Праваабарончы цэнтр «ВЯСНА»

Навіны за Травень 2013

02.05.2013 Незалежны журналіст апытаны ўчастковым пра журналістаў “Белсату”

Раніцай 2 траўня ў прыватны дом у аграгарадку Вялікая Машчаніца Бялыніцкага раёна да незалежнага журналіста Барыса Вырвіча завітаў участковы інспектар Бялыніцкага РАУС, лейтэнант міліцыі Аляксандр Емельянаў.

02.05.2013 Беларусь — сярод найгоршых краін сьвету па свабодзе слова

Freedom House апублікавала справаздачу аб свабодзе прэсы ў 2012 годзе. Беларусь трапіла ў сьпіс самых горшых.

02.05.2013 Прадпрымальнікі чакаюць Закона аб дабрачыннасці, мецэнацтве і спонсарстве

Канфедэрацыя прадпрымальнікаў настойвае на прыняцці Закона аб дабрачыннасці, мецэнацтве і спонсарстве.

02.05.2013 Удава палітвязня Арцёма Грыбкова нарадзіла сына

Святлана Грыбкова нарадзіла сына ў аўторак, пра гэта яна паведаміла на сваёй старонцы ў Фэйсбуку.

02.05.2013 “Вясна” заклікае спыніць практыку ціску на грамадскіх актывістаў і прыняць меры да адмены арт. 193.1 КК

На працягу апошніх двух месацаў Праваабарончым цэнтрам “Вясна” было зафіксавана павелічэнне выпадкаў вынясення органамі пракуратуры і КДБ афіцыйных пісьмовых папярэджанняў аб недапушчальнасці дзейнасці ад імя незарэгістраваных арганізацый у адносінах да шэрагу грамадскіх актывістаў і праваабаронцаў.

02.05.2013 ТБМ просіць дапамогі

Улады павысілі арэндную плату за сядзібу Таварыства беларускай мовы на 60 працэнтаў. Арганізацыя просіць прыхільнікаў дапамагчы матэрыяльна.

02.05.2013 Брэст: адменены прысуд Віталю Каўшу

Такое рашэнне прыняла судовая калегія па крымінальных справах Брэсцкага абласнога суду, дзе разглядалася касацыйная скарга актывіста, якому суд першай інстанцыі вынес пакаранне ў выглядзе 4 гадоў пазбаўлення волі. Справа Віталя Каўша накіравана на новы разгляд.

02.05.2013 Памяць пра растраляных у Воршы святароў (відэа)

У 20-30 гадах 20 стагоддзя ў межах тагачаснай Воршы (каля Магілёўскай шашы, цяпер мікрараён-3) адбываліся растрэлы святароў. Гэтае месца ніяк не ўшанаванае дагэтуль, тут няма ніякага памятнага знаку.

02.05.2013 Павел Севярынец: Свята вясны ёсць, свята працы няма

У вёсцы Куплін Пружанскага раёна Берасцейскай вобласці выхадны дзень. «Свята вясны ёсць, свята працы няма», - заўважыў Павел Севярынец, які тут адбывае трохгадовую “хімію” за Плошчу 2010 года.

01.05.2013 Брэст: першамайская дэманстрацыя дазволена ўпершыню за апошнія 11 гадоў (фота)

Упершыню ад 2002-га году ў Брэсце адбылася дазволеная ўладамі першамайская дэманстрацыя, якую ладзілі прадстаўнікі дэмакратычных сіл. Арганізатарамі акцыі былі напярэдадні заключаны дамовы з органамі унутраных спраў, установай аховы здароўя і камунальнымі службамі, што з’яўлялася патрабаваннем гарвыканкаму для дазволу мерапрыемства.

01.05.2013 Святочныя віншаванні палітвязням даслалі з Бялыніцкага раёна (фота)

Удзел у акцыі прынялі мясцовыя актывісты Партыі БНФ і кампаніі “Гавары праўду”. У сваіх паштоўках і лістах са словамі падтрымкі яны віншавалі палітвязняў з надыходзячымі травеньскімі святамі, жадалі ім мужнасці і стойкасці ў нялёгкіх умовах зняволення, а таксама выказвалі надзею на іх хуткае вызваленне.

01.05.2013 Віцебская міліцыя перадае пратакол за “чарнобыльскі” пікет у Кастрычніцкі райсуд

На сябра КХП БНФ Яна Дзяржаўцава 30 красавіка складзены пратакол пра парушэнне заканадаўства аб масавых мерапрыемствах. Міліцыянты выклікалі яго ў Кастрычніцкі РАУС, каб зафіксаваць правапарушэнне, якога яны на свае вочы не бачылі – пратакол складзены на падставе здымкаў, выкладзеных у інтэрнэце.

01.05.2013 Бабруйск: мытнікі гатовы вярнуць актывісту вершы Някляева (дакумент)

Лідэр бабруйскай суполкі АГП атрымаў паведамленне ад мытнікаў у сувязі з "заканчэннем мытнай экспертызы". Нагадаем, 29 сакавіка сям'ю Бузінаевых затрымалі на мяжы, і знайшлі ў іх аўтамабілі некалькі брашур і кнігу з вершамі Уладзіміра Някляева.