Праваабарончы цэнтр «ВЯСНА»

Навіны за Сьнежань 2012

07.12.2012 МЗС: У назіранні за выбарамі АБСЕ пакуль не ўдалося выкараніць двайныя стандарты, прадузятыя падыходы і суб'ектыўныя ацэнкі

У назіранні за выбарамі АБСЕ пакуль не ўдалося выкараніць двайныя стандарты, прадузятыя падыходы і суб'ектыўныя ацэнкі. Аб гэтым на пасяджэнні Савет міністраў замежных спраў АБСЕ, якое праходзіць у Дубліне (Ірландыя) 6—7 снежня, заявіў першы намеснік міністра замежных спраў Беларусі Аляксандр Міхневіч.

07.12.2012 Гомельскі абласны суд пакінуў у сіле штраф Уладзіміру Сякерку за непадпарадкаванне памежнікам

"У рапарце было напісана дакладна так: «Выяўлены грамадзянін, які знаходзіўся ў спісах па даручэнні праваахоўных органаў». На судзе я прасіў растлумачыць: якія спісы, хто мяне туды ўнёс, і як з іх выйсці. Але таксама ніхто не адказаў".

07.12.2012 "Арт-сядзібу" закрылі ў трэці раз

На 6 і 7 снежня было запланавага адкрыццё сядзібы ў новым памяшканні. Арганізатары абяцалі імпрэзы з удзелам музыкаў і пісьменнікаў. Але напярэдадні уласнік будынка па адрасе завулак Масквіна, 4 заявіў, што хоча тэрмінова скасаваць дамову.

07.12.2012 У Шклове былых зняволеных прымусілі прыбіраць парк

Ну а пасля завяршэння параднай часткі мерапрыемства ўсіх раней судзімых асоб, якія прысутнічалі на сустрэчы, адправілі на “дабрачынныя” работы – прыбіраць тэрыторыю гарадскога парку. Зразумела, што згоды на ўдзел у “дабрачынных” работах ніхто ў былых зняволеных не пытаўся.

07.12.2012 Наталля Пінчук перадала Алесю Бяляцкаму прадуктовую перадачу

Наталля Пінчук, жонка палітзняволеннага кіраўніка праваабарончага цэнтра "Вясна" Алеся Бяляцкага, перадала мужу чарговую перадачу. Для гэтага яна наведала калонію №2 у Бабруйску.

07.12.2012 Ілона Ткачова паскардзілася начальніку мытні на незаконную канфіскацыю ноўтбуку

Сябра партыі “Справядлівы свет” са Жлобіна Ілона Ткачова напісала скаргу на імя начальніка пункта пропуску «Новая Гута» за незаконнае затрыманне яе сем’і на мяжы і канфіскацыю ноўтбука і фотаапарата. Пры гэтым мытнікі не хавалі, што загад на асабісты дагляд прыйшоў ім “зверху”. “Вы ж усё разумееце”, – патлумачылі супрацоўнікі “Новай Гуты”.

07.12.2012 “Вясна” заклікае адзначыць Дзень правоў чалавека акцыямі салідарнасці з палітвязнямі

10 снежня ўвесь свет будзе адзначаць чарговыя ўгодкі прыняцця Генеральнай Асамблеяй ААН Усеагульнай дэкларацыі правоў чалавека. З 10 снежня 1950 г. гэты дзень адзначаецца як Дзень правоў чалавека.

07.12.2012 Брэст: грамадскага актывіста будуць судзіць за “спрыянне незаконнай міграцыі”

На 11 снежня ў Брэсцкім раённым судзе прызначаны разгляд справы Віталя Каўша, якога вінавацяць у тым, што ён дапамагаў грамадзянам Індыі незаконным шляхам трапіць з Беларусі ў Польшу. Гэтая справа набыла гучны рэзананс, дзякуючы сюжэтам Беларускага тэлебачання.

07.12.2012 Жыхары спаленай вёскі Паўлавічы мяркуюць звярнуцца ў суд (фота)

Толькі такую перспектыву людзі бачаць пасля гутарак з прадстаўнікамі Першамайскай раённай адміністрацыі. Тыя так і сказалі жыхарам Паўлавічаў : кампенсацый за знішчаныя сады і гаспадарчыя пабудовы мы вам не абяцаем, звяртайцеся ў суд, гэта ваша права".

06.12.2012 На беларуска-украінскай мяжы затрымана сям'я сябры партыі «Справядлівы свет»

Сёння ў пункце пропуска «Новая Гута» на беларуска-украінскай мяжы была затрымана машына з актывісткай партыі «Справядлівы свет» са Жлобіна Ілонай Ткачовай. Палітык вярталася дамоў разам з мужам і дзіцём. Але сям'я вось ужо пяць гадзінаў стаіць на мяжы.

06.12.2012 ЦВК адправіў Лукашэнку прапановы па змене выбарчага заканадаўства

Цэнтральная камісія па выбарах і правядзенні рэспубліканскіх рэферэндумаў, у прыватнасці, выступае за пашырэнне магчымасцяў для вылучэння кандыдатаў у дэпутаты палаты прадстаўнікоў праз наданне такога права рэспубліканскім грамадскім аб`яднанням колькасцю больш за тысячу чалавек.

06.12.2012 Ініцыятыва Мінюста: абавязаць чыноўнікаў публікаваць свае дэкларацыі

Міністэрства юстыцыі сёлета разгледзела шэраг ініцыятыў, накіраваных на супрацьдзеянне карупцыі. Адна з іх — абавязаць дзяржслужачых публікаваць звесткі з дэкларацый.

06.12.2012 Аляксей Паўлоўскі зняў копію матэрыялаў судовай справы толькі пасля запісу ў кнігу скаргаў

Дагэтуль суддзя Ленінскага раёна Магілёва Юлія Трапыніна не дазваляла яму гэта зрабіць. Актывіст незалежнага прафсаюзу РЭП лічыць, што суддзя баіцца таго, што ў абласным суддзе прынятае ёй рашэнне можа быць адменена.

06.12.2012 Баранавічы: пікет да Дня правоў чалавека забаронены (дакумент)

Гарадскія ўлады традыцыйна не паведамляюць, што канкрэтна парушылі заяўнікі пікету, грамадскі актывіст Віктар Сырыца і праваабаронца Сяргей Гоўша, але прапануюць, у выпадку нязгоды з такім рашэннем, звяртацца ў суд Баранавіцкага раёна і горада Баранавічы.

06.12.2012 Сваякі атрымалі першы ліст ад Андрэя Гайдукова

Арыштаваны "за здраду дзяржаве" аператар наваполацкага "Нафтану" ўжо месяц знаходзіцца пад вартай: спачатку ў мінскім СІЗА КДБ, цяпер у віцебскім СІЗА №2. У лісце, напісаным яшчэ 29 лістапада, ён просіць, каб сваякі знайшлі іншага адваката.