Праваабарончы цэнтр «ВЯСНА»

Навіны за Травень 2013

12.05.2013 Еўрадэпутат Мігальскі ініцыяваў чарговую акцыю супраць хакейнага чэмпіянату ў Беларусі

На наступным тыдні ў Стакгольме пачынаецца з'езд Міжнароднай федэрацыі хакея (ІІХФ). Падчас сустрэчы, якая пройдзе з 16 па 19 мая, можа быць зноў узнятае пытанне аб правядзенні чэмпіянату ў Беларусі ў 2014 годзе.

12.05.2013 У Магілёве разбураецца капліца на масавым пахаванні нямецкіх салдат Другой сусветнай вайны

На могілках салдат вермахта на тэрыторыі Любускага лесапарку Магілёва разбураецца каплічка. На памятным знаку выгаралы на сонцы надпіс не прачытаць. Навокал абгароджанай тэрыторыі — смецце, у выходныя тут ладзяцца гульбішчы. Гэта — адзінае ў горадзе абазначанае пахаванне салдат пераможанай 68 гадоў таму краіны.

10.05.2013 Старшыня Белаазёрскага гарвыканкама ігнаруе зварот 40 жыхароў горада

Жыхары дома 11/1 па праспекце Міра Белаазёрску, з якіх гарвыканкам патрабуе заплаціць вялікую суму за каробку дома праз 20 гадоў пражывання ў ім, папрасілі старшыню гарвыканкама Вячаслава Дамброўскага прадаставіць ім дакументы па смеце.

10.05.2013 У Баранавічах у Дзень Перамогі ўшанавалі памяць ахвяр сталінскіх рэпрэсій

У Баранавічах прадстаўнікі грамадзянскай супольнасці 9 мая адзначылі дзень Перамогі ўшанаваннем памяці загінуўшых як у гады вайны, так і часы сталінскіх рэпрэсій. Спачатку грамадскія актывісты ўсклалі кветкі ля Вечнага агню ў цэнтры горада, а затым ля крыжа ахвяраў сталінскіх рэпрэсій 1939-1953 гг.

10.05.2013 Вінаградаву ў пастарунку дзевяць гадзін паказвалі прафілактычныя фільмы

Лідара «Змены», моладзевага крыла грамадзянскай кампаніі «Гавары праўду!» забралі ў міліцыю каля 7.00, проста з кватэры. Ніякіх тлумачэнняў з боку супрацоўнікаў міліцыі не было. Адпусцілі яго, а 16.45.

10.05.2013 Уладзя Яроменка вызвалілі, але вывезлі за 40 кіламетраў ад Менска

Актывіста “Маладога фронта” Уладзіміра Яроменка вывезлі за 40 кіламетраў ад Менска. Учора скончыўся тэрмін яго 15-суткавага арышту.

08.05.2013 18-19 мая ў Гомелі і Магілёве пройдзе праваабарончы ўікэнд

Каманда «Правоў Чалавека «на пальцах» запрашае на праваабарончы семінар.

08.05.2013 Мікалай Сілівончык абразіў Лукашэнку «ў стане непрытомнасьці»

Пры канцы красавіка Менскі гарадзкі суд на закрытым пасяджэньні пастанавіў прызнаць былога дыспэтчара электрасетак Брагінскага раёну Мікалая Сілівончыка вінаватым у абразе прэзыдэнта і распальваньні нацыянальнай варажнечы, зьдзейсьненых «у стане непрытомнасьці».

08.05.2013 У спрэчцы за зямлю магілёўскі суд стаў на бок фермера-дэпутата

Сёння, 8 траўня, суд Ленінскага раёна Магілёва ў асобе суддзі Алены Дыбленка не задаволіў скаргу жыхара вёскі Нядашава-2 Магілёўскага раёна Магілёўскай вобласці Дзмітрыя Яўстратава на рашэнне мясцовага райвыканкама аб выдзяленні зямлі агульнага карыстання без правядзення грамадскіх слуханняў фермеру Юрыю Коршунаву.

08.05.2013 Кэтрын Эштан заклікала Беларусь накласьці мараторый на сьмяротнае пакараньне

Вярхоўная прадстаўніца Эўрапейскага Зьвязу па замежных справах і палітыцы бясьпекі Кэтрын Эштан заклікала афіцыйны Менск далучыцца да глябальнага мараторыю на сьмяротнае пакараньне.

08.05.2013 Настаўнік адгаворвае вучняў ад здачы экзамена па беларускай мове

У сярэдняй школе № 4 горада Івацэвічы адбыўся канфлікт у адным з выпускных класаў. Больш за палову вучняў класа абрала беларускую мову як экзамен па выбары.

08.05.2013 Баранавічы: Анжаліку Камбалаву аштрафавалі на 2 млн. рублёў

У Баранавічах 8 мая ў гарадскім судзе адбыўся разгляд адміністрацыйнай справы актывісткі АГП Анжалікі Камбалавай, якую 7 мая затрымалі супрацоўнікі міліцыі за пікет у памяць бясследна зніклага 14 гадоў таму экс-міністра ўнутраных спраў Беларусі Юрыя Захаранкі.

08.05.2013 Аб’яднаньне “Сустрэча” пад пагрозай ліквідацыі

Галоўнае гаспадарчае ўпраўленьне пры прэзыдэнце Беларусі распачало кампанію па экстраным скасаваньня дамоваў арэнды і высяленьні з памяшканьня Рэспубліканскага моладзевага грамадзкага аб’яднаьня “Сустрэча” .

08.05.2013 Пракуратура папярэдзіла Алега Грузьдзіловіча

Алегу Грузьдзіловічу вынесена папярэджаньне, падпісанае першым намесьнікам пракурора Менску Раманоўскім. Яно тычыцца артыкула і кнігі «Хто ўзарваў менскае мэтро?»

08.05.2013 2 мільёны штрафу за плакат зь Юрыем Захаранкам

Судзьдзя Баранавіцкага суду Кацярына Груда прысудзіла 2 мільёны штрафу кіраўніцы мясцовай арганізацыі АГП Анжэле Камбалавай за пікет у памяць Юрыя Захаранкі.