Праваабарончы цэнтр «ВЯСНА»

Навіны за Студзень 2013

09.01.2013 Сярод намінантаў на званне "Чалавек году Віцебска-2012" – Любоў Кавалёва, Сяргей Каваленка і Ігар Пасноў

Хто стане пераможцам, маюць вызначыць чытачы сайту "Народныя Навіны Віцебска", рэдакцыя якога ў першыя дні новага году традыцыйна выбірае намінантаў сярод людзей, якія фігуравалі ў навінах інтэрнэт-выдання, і найбольш спрыялі гораду і яго вядомасці.

09.01.2013 Наваполацк: акцыя ў падтрымку гарадзенскіх праваабаронцаў (фота)

Наваполацкія актывісты правялі акцыю салідарнасці з гарадзенскімі праваабаронцамі Віктарам Сазонавым, Раманам Юргелем і Уладзімірам Хільмановічам, якіх прыцягнулі да адказнасці за размешчаную ў сетцы Інтэрнэт фатаграфію з партрэтам Алеся Бяляцкага і брашурамі Усеагульнай дэкларацыі правоў чалавека.

09.01.2013 Зьміцер і Наста Дашкевічы ўпершыню спаткаліся ў турме пасьля шлюбу

Наста Дашкевіч (да шлюбу Палажанка) атрымала першае спатканьне з мужам, палітвязьнем Зьмітром Дашкевічам. Спатканьне адбылося ў першай палове дня 9 студзеня ў Гарадзенскай турме і доўжылася 2 гадзіны.

09.01.2013 Іллю Багданава ізноў выклікаюць у КДБ

Іллю Багданава, які праходзіць сведкам па справе ў здрадзе радзіме, ізноў выклікаюць у КДБ. Пра гэта паведаміў старшыня незарэгістраванага Саюза маладых інтэлектуалаў Яўген Канстанцінаў.

09.01.2013 Таццяна Францкевіч: У сына абвастрыліся праблемы са страўнікам

У палітвязня Аляксандра Францкевіча абвастрыліся праблемы са страўнікам. Напярэдані Новага года ён правёў 10 сутак у штрафным ізалятары. Агулам жа за мінулы год ён прабыў у карцэры каля месяца.

09.01.2013 Еўрадэпутат Марэк Мігальскі падтрымаў гарадзенскіх праваабаронцаў

У суботу, 5 студзеня, суд у Гародні прысудзіў трох абаронцаў правоў чалавека, які сфатаграфаваліся з выявамі кіраўніка Праваабарончага цэнтра "Вясна" Алеся Бяляцкага, у выглядзе штрафу ў памеры 1,5 млн. рублёў кожнаму.

09.01.2013 Гомельскія міліцыянты адрэагавалі на ўчынак праваабаронцаў

Гомельскія міліцыянты адрэагавалі на прызнанне Леаніда Судаленкі і Анатоля Паплаўнага, якое яны зрабілі ў знак салідарнасці з гарадзенскімі калегамі. Праваабаронцы папрасілі прыцягнуць іх да адміністрацыйнай адказнасці за развернутую ў інтэрнэце акцыю падтрымкі палітзняволенага Алеся Бяляцкага.

08.01.2013 На сьвята Паўлу Севярынцу дазволілі наведаць царкву

Палітвязень Павал Севярынец — вернік праваслаўнай царквы. Нараджэньне Хрыстова для людзей веры — адно з найвялікшых сьвятаў, і палітвязьню дазволілі адзначыць яго па-хрысьціянску. Астатні расклад застаўся бязь зьменаў.

08.01.2013 Зацемкі з няволі. З нагоды Калядаў і Новага году

Пад агульнай назвай “Зацемкі з няволі” сабраныя рознага кшталту ўспаміны, развагі, лірычныя адступленні з лістоў Алеся Бяляцкага, дасланых з бабруйскай калоніі.

08.01.2013 Брэст: прыхільнікі гурта“Дай Дарогу!” сабралі сродкі, каб сплаціць штраф на карысць чыноўніцы гарвыканкаму

Каля 30 чалавек, якія неабыкавыя да творчасці гэтага музычнага калектыву, прынялі ўдзел у акцыі салідарнасці і літаральна за тыдзень назбіралі 1 мільён рублёў, каб лідэр гурта Юрый Стыльскі змог заплаціць штраф.

08.01.2013 Следчы камітэт: назіральнікаў затрымалі пасля выбараў, бо АМАП шукаў тэрарыстаў

Цэнтральны раённы аддзел Следчага камітэту г. Мінска даў адказ на скаргу аб незаконным затрыманні ўдзельнікаў праекта «Назіранне за выбарамі: тэорыя і практыка».

08.01.2013 Пачалося вылучэнне кандыдатаў на прэмію імя Святланы Навумавай

8 студзеня Арганізацыйны камітэт абвясціў аб пачатку вылучэння кандыдатаў на штогадовую прэмію імя Святланы Навумавай, заснаваную грамадзянскай кампаніяй «Гавары праўду» ў 2011 годзе.

08.01.2013 КДК: Начальнік упраўлення ідэалагічнай і кадравай работы ДФР Прохарцаў звольніўся па ўзгадненні бакоў

Раней некаторыя інтэрнэт-рэсурсы размясцілі інфармацыю пра тое, што "прычынай звальнення стаў ператрус у кватэры Прохарцава, падчас якога супрацоўнікі КДБ выявілі ў яго від на жыхарства ў ЗША - Green Card".

08.01.2013 Белсат заклікае дасылаць паштоўкі палітвязням

Тэлеканал запусціў адпаведныя ролікі, дзе вядучыя і карэспандэнты падпісваюць паштоўкі грамадскім і палітычнымі актывістам, якія зараз знаходзяцца за кратамі.

08.01.2013 Пры зносе драўлянай забудовы ў Гомелі парушалася прыродаахоўнае заканадаўства

Пры руйнаванні драўлянай забудовы ў цэнтры Гомеля парушалася прыродаахоўнае заканадаўства. Гэта вынікае з адказу, які атрымаў на сваю заяву жыхар Гомеля Кастусь Жукоўскі. Нагадаем, у цэнтры Гомеля, нягледзячы на пратэст грамадскасці, руйнуецца ўнікальная драўляная забудова.