Праваабарончы цэнтр «ВЯСНА»

Навіны за Сакавік 2013

19.03.2013 “Хваля салідарнасці” з палітвязнямі прайшла ў Брэсце

Сябры Аргкамітэта па стварэнні Беларускай Хрысціянскай Дэмакратыі Улад Бароўскі, Яўген Хазіахметаў і Андрэй Шарэнда правялі “Хвалю салідарнасці” у горадзе над Бугам.

19.03.2013 У Салігорскім ізалятары часовага ўтрымання пачаўся рамонт

Як стала вядома мясцовым праваабаронцам, у Салігорскім ізалятары часовага ўтрымання праводзяцца маштабныя рамонтныя працы.

19.03.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня” - пра новыя дзеянні ў справе расстралянага Уладзіслава Кавалёва, якія распачалі праваабаронцы разам з яго маці Любоўю Кавалёвай у гадавіну выканання смяротнага прысуду. "Асоба. Дзяржава. Грамадства": госць рубрыкі - вядомы расійскі тэлежурналіст Павел Селін. Ён распавядае пра цэнзуру ў расійскіх медыя і абуджэнне грамадзянскай супольнасці.

19.03.2013 “Наезд” на актывістаў кампаніі “Гавары праўду” ў Белазёрску

Актывісты кампаніі “Гавары праўду” Валянцін Лазарэнкаў і Аляксандр Кузьмін дапытаныя намеснікам начальніка Бярозаўскага РАУС старэйшым лейтэнантам Мікалаем Пракуратам у якасці сведак.

19.03.2013 Андрэй Саннікаў: "Еўропа можа даць дыктатуры дадатковыя магчымасці для шантажу"

Пытанне зняцця візавых абмежаванняў з чыноўнікаў з «чорнага спісу» не ўвязваюць з вызваленнем палітвязняў.

18.03.2013 Звольнены кіраўнік Свабоднага прафсаюзу «Полацак-Шкловалакна» пачынае судзіцца

Паводле Віктара Стукава, цяпер ужо былога апэратара цэха № 7, яго звольнілі таму, што на прадпрыемстве актывізаваўся недзяржаўны прафсаюз.

18.03.2013 Слонім: у мясцовых медыкаў збіраюць грошы на падпіску раёнкі

З усіх работнікаў Слонімскай раённай бальніцы, раённай і гарадской паліклінік пачалі збіраць па 4 тысячы рублёў. Усе гэтыя грошы пойдуць на падпіску раённай газеты “Слонімскі веснік” на другі квартал.

18.03.2013 Суд Вільнюса прызнаў незаконным забарону ўезду ў Літву Таццяне Новікавай

Акруговы адміністрацыйны суд Вільнюса 18 сакавіка прызнаў незаконным забарону ўезду ў Літву актывістцы беларускай Антыядзернай кампаніі Таццяне Новікавай. Таксама суд абавязаў Дэпартамент міграцыі МЗС Літвы аплаціць судовыя выдаткі ў памеры 3.246 літаў.

18.03.2013 У Брэсце на «Хвалі Салідарнасці» затрымалі трох сябраў БХД

У Брэсце 18 сакавіка падчас акцыі «Хваля салідарнасці», арганізаванага аргкамітэтам па стварэнні партыі «Беларуская хрысціянская дэмакратыя», былі затрыманыя тры сябры аргкамітэту БХД: Улад Бароўскі, Яўген Хазіахметаў і Андрусь Шарэнда.

18.03.2013 Кіраўнік суполкі СПБ Віктар Стукаў будзе судзіцца з "Полацк-Шкловалакном"

Віктар Стукаў, актывіст Свабоднага Прафсаюзу беларускага, звольнены нібыта за прарушэнне правілаў аховы працы, падаў заяву ў суд.

18.03.2013 Парламент не хоча ўлічваць меркаванне НДА

Цэнтр прававой трансфармацыі накіраваў у Камісію па правах чалавека для азнаямлення і прыняцця да ведама прапановы па зменах закона аб грамадскіх аб'яднаннях. Аднак рабочая група парламента вырашыла, што ўлічваць меркаванне НДА немэтазгодна.

18.03.2013 Гродна: Актывістцы БХД Галіне Котавай прысудзілі штраф за пікет

Суддзя Кастрычніцкага раённага суда Гародні Зінаіда Барцэвіч асудзіла прадстаўніцу Партыі БХД пенсіянерку Галіну Котаву да штрафу ў 25 базавых велічынь (два з паловай мільёны беларускіх рублёў). Суддзя не ўзяла пад увагу ні тое, што Котава адразу спыніла правядзенне пікету, калі зразумела, што ён не дазволены, ні памер пенсіі жанчыны.

18.03.2013 Баранавічы: Актывісты сабралі подпісы за тэрміновы рамонт помнікаў у гонар паўстанцаў 1863 года

Баранавіцкія грамадскія актывісты сабралі 148 подпісаў за тэрміновы рамонт помнікаў у гонар паўстанцаў 1863 года і накіравалі іх старшыні Мілавідскага сельскага савета (Баранавіцкі раён) Ірыне Сушчык. "Мы не толькі просім, але і самі прымем удзел у добраўпарадкаванні".

18.03.2013 Фотаконкурс: Аршанцы змяняюць жыццё да лепшага

Рэдакцыя аршанскага Інтэрнэт - сайта http://www.orsha.eu абвясціла аб правядзенні фотаконкурсу на тэму "Змяняем жыццё да лепшага". Аўтары запрашаюць дасылаць на конкурс фотаработы, якія паказваюць прыклады станоўчых дзеянняў, учыненых грамадзянамі, якія б рабілі пазітыўныя змены ў навакольным свеце.