Праваабарончы цэнтр «ВЯСНА»

Навіны за Сакавік 2013

18.03.2013 Павел Левінаў: Дзяржава не павінна жорстка абыходзіцца са сваімі грамадзянамі

Год таму стала вядома, што смяротны прысуд у дачыненні да абвінавачаных у тэракце ў менскім метро прывялі ў выкананне. Родныя Дзмітрыя Канавалава ды Уладзіслава Кавалёва атрымалі адпаведныя рашэнні Вярхоўнага суда.

18.03.2013 Беларускі выведнік Захарчанка атрымаў палітычны прытулак у Літве

Былы вайсковы выведнік Сьцяпан Захарчанка ўцёк у Літву і папрасіў палітычнага прытулку ў канцы лета 2011-га.

18.03.2013 У Гародні сёння судзяць за пікет аб малым памежным руху

18 сакавіка ў Кастрычніцкім раённым судзе Гародні а 10-й гадзіне прызначаны разгляд адміністрацыйнай справы сябры партыі БХД, пенсіянеркі Галіны Котавай. Нагадаем, што 2 сакавіка гарадзенскія сябры БХД імкнуліся правесці пікет у падтрымку малога памежнага руху з краінамі-суседкамі.

18.03.2013 “Беларускі тыдзень” у Вільні

З 25 па 30 сакавіка ў Вільні пройдзе “Беларускі тыдзень”. У праграму святочных мерапрыемстваў уключаны разнастайныя грамадска-палітычныя і культурніцкія праграмы, якія распачнуцца з урачыстага святкавання Дня Волі 25 сакавіка.

18.03.2013 Суд па справе праваабаронцы Сяргея Гоўшы адбудзецца 21 сакавіка

"Я абавязкова паеду ў абласны суд і буду даказваць, што калі падчас парламенцкіх выбараў я, як назіральнік, выявіў фальсіфікацыю пратакола акруговай камісіяй, то мяне раптам абвінавацілі ў брыдкаслоўі і пакаралі штрафам у памеры 15 базавых велічынь. Таму ў Брэсцкім абласным судзе я хачу абараніць сваю чалавечую годнасць".

18.03.2013 Уладзімір Малей прысвяціў забег Алесю Бяляцкаму (фота)

Вядомы праваабаронца з Берасцейшчыны Уладзімір Малей, удзельнік многіх марафонаў, які сярод іншых прадстаўляў клуб “Маладосць” з Маларыты, прысвяціў свой першы ў новым сезоне выступ палітзняволенаму Алесю Бяляцкаму. Уладзімір Малей прабег за гадзіну больш дванаццаці кіламетраў у кашульцы з выявай Бяляцкага.

17.03.2013 У Брэсце вучыліся абараняць правы чалавека (фота)

Семінар адбыўся ў рамках сталай навучальнай праграмы “Правы Чалавека “на пальцах” і быў прысвечаны розным аспектам, якія маглі б карыснымі тым, хто толькі пачаў цікавіцца праваабарончай тэматыкай.

17.03.2013 Газета “Шахцёр” рэагуе на патрабаванне аб выкананні Канстытуцыі па моўным пытанні

Новапрызначаны кіраўнік салігорскай раёнкі Сяргей Квіткевіч адразу змяніў моўную структуру газеты. Па інфармацыі Салігорскага тэлеканала, цяпер частка артыкулаў афіцыйнага друкаванага органа райвыканкаму будзе публікавацца на беларускай мове.

17.03.2013 Слонім: райвыканкам не дазволіў праводзіць Дзень Волі

Сябры Слонімскага згуртавання дэмакратычных сіл Іван Шэга і Віктар Марчык атрымалі адказ за подпісам намесніка старшыні Слонімскага райвыканкама Мікалая Шыха. Спадар Шых паведаміў, што “адміністрацыя не мае магчымасці прадаставіць вам памяшканне ў патрабуемы час, таму ў правядзенні масавага мерапрыемства адмоўлена”.

16.03.2013 Суд не стаў разглядаць пратаколы, складзеныя на распаўсюдніка незалежнага выдання

Былы дэпутат Бялыніцкага райсавета Валерый Вусік атрымаў з пракуратуры Бялыніцкага раёна адказ на сваю скаргу на дзеянні супрацоўнікаў Бялыніцкага РАУС, склаўшых на яго два адміністрацыйныя пратаколы быццам бы за паклёп на старшыню СВК “Лебедзянка” Пятра Бялова і за распаўсюд газеты “Магілёўскі Выбар”.

16.03.2013 Слонім: беларускую дыктоўку ў бібліятэцы замянілі выставай касметыкі

Сябры Слонімскага згуртавання дэмакратычных сіл Алесь Масюк і Уладзімір Ліцвін звярталіся з лістом у Слонімскую раённую бібліятэку імя Якуба Коласа па дазвол на правядзення ў гасцёўні бібліятэкі 22 сакавіка беларускай дыктоўкі, прысвечанай Кастусю Каліноўскаму і Дню Волі.

15.03.2013 Шэсьце на Дзень Волі дазволілі, але без сымболікі

Менгарвыканкам даў дазвол на правядзеньне мітынгу і шэсьця да Дня Волі 24 сакавіка, але зьмяніў месца збору на пляцоўку перад кінатэатрам «Кастрычнік».

15.03.2013 Суд пацвердзіў, што рашэнне віцебскага гарвыканкаму невыканальнае

Віцебскія актывісты ўжо каторы раз спрабавалі выканаць рашэнне гарвыканкаму "Аб правядзенні масавых мерапрыемствах у г.Віцебску". ЖКГ, паліклініка і міліцыя адмаўляюцца супрацоўнічаць з апазіцыянерамі, і Кастрычніцкі райсуд пацвердзіў: рашэнне гарвыканкаму дазваляе дзяржаўным структурам ухіліцца ад дамоваў.

15.03.2013 Севярынец: “Міліцэйская жорсткасць у Беларусі – норма…”

Міжнародны дзень барацьбы з паліцэйскай жорсткасцю, які ў свеце адзначаецца 15 сакавіка, у Беларусі не адзначаецца. Пра міліцэйскую жорсткасць у нас не прынята гаварыць. Па словах сустаршыні Беларускай хрысціянскай дэмакратыі палітвязня Паўла Севярынца, у нас гэта хутчэй норма, чым выключэнне.

15.03.2013 Сход сапраўдных дэпутатаў

15 сакавіка, у Дзень Канстытуцыі , у Менску зьбяруцца дэпутаты Вярхоўнага Савету 13 скліканьня, якія засталіся вернымі Канстытуцыі 1994 году і адмовіліся ўвайсьці ў Палату прадстаўнікоў.