно".

05.06.2013 Орша: бяздзейнасць ўладаў ставіць пад пагрозу жыццё людзей

Пагроза жыцця аршанцаў чыноўнікаў не асабліва турбуе. Такую выснову можна зрабіць з перапіскі, якую актывісты Аршанскай арганізацыі БХД вядуць з службовымі асобамі ДАІ, МНС і аўтобуснага парка з нагоды аварыйнага моста.

05.06.2013 У МЗС пытаюцца, дзе апублікавана рашэнне Камітэта ААН па ліквідацыі дыскрымінацыі ў адносінах да жанчын

Брэсцкая актывістка Руху "За Свабоду" Інга Абрамава дамагаецца атрымання звестак пра тое, якой кампетэнтнай дзяржаўнай установай і ў якім друкаваным перыядычным выданні было змешчана рашэнне гэтага Камітэта ААН.

05.06.2013 Баранавічы: пракуратура перакваліфікавалася ў пошту

Віктар Сырыца: "Сваю скаргу я накіраваў пракурору горада. Аднак пракурор не стаў разбірацца па сутнасці скаргі, а перанакіраваў яе для адказу таму, на каго я скардзіўся". Скарга датычылася дзеянняў супрацоўніка ГАУС маёра Паўла Кульгавіка, які адмовіўся заключыць дамову па абслугоўванні пікета 25 сакавіка.

05.06.2013 У Беларусі ізноў патрабуюць сьмерці

Для забойцы гомельскай студэнткі дзяржаўны абвінаваўца запатрабаваў выключную меру пакараньня.

04.06.2013 Гомель: суд адхіліў зыск праваабаронцы аб спагнанні маральнай шкоды з дзяржаўнай казны

Праваабаронца падаў зыск аб кампенсацыі маральнай шкоды, якую ацэньвае заробкам дэпутата парламента за чатыры гады паўнамоцтваў. Падставай да такога патрабавання паслужыла адмова беларускіх ўладаў выканаць рашэнне Камітэта па правах чалавека ААН, у якім устаноўлены факты парушэння правоў грамадзяніна.

04.06.2013 Сумесная заява БХК і ПЦ "Вясна" па справе Андрэя Гайдукова

Праваабаронцы заклікаюць кампетэнтныя органы забяспечыць правядзенне адкрытага судовага разбору, у ходзе назірання за якім усе зацікаўленыя змогуць зрабіць высновы аб абгрунтаванасці абвінавачванняў і справядлівасці крымінальнага пераследу і суда.

04.06.2013 Хвастоў: Беларусь не мае патрэбы ў спецдакладчыку Савета ААН па правах чалавека

Беларусь не мае патрэбы ў спецыяльным дакладчыку або іншых падобных інстытутах. Аб гэтым заявіў прадстаўнік Беларусі пры ААН у Жэневе Міхаіл Хвастоў, выступаючы на сесіі Савета ААН па правах чалавека, дзе вечарам 4 чэрвеня абмяркоўваецца справаздача спецдакладчыка па сітуацыі ў Беларусі Міклаша Харашці.

04.06.2013 Стэфановіч з трыбуны ААН нагадаў уладам Беларусі пра міжнародныя абавязацельствы

“Мы заклікаем беларускія ўлады запрасіць у краіну тэматычных дакладчыкаў ААН… Мы нагадваем, што Беларусь як дзяржава-сябра ААН мае абавязак супрацоўнічаць з усімі органамі і механізмамі ААН, а таксама звязана дамовамі, якія Беларусь ратыфікавала”, - сказаў намеснік кіраўніка “Вясны” ў сваім выступе падчас інтэрактыўнага дыялогу вакол сітуацыі з правамі чалавека ў Беларусі.

04.06.2013 Сёння Валянцін Стэфановіч выступіць у ААН у межах абмеркавання дакладу па Беларусі

Выступ намесніка старшыні Праваабарончага цэнтра “Вясна” Валянціна Стэфановіча адбудзецца 4 чэрвеня падчас абмеркавання дакладу спецдакладчыка па Беларусі на сесіі Рады ААН па правах чалавека. За разглядам дакладу, які распачнецца, па папярэдняй інфармацыі, у 15:00 па беларускім часе, можна сачыць у рэжыме анлайн на вэб-сайце ААН.

04.06.2013 Прапанова ад пракурора Віцебскай вобласці: "раскулачванне" за "лішкі маёмасці"

Гэтая прапанова прагучала на пасяджэнні ў абласной пракуратуры, прысвечаным барацьбе з карупцыяй. Паводле статыстыкі, колькасць карупцыйных злачынстваў на Віцебшчыне расце на працягу ўжо трох гадоў, і найчасцей злачынствы такога кшталту фіксуюцца ў галінах будаўніцтва, аховы здароўя і адукацыі.

04.06.2013 Работнікі Круглянскага ільнозавода застаюцца без працоўных месцаў

Працаўнікі ААТ “Круглянскі ільнозавод” працягваюць змагацца супраць закрыцця свайго прадпрыемства і абарону сваіх правоў. Круглянскі ільнозавод мясцовыя ўлады збіраюцца зачыніць на працягу месяца, працаўнікам прадпрыемства прапануюць ездзіць на працу ў суседні Шклоўскі раён на мясцовы ільнозавод.

04.06.2013 Беларускія праваабаронцы і актывісты выступілі з падтрымкай варонежскага ДПЧ

Мясцовыя ўлады папярэдзілі расійскіх праваабаронцаў аб тым, што яны павінны вызваліць будынак, у якім працавалі на працягу 20 гадоў.

04.06.2013 Міятавіч: Беларусі неабходна рэфармаваць заканадаўства ў сферы СМІ

"Мяркую, што існуе тэрміновая неабходнасць разгляду пытанняў свабоды СМІ ў Беларусі, ажыццяўлення рэформ і змены заканадаўства ў гэтай сферы", — заявіла прадстаўнік АБСЕ па пытаннях свабоды СМІ Дунья Міятавіч 4 чэрвеня на сустрэчы з дэпутатамі Палаты прадстаўнікоў у Мінску.