Праваабарончы цэнтр «ВЯСНА»

Навіны за Студзень 2013

04.01.2013 Уладзімір Целяпун: “Свабода гарантуецца, але адсутнічае”

Аб працы праваабаронцы ў рэгіёне, праблемах райцэнтра і яго жыхароў, абароне правоў грамадзян, спробах уплываць на мясцовыя ўлады, дапамозе людзям у самаарганізацыі для вырашэння сваіх праблемаў, выніках 2012 году гутарка з Уладзімірам Целяпуном з Мазыра.

04.01.2013 Да Андрэя Гайдукова , якога вінавацяць у "здрадзе дзяржаве", не пускаюць адваката

Адвакат двойчы спрабаваў трапіць да наваполацкага моладзевага актывіста, якога трымаюць у мінскім СІЗА КДБ і вінавацяць у супрацоўніцтве з замежнымі спецслужбамі. Прычына адмовы для сустрэчы – адсутнасць вольных памяшканняў.

04.01.2013 На "Белсаце" - прэм'ера фільма пра Алеся Бяляцкага

Дакументальны фільм "Вясна" можна будзе ўбачыць у нядзелю, 6 студзеня, у 18.10.

04.01.2013 Часопіс Аrche - новая спроба рэгістрацыі

Учора прадстаўнік рэдакцыі гісторык Алесь Пашкевіч занёс у Мінінфармацыі дакументы на рэгістрацыю. За апошнія два месяцы гэта другая спроба аднавіць ліцэнзію выдання.

04.01.2013 Старшыню гарадзенскага БНФ абвінавацілі ў парушэнні Канстытуцыі

Да 10 базавых велічынь прысудзілі старшыню гарадзенскай гарадской арганізацыі партыі БНФ Вадзіма Саранчукова за ўдзел у акцыі па ўшанаванні паўстанцаў Кастуся Каліноўскага 1863 года.

04.01.2013 "Індэкс цэнзуры": Беларускія ўлады істотна пашырылі кантроль над сферай лічбавай камунікацыі грамадзян

"Улады Беларусі істотна пашырылі свой кантроль над сферай лічбавай камунікацыі грамадзян. Нямногія ўсведамляюць, што рэжым мае магчымасць кантраляваць практычна ўсе дзеянні жыхароў Беларусі ў інтэрнэце", — заявіў супрацоўнік "Індэкса цэнзуры" (Index on Censorship) па Беларусі і рэгіёне АБСЕ Андрэй Аляксандраў, каментуючы абнародаваны 4 студзеня аналітычны даклад гэтай арганізацыі "Беларусь: Сетка пад кантролем".

04.01.2013 Гомель: Уладзімір Сякерка будзе праз суд дабівацца выключэння яго з чорных спісаў на мяжы

Старшыня Гомельскай абласной арганізацыі Беларускай партыі левых «Справядлівы свет» Уладзімір Сякерка 3 студзеня звярнуўся са скаргай у суд Цэнтральнага раёна Гомеля. Ён просіць суд прызнаць дзеянні памежнікаў, якія знялі яго з цягніка, неправамоцнымі.

03.01.2013 Брэст: суд палічыў правамоцным атрыманне заробку ў канверце

Ніхто з рабочых “Таланта”, акрамя Сахарука, не падцвердзіў атрыманне заробкаў у канверце. Аднак упраўленне дэпартамента фінансавых расследаваняў факт заробку Сахарука ў канверце ўстанавіла, былі з гэтай сумы вылічаны падаткі, пакарана кіраўніцтва “Таланта”. Тым не менш гэтыя факты не пераканалі суддзю.

03.01.2013 Слонімцы атрымалі паштоўку ад Зміцера Дашкевіча

Нагадаем, што перад Новым годам слонімцы падпісалі ўсім беларускім палітвязням лісты, у якіх павіншавалі іх з надыходзячымі святамі, а таксама пажадалі найхутчэйшага вызвалення з-за кратаў. Адказ прыйшоў пакуль толькі ад Зміцера Дашкевіча.

03.01.2013 Бабруйск: з ціскам на актывістку “Гавары праўду!” будзе разбірацца пракуратура

Скаргу бабруйскага каардынатара кампаніі “Гавары праўду!” Алены Мядзведзевай перанакіравалі ў пракуратуру Ленінскага раёна. Нагадаем, актывістка прасіла разабрацца ў правамернасці дзеянняў супрацоўнікаў “Бабруйскіх электрычных сетак”.

03.01.2013 У Чэхіі афіцыйна зарэгістраваны Беларускі дом

Рашэнне аб стварэнні Беларускага дома ў Празе было прынята ў лістападзе 2012 года па выніках першага пасяджэння беларускіх арганізацый, зарэгістраваных у Чэхіі.

03.01.2013 Брэст: суддзя абяцае пакараць пракурора, які не з’явіўся на суд над грамадскім актывістам

Суддзя Брэсцкага раённага суда Мікалай Сянько 3 студзеня не задаволіў хадайніцтва адваката Паўла Алесіка аб змене меры стрымання грамадскаму актывісту Віталю Каўшу на падпіску аб нявыездзе, але адначасова не здолеў пачаць працэс, бо на паседжанне не з’явіўся пракурор.

03.01.2013 Канфедэрацыя працы Расіі гатова арганізаваць міжнародную кампанію падтрымкі працоўных у Беларусі

Адпаведная заява ад імя прэзідэнта КТР Барыса Краўчанкі размешчана на афіцыйным сайце расійскага прафцэнтра.

03.01.2013 Ігар Аліневіч пазваніў дамоў за некалькі гадзін да Новага году

Палітвязень, актывіст анархісцкага руху Ігар Аліневіч змог патэлефанаваць дамоў і павіншаваць сваякоў з Новым годам літаральна за некалькі гадзін да надыходу 2013 года.

03.01.2013 Мікалай Аўтуховіч не разьлічвае выйсьці з турмы датэрмінова

Напярэдадні Новага году палітвязень Мікалай Аўтуховіч даслаў ліст свайму сябру, праваабаронцу Алегу Воўчаку, які, як і Аўтуховіч, у савецкія часы служыў у Аўганістане.