Праваабарончы цэнтр «ВЯСНА»

Навіны за Красавік 2013

10.04.2013 Размеркаванне: што трэба ведаць студэнту?

Ва ўніверсітэтах і каледжах набліжаецца час размеркавання выпускнікоў. Наша краіна - адзінаяў Еўропе, дзе дагэтуль захавалася прымусовае працаўладкаванне маладых спецыялістаў.

10.04.2013 Ян Мельнікаў пакараны штрафам за бел-чырвона-белы сцяг

Актывіст руху «За свабоду» Ян Мельнікаў пакараны штрафам за бел-чырвона-белы сцяг, з якім ён віншаваў мінчукоў з Днём Волі 25 сакавіка. Суддзя суду Савецкага раёна Менска Аксана Рэлява звінаваціла яго ў парушэнні часткі 2 арт. 23.34 КаАП (арганізацыя несанкцыянаванай акцыі) і прысудзіла да штрафу ў памеры 22 б.в.

10.04.2013 «Наша Ніва» салідарная з «Прэс-фота Беларусі»

Незалежная беларуская газэта «Наша Ніва» прыбрала ўсе фатаздымкі зь першай паласы сёньняшняга нумара. На паласе разьмешчаны загаловак «Асьцярожна, экстрэмізм!»

10.04.2013 У Віцебску міністры пагавораць пра палітвязьняў

Падчас сустрэчы ў Віцебску 10 красавіка зь міністрам замежных спраў Беларусі Ўладзімерам Макеем міністар замежных спраў Латвіі Эдгарс Рынкевічс плянуе між іншым абмеркаваць сытуацыю з вызваленьнем беларускіх палітвязьняў.

10.04.2013 На Гарадзеншчыне новы адміністрацыйны працэс за фотаздымак

На Гарадзеншчыне чакаецца новы адміністрацыйны працэс па факце публікацыі фотаздымкаў у інтэрнэце. 25 сакавіка грамадскія актывісты з гораду Бярозаўка традыцыйна ўшанавалі памяць генерала БНР Кіпрыяна Кандратовіча. Магіла гэтай гістарычнай асобы знаходзіцца паблізу праваслаўнай царквы раённага цэнтру Воранава.

10.04.2013 Amnesty International: Смяротнае пакаранне ў Беларусі па-ранейшаму ў вельмі строгай сакрэтнасці

"Беларусь заставалася адзінай краінай у Еўропе і Цэнтральнай Азіі, дзе захоўвалася смяротнае пакаранне. Гэтую меру пакарання па-ранейшаму атачала абстаноўка вельмі строгай сакрэтнасці", - канстатуе Amnesty International у сваім штогадовым аглядзе, прысвечаным смяротным прысудам і пакаранням смерцю.

10.04.2013 Агляд-хроніка парушэнняў правоў чалавека ў Беларусі. Сакавік 2013 года

Нягледзячы на агучаныя заявы еўрачыноўнікаў па выніках кантактаў з беларуcкім бокам, у асноўным прынцыповым пытанні -- вызваленні палітвязняў, пазітыўных зменаў не адбылося.

10.04.2013 Мінюст прызнаў, што зьезд МХД быў

У Менску 9 красавіка адбылося паседжанне Вярхоўнага суду Беларусі па пазове аргкамітэту па стварэнні ГА "Маладыя Хрысціянскія Дэмакраты" да Мінюста ў сувязі з адмовай у рэгістрацыі.

10.04.2013 Cуд над Нінай Багінскай: штраф - 2 з паловай мільёны рублёў

У судзе Маскоўскага раёна Менска 10 красавіка разглядаецца адміністрацыйная справа грамадскай актвісткі Ніны Багінскай. Пад час мінулага судовага паседжання, 26 сакавіка, яна страціла прытомнасць. Ніна Багінская з'явілася на судзе у цішотцы з надпісам "Свабоду Бяляцкаму". Прысуд - 25 базавых велічынь.

09.04.2013 Мікалай Уласевіч падаў заяўку на пікет да ўгодкаў Чарнобылю

Пікет ставіць за мэту інфармаванне насельніцтва пра згубныя наступствы чарнобыльскай катастрофы і патэнцыйную вялікую небяспеку пабудовы новай атамнай станцыі на тэрыторыі Астравецкага раёну, якая можа прывесці да непапраўнага.

09.04.2013 У Брэсце распачалі збор подпісаў, каб дамагчыся празрыстасці ў пытаннях бюджэту

У адмысловым звароце да гарадскіх уладаў жыхары Брэста прапануюць, каб бюджэты ўсіх узроўняў былі змешчаны ў друку і Інтэрнэце, а справаздачы па выканнні мясцовага бюджэту праходзілі праз працэдуру грамадскага абмеркавання.

09.04.2013 Аршанскія ўлады абвясцілі вайну нефармалам

Па колькасці сцягнутых міліцэйскіх сілаў на старажытнае гарадзішча ў цэнтры Оршы можна было выказаць здагадку, што праводзіцца нейкая буйная аперацыя па нейтралізацыі прафесійнай ўзброенай банды. Аднак усё аказалася прасцей. Такім спосабам міліцыя праводзіла ў мінулыя выходныя аблаву на аршанскіх нефармалаў.

09.04.2013 Актывіста будуць судзіць за віншаванне мінчукоў з Днём Волі

Актывіста руха «За свабоду» Яна Мельнікава, які пад бел-чырвона-белым сцягам віншаваў мінчукоў з 25 Сакавіка, выклікалі ў РУУС Савецкага раёна і склалі там адміністратыўны пратакол.

09.04.2013 У абарону незалежных фатографаў

РГА "Беларускі ПЭН-Цэнтр" звяртаецца з заявай у абарону незалежных фатографаў. Як паведамляюць сродкі масавай інфармацыі, нядаўна заведзеная справа супраць Юліі Дарашкевіч і Вадзіма Заміроўскага, арганізатараў творчага конкурсу Belarus Press Photo-2011.

09.04.2013 Да Яўгена Васьковіча дайшлі лісты з віншаваннямі

Насуперак перажыванням бабручан, віншавальныя лісты з днём народзінаў і Днём Волі дайшлі да Яўгена Васьковіча. Аб гэтым ён паведаміў сам у лісце да грамадскай актывісткі Галіны Смірновай. Ён перадае прывітанне кожнаму, па імёнах, чалавеку, ад каго атрымаў паштоўку.