Праваабарончы цэнтр «ВЯСНА»

Навіны за Сакавік 2013

12.03.2013 У Бялынічах падтрымалі палітвязняў

12 сакавіка ў Бялынічах мясцовыя грамадскія актывісты напісалі лісты і паштоўкі салідарнасці беларускім палітвязням. Акцыя прайшла ў межах кампаніі “Хваля салідарнасці”, яе ініцыятарамі былі мясцовыя сябры аргкамітэта па стварэнню партыі БХД.

12.03.2013 Адміністрацыйна арыштаваны парэзаў сабе вены на «Акрэсціна»

9 сакавіка адміністрацыйна арыштаваны Андрэй Ч., знаходзячыся ў Цэнтры ізаляцыі правапарушальнікаў у Мінску, разрэзаў сабе вены на руках, патрабуючы аказання медыцынскай дапамогі.

12.03.2013 Гомель: суд адмовіўся правесці разгляд справы на беларускай мове

Гомельскі абласны суд 12 сакавіка адхіліў хадайніцтва жыхара вёскі Церуха Гомельскага раёна Мікалая Віцікава аб разглядзе яго справы на роднай беларускай мове. Суддзя ўдакладніў – ці валодае грамадзянін рускай мовай, і, атрымаўшы станоўчы адказ, адхіліў хадайніцтва.

12.03.2013 Адміністрацыя прэзідэнта не дала адказу на зварот грамадзян аб узнагароджанні Ярмошынай медалём “Герой Беларусі”

Грамадскі актывіст Аляксей Паўлоўскі падаў скаргу ў Генеральную пракуратуру з нагоды парушэння Закона “Аб зваротах грамадзян”. Ён разам з іншымі магілёўцамі накіраваў калектыўны зварот у Адміністрацыю прэзідэнта яшчэ 21 студзеня, аднак адказу адтуль ён не атрымаў дагэтуль.

12.03.2013 Сёння – Сусветны дзень супраць цэнзуры ў інтэрнэце

12 сакавіка, у Сусветны дзень супраць інтэрнэт-цэнзуры, “Рэпарцёры без межаў” разам з Google узнагародзяць в’етнамскага блогера Х’юн Нгок Чэня (Huynh Ngoc Chenh), пераможцу конкурса сярод інтэрнэт-актывістаў (Netizen Prize), за ўнёсак у развіццё свабоды выказвання праз інтэрнэт.

12.03.2013 Разгляд справы Басарэўскага – 26 і 27 сакавіка

Жлобінскі раённы суд разгледзіць справу асуджанага на тры гады зняволення з адтэрміноўкай выканання прысуду сябра партыі “Справядлівы свет”. Яўген Басарэўскі атрымаў рашэнне Гомельскага абласнога суда, якое адмяніла ранейшы прысуд 66-гадоваму актывісту, вынесены Жлобінскім раённым судом 7 снежня мінулага года.

12.03.2013 Сябры “Справядлівага свету” са Жлобіна падрыхтавалі прапанову аб абнародванні раённага бюджэту

Сябры партыі левых “Справядлівы свет” (Жлобін) падрыхтавалі прапанову аб абнародванні раённага бюджэту, якую плануецца накіраваць на гэтым тыдні ў Жлобінскі райвыканкам. Пра гэта паведаміў кіраўнік раённай партыі “Справядлівы свет” Валеры Рыбчанка.

12.03.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня” – прэзентацыя кнігі Алеся Бяляцкага "Асвечаныя Беларушчынай". Госця рубрыкі "Асоба. Дзяржава. Грамадства" – выкладчык Еўрапейскага гуманітарнага ўніверсітэта і доктар тэалогіі Ірына Дубянецкая, якая распавядае, што чакаць беларусам ад прыходу новага Папы Рымскага.

11.03.2013 Cледства па справе Гайдукова працягнулі яшчэ на месяц

Вольга Гайдукова распавяла, што 11 сакавіка атрымала апошні ліст ад сына: "Мне радасна, што даходзяць хоць гэтыя некалькі радкоў. Следства цягнецца ўжо пяты месяц, а яснасці ніякай. З усіх дапытаных і з адваката ўзялі падпіску аб неразгалошванні таямніцы следства. А ў гэтай справе – усё таямніца!"

11.03.2013 Пачаўся збор подпісаў за помнік Каліноўскаму ў Мінску

Моладзевая грамадская арганізацыя «Альтэрнатыва» (зарэгістраваная ў Латвіі) распачала збор подпісаў сярод жыхароў беларускай сталіцы з прапановай да ўлады пабудаваць помнік Кастусю Каліноўскаму.

11.03.2013 Беларускія эколагі выступілі з адкрытым зваротам

У гадавіну трагедыі на атамнай электрастанцыі ў Фукусіме беларускія эколагі прыгадваюць пра небяспеку развіцця атамнай энергетыкі.

11.03.2013 Экс-дэпутаты правядуць Сход і прымуць заяву

Некаторыя з ліку 70-ці былых дэпутатаў Вярхоўнага савету 13-га склікання, якія спрабавалі абвясціць імпічмэнт прэзідэнту ў 1996 годзе, адзначаць Дзень Канстытуцыі 15-га сакавіка адмысловым Сходам.

11.03.2013 Магілёўцы падалі ў гарвыканкам заяўку на святкаванне 95-х угодкаў абвяшчэння БНР

“Гэтым разам мы выбралі іншы фармат правядзення мерапрыемства. Мы хочам зладзіць у цэнтры горада сапраўдныя гулянні з песнямі, пляскамі і чытаннямі вершаў. Хочам, каб мясцовыя чыноўнікі пайшлі нам насустрач і далучыліся да нашай ініцыятывы”.

11.03.2013 Валянціну Цюраву пакаралі арыштам на 3 сутак, якія яна адбыла на Акрэсціна

Суддзя Дзмітрый Паўлючэнка пакараў Валянціну Цюраву арыштам на 3 сутак. Менавіта столькі правяла дзяўчына ў чаканьні суду на Акрэсціна.

11.03.2013 «Чаму беларускія спецслужбы пачуваюцца ў Літве амаль як дома?»

Аператар ТБ «Белсат» у Вільні Здзіславас Вайцахоўскіс сказаў Радыё Свабода, што невядомыя, якія 9 сакавіка перашкаджалі працы журналістаў падчас цырымоніі пахавання трагічна загінулага лідара беларускай дыяспары, паводзілі сябе груба, але з веданнем законаў.