Праваабарончы цэнтр «ВЯСНА»

Навіны за Красавік 2013

16.04.2013 Прымусовыя паборы на будаўніцтва царквы

У пінскіх педагогаў забралі частку заробку на будаўніцтва праваслаўнай царквы

16.04.2013 Дзяржпамежкамітэт выступае за ўзмацненне адказнасці за парушэнне памежнага заканадаўства

Як адзначае прэс-сакратар Дзяржаўнага памежнага камітэта Аляксандр Цішчанка, апошнім часам фіксуецца ўсё больш выпадкаў кантрабанды і нелегальнай міграцыі. Больш таго, памежнікі сутыкаюцца на мяжы і з выпадкамі супраціву.

16.04.2013 У Дзятлаўскім раёне зруйнавалі мураваны вадзяны млын з ансамблю сядзібы Пратасевічаў

Фармальна знішчэнне гістарычнага будынку адбылося законна, таму што ён не меў статуса гісторыка-культурнай каштоўнасці.

16.04.2013 "Парушальнік правілаў прэвентыўнага нагляду". Без віны вінаваты?

У судзе Салігорска ідзе адміністратыўны працэс у дачыненні да былога зняволенага Ігара Міхнаўца, які абвінавачваецца ў парушэнні патрабаванняў прэвентыўнага нагляду. Прычына парушэння, па сутнасці, у тым, што "парушальнік" не мог знайсці новы адрас крымінальна-выканаўчай інспекцыі, дзе павінен быў стаць на ўлік пасля вызвалення з месцаў пазбаўлення волі.

16.04.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: вяртанне ў менскую гімназію №4 беларускай мовы. Намаганні неабыякавай грамадскасці і бацькоў гімназістаў, якія актывізаваў вядомы скульптар Генадзь Лойка, прывялі да першай перамогі супраць русіфікацыі навучальнага працэсу. "Асоба. Дзяржава. Грамадства": госць рубрыкі: намеснік старшыні Праваабарончага цэнтру “Вясна” Валянцін Стэфановіч.

16.04.2013 Матэрыялы “Вольнага горада” КДК “прыняў да ведама” (дакументы)

Журналіст звяртаўся ў Крычаўскі міжраённы аддзел КДК с просьбай праверыць шматлікія факты парушэнняў і безгаспадарчасці ў шэрагу арганізацый і ўстаноў Крычаўскага раёна. Да свайго звароту ў міжраённы КДК журналіст прыклаў пяць артыкулаў з газеты “Вольны горад”.

16.04.2013 Салігорск: Апазіцыянер судзіцца з працадаўцам

Сябра партыі АГП з Салігорску Віктар Малочка ўжо каторы год мае сталыя цяжкасці з працаўладкаваннем. Не ў апошнюю чаргу тое звязана з яго актыўнай апазіцыйнай дзейнасцю. Гэтым разам канфліктная сітуацыя ўзнікла пасля яго ўдзелу ў якасці кандыдата ў дэпутаты ў апошніх парламенцкіх выбарах.

16.04.2013 У Брэсце пададзена заяўка на правядзенне першамайскай дэманстрацыі

Ініцыятарамі правядзення гэтага мерапрыемства з’яўляюцца мясцовыя актывісты Беларускай сацыял-дэмакратычнай партыі (Грамада). Апошняя санкцыянавая ўладамі “маёўка” адбылася ў Брэсце ў 2002 годзе.

15.04.2013 “Вясна” віншуе: Сяргею Русецкаму – 50!

Сябру Праваабарончага цэнтра “Вясна” з Бярозы Сяргею Русецкаму сёння -- 50 гадоў. Дарагі калега, сябры Праваабарончага цэнтра “Вясна” вельмі рады шматгадоваму супрацоўніцтву і жадаюць Вам поспехаў у нашай агульнай няпростай справе па адстойванні правоў чалавека ў нашай краіне!

15.04.2013 Ад Яўгена Васьковіча пачалі даходзіць лісты

Валянціна Глухава кажа, што ў лісце Яўген дзякуе за падтрымку, віншуе са святамі. Але для яе больш важны не столькі змест, колькі тое, што лісты нарэшце пачалі даходзіць. У Бабруйску перад днём народзінаў Яўгена праходзіла віншавальная акцыя, але, сыходзячы з перапіскі з роднымі і сябрамі, гэтыя паштоўкі Васьковіч атрымаў з затрымкай больш чым у месяц.

15.04.2013 Ілоне Ткачовай да сённяшняга дня не вярнулі сканфіскаваны ноутбук

Сябру партыі “Справядлівы свет” са Жлобіна Ілоне Ткачовай да сённяшняга дня не вярнулі ноутбук і фотапарат, канфіскаваны на беларуска-украінскай мяжы. "Па-сутнасці, выйшлі ўсе магчымыя тэрміны, але мне нават не далі ніякага адказу на скаргі, якія былі адрасаваны начальніку мытні".

15.04.2013 Да ўгодкаў аварыі на Чарнобыльскай АЭС у Віцебску заяўлены тры пікеты

Сябра Кансерватыўна-Хрысціянскай партыі БНФ Ян Дзяржаўцаў накіраваў у адміністрацыю Кастрычніцкага раёна Віцебска заяўку на правядзенне пікета 26 красавіка. Раней заяўкі былі пададзены таксма старшынём абласной арганізацыі Партыі БНФ Леанідам Аўтуховым і кіраўніком абласной структуры Руху "За Свабоду" Хрыстафорам Жаляпавым.

15.04.2013 Суд па альбомах “Прэс-фота” будзе закрытым (+Тэкст экспертызы)

Пра гэта паведаміла ў сваім Фэйсбуку фатораф Юлія Дарашкевіч, якая будзе прысутнічаць у судзе 17 красавіка ў якасці “зацікаўленай асобы”.

15.04.2013 Мікалай Аўтуховіч не выключае, што звернецца ў суд супраць следчага Аліхвера

Палітвязень пацвердзіў, што на фота, распаўсюджаным у сацыяльных сетках і СМІ, сапраўды следчы, які распачынаў першую крымінальную справу супраць яго.

15.04.2013 Перамога Гэніка Лойкі

Пасьля пратэстаў архітэктара Гэніка Лойкі менскай гімназіі № 4 прадпісана вярнуцца да беларускай мовы. Упраўленьне адукацыі Фрунзэнскага раёну Менску абавязала адміністрацыю адзінай у раёне беларускамоўнай гімназіі № 4 унесьці папраўкі ў статут.