Праваабарончы цэнтр «ВЯСНА»

Навіны за Травень 2013

17.05.2013 «Заля ганьбы» гамафобаў у 2013

Праваабарончая арганізацыя Human Rights Watch назвала сёлетніх кандыдатаў у «Залю ганьбы» («Hall of Shame»), каб адзначыць Міжнародны дзень супраць гамафобіі.

17.05.2013 Рыгора Грыка ў гарвыканкаме папярэдзілі аб неабходнасці спынення грамадскай дзейнасці

Грамадскга актывіста Рыгора Грыка начальніца ідэалагічнага аддзела Баранавіцкага гарвыканкама Таццяна Жытко запрасіла для размовы. "Фактычна мяне выклікалі, каб пераканаць ў неабходнасці спыніць грамадска-палітычную дзейнасць і, як сказала Таццяна Жытко, каб я “не баламуціў” народ".

17.05.2013 Праваабаронцы нагадваюць МЗС пра задачы адносна выканання дзяржорганамі міжнародных дамоваў Рэспублікі Беларусь

17 траўня намеснік старшыні ПЦ “Вясна” Валянцін Стэфановіч накіраваў міністру замежных спраў Беларусі Уладзіміру Макею зварот у сувязі з невыкананнем беларускай дзяржавай рашэння Працоўнай групы па адвольных затрыманнях ААН у справе Алеся Бяляцкага.

17.05.2013 17 траўня - Міжнародны дзень супраць гамафобіі

У гэты дзень у 1990 годзе Генеральная асамблея Сусветнай арганізацыі аховы здароўя выключыла гомасэксуальнасць са спісу псіхічных захворванняў.

17.05.2013 Незалежныя журналісты з Магілёва атрымалі паўторныя позвы ў Бялыніцкі РАУС

Незалежны журналіст з Магілёва Яўген Глушкоў 17 траўня атрымаў пад роспіс паўторную позву з Бялыніцкага РАУС. Журналістка Аліна Скрабунова адсутнічала дома, таму адпаведную позву ёй пакуль не ўручылі. У позве Яўгену Глушкову ўказана, што ён выклікаецца “ у якасці асобы, супраць якой распачаты адміністрацыйны працэс”.

17.05.2013 Бабруйск: Грамадскіх актывістак адхілілі ад арганізацыі фестываля

Лідэр мясцовай прафсаюзнай суполкі РЭП Галіна Смірнова і сябра аргкамітэта па стварэнні партыі БХД Таісія Кабанчук расказалі бабруйскім праваабаронцам, што іх адхілілі ад удзелу ў арганізацыі фестываля сям’і з-за іх грамадскай дзейнасці.

17.05.2013 Суд аштрафаваў Васіля Парфянкова на тры мільёны рублёў

17 траўня суддзя Першамайскага суда Менска Юрый Гарбатоўскі разгледзеў адміністратыўную справу Васіля Парфянкова і пакараў яго штрафам у памеры трох мільёнаў беларускіх рублёў. Актывіста прызнаны вінаватым паводле ч.2 артыкула 24.12 КаАП.

17.05.2013 Мазыр: рэдактар “Жыцця Палесся” папярэджаны аб недапушчальнасці знявагі цыганоў

Намеснік старшыні Мазырскага райвыканкаму папярэдзіў галоўнага рэдактура мясцовай газеты аб недапушчальнасці знявагі цыганоў. Гомельская праваабаронца Марыя Клімовіч атрымала адказ на свой зварот у пракуратуру Мазырскага раёна, у якім выказвала заклапочанасць у сувязі з дыскрымінацыяй цыганоў.

17.05.2013 Абсерваторыя па абароне праваабаронцаў патрабуе ад МЗС Беларусі выканання рашэння ААН у справе Алеся Бяляцкага

Абсерваторыя па абароне праваабаронцаў звярнулася з адкрытым лістом да міністра замежных спраў Беларусі Уладзіміра Макея з патрабаваннем аб выкананні рашэння Працоўнай групы па адвольных затрыманнях ААН у справе праваабаронцы Алеся Бяляцкага.

16.05.2013 Суд за "чарнобыльскі пікет" у Віцебску – 17 траўня

Так супала, што ў той самы дзень і час, у 15.00 у Кастрычніцкім райсудзе распачнецца працэс над яшчэ двума віцебскімі актывістамі. Выкліканых да суддзі Алены Простас сябраў Партыі БНФ Леаніда Аўтухова і Кастуся Смолікава будуць судзіць паводле абвінавачання ў парушэнні Закону аб СМІ.

16.05.2013 Алеся Бяляцкага на паўгода пазбавілі прадуктовых перадач

Пра гэта жонка палітвязня Натальля Пінчук даведалася 16 траўня, калі наведала бабруйскую калонію.

16.05.2013 Патрабуецца дапамога маці Юрыя Захаранкі

7 мая «Народная Воля» наведала маці былога міністра ўнутраных спраў Беларусі Юрыя Захаранкі, які знік 14 гадоў таму. Да зімы ў хату маці Захаранкі трэба газ, бо бабулі ўжо цяжка тапіць печку дрывамі. Але газ на пенсію не правядзеш…

16.05.2013 21 мая пройдзе вечарына памяці Дзмітрыя Завадскага

А сёння на сядзібе БНФ адбудзецца прагляд фільма Паўла Шарамета "Дзікае паляванне", запланавана таксама абмеркаванне планаў і мерапрыемстваў кампаніі "Мы не забудзем!".

16.05.2013 За папрок на адрас міліцыянта — пратакол “за абразу”

На мінулым тыдні адразу некалькі інфармацыйных сайтаў апублікавалі ліст мінчаніна Андрэя.

16.05.2013 Гродна: сябра БХД аспрэчвае штраф

Затрыманы Сяргей Верамеенка з торбай, у якой былі ўлёткі ў падтрымку палітвязняў, быў яшчэ 12 сакавіка непадалёк ад партыйнага офісу. Тады ж улёткі былі канфіскаваны. Паводле экспертызы Міністэрства інфармацыі, яны не адпавядаюць вызначаным нормам.