Праваабарончы цэнтр «ВЯСНА»

Навіны за Сьнежань 2012

02.12.2012 Іван Крук падаў скаргу на дзеянні міліцыі

Астравецкі актывіст Іван Крук паўторна падаў скаргу на дзеянні міліцыянтаў. Справа цягнецца яшчэ з 21 верасня, калі Крука і Мікалая Уласевіча затрымалі супрацоўнікі праваахоўных органаў, на абодвух былі пачатыя адміністрацыйныя справы.

02.12.2012 Тры рэгіёны Брэстчыны далучыліся да праекта па супрацьдзеянню хатняму гвалту

Паводле статыстыкі, кожнае дзесятае тэлефанаванне на нумар 102 паступае ад ахвяр хатняга гвалту. Акрамя Брэста да праекта, які ажыццяўляецца па ініцыятыве Фонда ААН па народанасельніцтву і накріаваны на прадухіленне хатняга гвалту і забеспячэння гендэрнай роўнасці, далучыліся Кобрынскі і Камянецкі раёны.

02.12.2012 На прадпрыемстве “Граніт” працягваецца пераслед актывістаў незалежнага прафсаюза

Гэтым разам гаворка ідзе пра кіроўцу экскаватара Леаніда Дубаносава, ад якога адміністрацыя прадпрыемства, што знаходзіцца ў Мікашэвічах, патрабуе ў самы бліжэйшы час вызначыцца, ці будзе ён надалей плаціць сяброўскія складкі ў гэты прафсаюз праз бухгалтэрыю “Граніта”.

02.12.2012 Віцебская служба ЖКХ падманвае кватэраўладальнікаў

На пад'ездах жылых дамоў у Кастрычніцкім раёне Віцебску сталі з'яўляцца аб'явы наступнага зместу: пасля 26-га кожнага месяца будуць адключаць "паслугі ЖКГ", калі нехта не заплаціць за кватэру. Унізе – спасылка на Пастанову Савета міністраў №1466. Але напісана ў ёй зусім не тое, чым страшаць жыхароў абласнога цэнтру.

02.12.2012 Дзіцячага ўрача Ігара Пастнова звальняюць за крытыку старшыні Віцебскага аблвыканкаму

Ігар Пастноў ужо працяглы час крытыккуе Аляксандра Косінца за марнатраўства бюджэтных грошай ды заняпад службы аховы здароўя на Віцебшчыне. І гэта ўжо не першае звальненне спадара Пастнова: два гады таму яго звольнілі з пасады школьнага ўрача ў горадзе.

02.12.2012 Уладзіміра Кацору зноў рэабілітаваў Камітэт ААН

Камітэт ААН па правах чалавека прызнаў, што ўлады Беларусі парушылі правы гомельскага грамадзкага ды палітычнага актывіста Уладзіміра Кацоры

01.12.2012 Правы Чалавека «на пальцах» - навучальная праграма для пачаткоўцаў

Правы Чалавека – што гэта і для каго? Чым насамрэч займаюцца праваабаронцы? Хочаце ведаць, як абараніць сябе ад несправядлівасці і чаму праваабаронцы - гэта не апазіцыя, а таксама змястоўна паразважаць на гэтыя і іншыя тэмы? Прыходзьце, растлумачым на пальцах!

01.12.2012 У Баранавічах адбыўся паказ фільмаў пра беларускіх палітвязняў

30 лістапада ў Баранавічах быў арганізаваны прагляд фільмаў пра беларускіх палітвязняў, якія сёння адбываюць пакаранне ў розных турмах і калоніях Беларусі. Арганізатарамі мерапрыемства выступілі праваабаронцы з Баранавіцкай філіі ПЦ “Вясна”.