Праваабарончы цэнтр «ВЯСНА»

Навіны за Красавік 2013

09.04.2013 Масавыя звальненні на «Гарызонце»

Менскі завод «Гарызонт» працуе з перабоямі. Звольненыя больш за сто чалавек. Пра гэта сайту charter97.org паведаміў адзін з рабочых «Гарызонта».

09.04.2013 Памочнік Лукашэнкі апублікаваў свой электронны адрас — для фактаў карупцыі

Максім Рыжанкоў адкрыў антыкарупцыйную лінію даверу.

09.04.2013 Тэрэса Стшэлец аб’явіла галадоўку ў польскім консульстве ў Берасці

Грамадзянка Польшчы Тэрэса Стшэлец аб’явіла ў Берасці галадоўку. Пра гэта паведаміў яе прадстаўнік спадар Вячаслаў. Раніцай ён адвёз яе ў польскае консульства. Тут Тэрэса Стшэлец збіраецца знаходзіцца пакуль яе не выпусцяць з Беларусі.

09.04.2013 “Гавары праўду” рыхтуецца да выбараў ў мясцовыя саветы

На Берасцейшчыне дэмакратычныя партыі і рухі пачалі падрыхтоўку да выбараў у мясцовыя саветы, якія адбудуцца ў 2014 годзе.

09.04.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: пытанні бяспекі праваабаронцаў і парушэння іх права на свабоду асацыяцыяў на мінулым тыдні прагучалі з міжнародных трыбунаў. "Асоба. Дзяржава. Грамадства": госць рубрыкі юрыст і эксперт працоўнай групы “Еўрапейскага дыялогу аб мадэрнізацы з Беларуссю” Алег Граблеўскі разважае пра праблему прымусовага размеркавання студэнтаў у краіне.

09.04.2013 Маладыя Хрысціянскія Дэмакраты супраць Мінюсту

У Вярхоўным судзе Беларусі 9 красавіка будзе абскарджвацца адмова Міністэрства юстыцыі ў рэгістрацыі ГА "Маладыя Хрысціянскія Дэмакраты".

09.04.2013 Гомель: міліцыя, «хуткая дапамога» і гарвыканкам – супраць мітынгу «левых» на 1 мая

Нагадаем, што ў Гомелі ў наступным 2014 годзе можна будзе адзначаць 10 гадоў з таго часу, як у горадзе афіцыйна быў дазволены апошні мітынг ці пікет, ініцыяваны апазіцыяй.

08.04.2013 Руся: «Патрэбы ў пратэстным року цяпер няма»

Вядомая сьпявачка ў вялікім інтэрвію жорстка канстатавала: беларускую мову ўратаваць не ўдаецца, яна не прыжываецца і адыходзіць. Руся таксама заявіла, што пратэстны рок вычарпаў сябе і распавяла пра той момант, калі сама зразумела, што праз рок-н-рол ня здольная паўплываць на сытуацыю.

08.04.2013 Deutsche Welle: Гісторыкам помсцяць за пратэсты супраць знішчэння цэнтра Гародні

Звальненне выкладчыкаў Гарадзенскага ўніверсітэта - адказ уладаў на іх пратэсты супраць распродажу зямлі ў гістарычным цэнтры горада.

08.04.2013 Гомельскі абласны суд знайшоў новы спосаб абмежавання правоў грамадзян (копія дакумента)

Старшыня Гомельскага абласнога суда Сяргей Шаўцоў "вынайшаў" новы спосаб абмежавання канстытуцыйных правоў грамадзян - галоўны суддзя вобласці лічыць, што канстытуцыйныя правы можна абмяжоўваць пры наяўнасці аб'ектыўных абставін.

08.04.2013 Актывізавалася магілёўскае КДБ

За апошнія некалькі тыдняў пад увагу спецслужбаў патрапіла некалькі маладых актывістаў дэмакратычных арганізацый, а таксама быў узламаны сайт магілёўскага аддзялення Праваабарончага цэнтра "Вясна". Журналіст Алесь Буракоў кажа, што спецслужбы актывізаваліся, бо ўжо зараз рыхтуюцца да выбараў 2015 года.

08.04.2013 Праваабарончы цэнтр “Вясна” запрашае да супрацы валанцёраў

Калі ты падзяляеш каштоўнасныя прынцыпы салідарнасьці, узаемнага даверу і добраахвотнай дапамогі, гатовы падзяліцца сваім часам і прапанаваць свае паслугі - далучайся да каманды валанцёраў “Вясны”!

08.04.2013 Бялынічы: суд апраўдаў Валерыя Вусіка па справе аб дробным хуліганстве

Згодна з пратаколам, складзеным супрацоўнікам міліцыі Сяргеем Карыткіным, Валерый Вусік 28 лютага, калі разам са здымачнай групай незалежных тэлежурналістаў наведваў жывёлагадоўчую ферму СВК “Лебедзянка”, “выражался нецензурной бранью, на предложения успокоиться не реагировал”.

08.04.2013 Андрэй Гайдукоў застаецца ў СІЗА КДБ яшчэ на месяц

Следчая група Віцебскай абласной управы КДБ працягвае расследваць "шпіёнскую справу", паводле якой 23-гадовы наваполацкі актывіст, аператар "Нафтану" Андрэй Гайдукоў абвінавачаны ў "здрадзе дзяржаве". Ніякіх падрабязнасцяў расследвання, якое цягнецца ўжо шосты месяц, дагэтуль няма, -- "шпіёнская справа" застаецца таямніцай.

08.04.2013 Баранавічы: пракурору накіравана скарга на дзеянні супрацоўніка ГАУС

Грамадскі актывіст Віктар Сырыца 8 красавіка накіраваў пракурору горада Баранавічы скаргу на дзеянні супрацоўніка ГАУС маёра Паўла Кульгавіка, які зацягнуў прыняцце рашэння аб заключэнні дамовы на абслугоўванне пікета 25 сакавіка, што паслужыла прычынай ягонай забароны.