Праваабарончы цэнтр «ВЯСНА»

Навіны за Травень 2013

08.05.2013 Жыхарам Гомеля нагадалі пра зніклага Юрыя Захаранку

Актывісты «Zмена» 7 мая правялі ў Гомелі акцыю памяці зніклага Юрыя Захаранкі – распаўсюдзілі інфармацыйныя матэрыялы з партрэтам былога міністра ўнутраных спраў.

08.05.2013 За пратэст супраць будаўніцтва АЭС будуць судзіць двух віцебскіх актывістаў

На сябра КХП БНФ Віталя Каваленку склалі пратакол за парушэнне Закону аб масавых мерапрыемствах. Такі ж самы пратакол тыдзень таму быў складзены на яго аднапартыйца Яна Дзяржаўцава.

08.05.2013 Гомельская міліцыя палохае грамадзян напярэдадні святаў

9 мая ў Гомелі пройдзе шэраг святочных мерапрыемстваў, прымеркаваных да Дня Перамогі – мітынгі, шэсці, канцэрты, выставы. Гомельская міліцыя выступіла напярэдадні святаў з папярэджаннем да грамадзян у тым сэнсе, што наведванне масавых мерапрыемстваў «можа ўтойваць у сабе вялікія пагрозы»

08.05.2013 Партрэты праваабаронцаў: Барыс Бухель (відэа)

Праграма тэлеканала Белсат “Маю права” распачала адмысловую рубрыку пра тых, хто часта застаецца апошняю надзеяй для ўсіх, хто дамагаецца праўды, для пакрыўджаных дзяржаваю, працадаўцамі, ці праваахоўнымі органамі.

08.05.2013 Журналіста Радыё “Свабода” Алега Грузьдзіловіча выклікаюць у пракуратуру

Алег Грузьдзіловіч кажа, што яго выкалікалі ў пракуратуру «для праверкі акалічнасьцяў ў сувязі з парушэньнем заканадаўства».

08.05.2013 Сяргея Верамеенку аштрафавалі за распаўсюд друкаваных выданняў без выходных дадзеных

У Гародне 7 траўня адбыўся суд над актывіста аргкамітэту па стварэнні партыі "Беларуская Хрысціянская Дэмакратыя" Сяргеям Верамеенка. Судзя Ленінскага раёна прызнала вінаватым актывіста БХД ў распаўсюдзе друкаваных выданняў без выходных дадзеных і пакарала штрафам у 20 базавых адзінак (2 мільёна рублей).

08.05.2013 Салігорскі суд не задаволіў скаргу на забарону пікету да Дня Волі

Суд Салігорскага раёна не задаволіў скаргу грамадскага актывіста Уладзіміра Шылы на забарону пікета да Дня Волі. Справу разгладала намесніца старшыні суда Ала Трафімчук.

08.05.2013 Анжаліку Камбалаву затрымалі за пікет у памяць Захаранкі

У Баранавічах 7мая затрымалі актывістку АГП Анжаліку Камбалаву, якая арганізавала пікет, каб нагадаць жыхарам горада пра бясследна зніклага 14 гадоў таму экс-міністра ўнутраных спраў Беларусі Юрыя Захаранку.

07.05.2013 Праваабаронца пра прысуд у Гомелі: «Смяротнае пакаранне не вырашае праблемаў»

7 мая Гомельскі абласны суд абвясціў прысуд па рэзананснай справе аб жорсткім забойстве студэнта-першакурсніка Беларускага дзяржаўнага ўніверсітэту транспарту.

07.05.2013 У Беларусі створаны даведнік арганізацый, куды можна звярнуцца па дапамогу ў сітуацыі хатняга гвалту

Ён змяшчае інфармацыю аб праблеме хатняга гвалту, заканадаўчую базу, а таксама інфармацыю пра арганізацыі, якія аказваюць дапамогу па гэтай праблеме.

07.05.2013 «Уся коўдра ў вошах» — актывісты пра ўмовы турмы на Акрэсціна

6 мая 2013 года на свабоду выйшлі Дзмітрый Чарняк, Аляксандр Тарнагурскі («Еўрапейская Беларусь») і анархіст Ігар Трухановіч.

07.05.2013 Сёння – суд над Ярашэвічам і Галко (абнаўляецца)

Вечарам 6 траўня каля станцыі метро “Міхалова” ў Менску былі затрыманыя журналіст Беларускага Радыё Рацыя Аляксандр Ярашэвіч і блогер Дзмітрый Галко. Прыкладна каля 20-40 побач з імі спыніўся мікрааўтобус з групай спецназаўцаў, якія запхнулі іх у аўтамабіль і адвезлі ў Маскоўскі РУУС Менску.

07.05.2013 Вользе Гайдуковай адмовілі ў спатканні з сынам

Маці 24-гадовага жыхара Наваполацку, абвінавачанага ў "здрадзе дзяржаве", атрымала адмову ў спатканні з сынам ад следчага Віцебскай управы КДБ Алега Барысевіча. 8 траўня сканчваецца тэрмін знаходжаньня Андрэя Гайдукова ў СІЗА КДБ, але маці не ведае, ці будзе гэты тэрмін працягнуты.

07.05.2013 У Горадні будуць судзіць актывіста БХД

У судзе Ленінскага раёна Горадні сёньня будуць судзіць актывіста аргкамітэту па стварэньні партыі «Беларуская Хрысьціянская Дэмакратыя» Сяргея Верамеенку. Яго абвінавачваюць у распаўсюдзе друкаваных выданьняў без выходных дадзеных.

07.05.2013 У Салігорску высякаюць дрэвы ўздоўж самай экалагічнай вуліцы

Напрыканцы мінулага тыдня ў Салігорску зноў была высечана значная частка дрэваў, што ўваходзяць у ландшафтна-рэкрэацыйную зону горада. Гэтым разам зялёныя насаджэнні знішчаліся пад пашырэнне дарогі на вуліцы Набярэжнай уздоўж Салігорскага вадасховішча.