Праваабарончы цэнтр «ВЯСНА»

Навіны за Красавік 2013

17.04.2013 Сёння ў Смалявічах - грамадскія слуханні па Беларуска-кітайскаму індустрыяльнаму парку

Учора прадстаўнікі 8 садаводчых таварыстваў накіравалі ў райвыканкам прапановы і заўвагі на чатырох лістах, пад якімі падпісаліся 463 чалавекі.

17.04.2013 Баранавічы: грамадскасць спрабуе ўратаваць адзін з самых старажытных будынкаў горада

Адзін з самых прыгожых і старажытных дамоў у Баранавічах (“прыбытковы дом” па вул. Тэльмана, 16) плануюць і могуць хутка зруйнаваць з мэтаю пашырэння вуліцы Тэльмана. Таму Анжаліка Камбалава звярнулася ў Міністэрства культуры з просьбаю надаць яму статус гісторыка-культурнай каштоўнасці.

17.04.2013 Мікалай Уласевіч дамагаецца вяртання канфіскаваных мытнікамі рэчаў

Яшчэ 10 красавіка 2012 году на мяжы ў пункце пропуску “Катлоўка” аўтамабіль грамадскага актывіста быў пастаўлены ў адмысловы бокс на агляд. У выніку больш чым трохгадзіннага ператрусу былі забраныя асабістыя рэчы і матэрыялы, якія не вяртаюць дагэтуль.

17.04.2013 Полацкі суд адмовіў актывісту СПБ у аднаўленьні на працы

Працэс паводле скаргі звольненага з прадпрыемства «Полацак-Шкловалакно» кіраўніка «пярвічкі» Свабоднага прафсаюзу беларускага (СПБ) Віктара Стукава працягваўся амаль месяц.

17.04.2013 "Мы не забудзем": Юрый Захаранка

16 красавіка ў Менску прайшла вечарына памяці зніклага амаль 14 гадоў назад былога міністра ўнутраных спраў Беларусі, палітыка Юрыя Захаранкі. Імпрэзу "Мы не забудзем" зладзілі актывісты ствараемай арганізацыі “Маладыя хрысціянскія дэмакраты”.

17.04.2013 Калінкавічы: «Белая Русь» зоймецца ананімным кадзіраваннем вяскоўцаў

Новы накірунак дзейнасці асвойвае грамадскае аб'яданне «Белая Русь». Напрыклад, Калінкавіцкая арганізацыя «Белай Русі» з 10 красавіка па 10 мая праводзіць акцыю ў сельскай мясцовасці «з выездам на месца пражывання жыхароў па бясплатнаму ананімнаму кадзіраванню».

17.04.2013 Судзьдзя Грабоўская засталася беспакаранай

«У ходзе праведзенай праверкі фактаў грубых і непаважлівых адносін да ўдзельнікаў працэсу з боку судзьдзі суду Кастрычніцкага раёну г. Віцебску Грабоўскай І. В. ня выяўлена, падстаў для прыцягненьня яе да дысцыплінарнай адказнасьці ня ўгледжваю»...

16.04.2013 Касацыйная скарга грамадзянак Украіны пакінутая без задавальнення

Украінскія дзяўчаты Юля Грышчук і Юля Слівінская не знайшлі праўды ў беларускім судзе.

16.04.2013 Актывісту АГП не вяртаюць працоўную кніжку

Актывіст Аб'яднанай грамадзянскай партыі з Салігорска Віктар Малочка спрабуе цераз суд дамагчыся вяртання працоўнай кніжкі. Інакш ён не можа працаўладкавацца.

16.04.2013 Паліна Качаткова: Быць праваабаронцам для пісьменьніка карысна

Імя пісьменьніцы Паліны Качатковай многія звыклі атаясамліваць з праваабарончай дзейнасьцю, з цэнтрам «Вясна», дзе яна шмат гадоў працавала. Штодзённае знаходжаньне на вастрыі чужога болю — ці спрыяе гэта мастацкай творчасьці? Ці лёгка напісаць кнігу супольна з аўтарам, які знаходзіцца за кратамі? Паліна Качаткова - у «Вольнай студыі» на Радыё “Свабода”.

16.04.2013 Бабруйск: На заводзе ДВП рабочыя выступаюць супраць скарачэння прэмій

15 сакавіка рабочыя філіяла "Бабруйскі завод ДВП ТАА "БізнесБудСвет" атрымалі на рукі разліковыя лісты і ўбачылі, што ім значна скарацілі прэміі. Раней прэмія складала 40 працэнтаў, а ад учорашняга дня стала 20 працэнтаў у рабочых і 10 працэнтаў у служачых.

16.04.2013 Валянцін Стэфановіч: “У Бруселя няма ніякіх ілюзіяў у ацэнках гэтага рэжыму”

Такую выснову зрабіў намеснік старшыні ПЦ “Вясна” па выніках нядаўняга візіту ў Брусель, дзе ён браў удзел у працы канферэнцыі па дыялогу аб мадэрнізацыі Беларусі і меў шэраг працоўных сустрэчаў. У кантэксце дыялогу Еўразвязу і Беларусі для праваабаронцаў галоўнай задачай застаецца вызваленне палітвязняў.

16.04.2013 Жанна Літвіна заклікала працягваць конкурс «Прэс-фота»

Старшыня Беларускай асацыяцыі журналістаў выступіла са зваротам да калег у сувязі з заўтрашнім пачаткам суда аб канфіскацыі каталога «BELARUS PRESS PHOTO-2011».