Праваабарончы цэнтр «ВЯСНА»

Навіны за Сьнежань 2012

10.12.2012 Вярхоўны Суд не задаволіў скаргу слонімскай актывісткі БХД

Вярхоўны Суд Рэспублікі Беларусь не задаволіў скаргу актывісткі Беларускай Хрысціянскай Дэмакратыі Вольгі Пансевіч, якую сёлета 12 чэрвеня суддзя суда Слонімскага раёна Іван Ластоўскі па двух адміністратыўных артыкулах – за непадпарадкаванне міліцыі і нецэнзурную лаянку - аштрафаваў на 2 мільёны 500 тысяч рублёў.

10.12.2012 Асуджаны быць свабодным (відэа)

Чарговы міні-фільм з серыі “Хроніка суднага часу” з’явіўся ў інтэрнэце. Фільм прысвечаны палітвязьню анархісту Ігару Аліневічу.

10.12.2012 Слонім: гараджане адстаялі вуліцу ў гонар Ефрасінні Полацкай

Новая вуліца ў адным з мікрараёнаў Слоніма атрымала імя Ефрасінні Полацкай, апякункі і нябеснай заступніцы зямлі беларускай. Дзеля гэтага гараджанам давялося пазмагацца з вертыкальшчыкамі.

10.12.2012 Дзень правоў чалавека 2012: Мой голас мае значэнне!

«Мой голас мае значэнне!» - у гэты Дзень правоў чалавека ААН асабліва вылучае права на ўдзел у жыцці грамадства і ў прыняцці палітычных рашэнняў і спадарожныя правы, якія забяспечваюць магчымасць яго рэалізацыі: права на свабоду перакананняў і на іх свабоднае выказванне і права на свабоду мірных сходаў і асацыяцый.

10.12.2012 Справаздача па выніках назірання за выбарамі дэпутатаў ПП НС Рэспублікі Беларусь пятага склікання

Кампанія "Праваабаронцы за свабодныя выбары" прадстаўляе выніковую справаздачу па назіранні за выбарамі дэпутатаў Палаты прадстаўнікоў Нацыянальнага сходу Рэспублікі Беларусь пятага склікання, якія прайшлі 23 верасня.

09.12.2012 У Варшаве прайшоў марафон салідарнасці - фота

8 снежня ў Варшаве апоўдні пачалася акцыя салідарнасці: цягам 24 гадзін кожны ахвотны мог напісаць ліст у падтрымку палітвязняў.

09.12.2012 Ліхтарыкі “Свабоды" - за беларускую мяжу

На польска-беларускай мяжы ў Кузніцы адбылася незвычайная акцыя, арганізаваная польскімі актывістамі ў падтрымку беларускіх палітвязняў.

09.12.2012 Зьміцер Дашкевіч пачаў падпісваць калядныя паштоўкі

Паводле Насты Палажанкі, нявесты Зьмітра Дашкевіча, ён па-ранейшаму знаходзіцца ў адзіночцы. «Пачаў часьцей выходзіць на прагулкі. Спадзяюся, ужо пабачыў першы сьнег. Але самае галоўнае — пачаў падрыхтоўку да Калядаў», — распавяла Свабодзе Наста Палажанка, якая днямі атрымала ад палітвязьня чарговы ліст.

09.12.2012 ЛГБТ-супольнасць ізноў спрабуе зарэгістраваць арганізацыю

8 сьнежня ў Менску прайшоў устаноўчы зьезд ЛГБТ-арганізацыі «Лямбда».

08.12.2012 Алег Гайдукоў сустрэўся з адвакатам

Адвакат Алена Тушкіна наведала Гайдукова ў віцебскім СІЗА № 2. Пра гэта распавяла маці арыштаванага наваполацкага актывіста, якога месяц таму затрымалі і вінавацяць у «здрадзе дзяржаве ў форме агентурнай дзейнасьці».

08.12.2012 БНФ: Дэкрэт Лукашэнкі аб «прыгонным праве» — небяспечны прэцэдэнт

Дэкрэт № 9 «Аб дадатковых мерах па развіцці дрэваапрацоўчай прамысловасці» стварае небяспечны прэцэдэнт парушэння правоў працоўных, замацаваных на міжнародна-прававым і канстытуцыйным узроўнях. Пра гэта гаворыцца ў заяве, прынятай 8 снежня соймам Партыі БНФ у Мінску.

08.12.2012 Відэаінжынеры тэлеканала СТВ абвясцілі забастоўку. У эфір не выйшлі навіны спорту

У пятніцу, 7 снежня, большая частка відэаінжынераў ЗАТ «Сталічнае тэлебачанне» не выйшла на працу. Па гэтай прычыне на тэлеканале СТВ пасля інфармацыйных праграм «24 гадзіны» (навіны дня) у 13.30 і 16.30 не выйшлі блокі навін спорту.

08.12.2012 Міліцыя зноў «накрыла» спектакль Свабоднага тэатра ў Мінску

Толькі пачаўся спектакль «Зона маўчання», як зайшлі міліцыянты, спынілі паказ і пачалі перапісваць пашпартныя дадзеныя гледачоў, якіх сабралася каля 60 чалавек (пастаноўка адбываецца ў будынку на Тыражным праездзе, 22).

07.12.2012 Міжнародны марафон падтрымкі Алеся Бяляцкага (фота, відэа)

Глабальную акцыю ў падтрымку палітвязня распачала праваабарончая арганізацыя Amnesty International. Міжнародны марафон па напісанні лістоў пройдзе з 7 па 16 снежня пад лозунгам “Пішам за правы! Даможамся пераменаў!”.

07.12.2012 «Ляпіс Трубяцкой» выступіць у падтрымку Алеся Бяляцкага

Падчас канцэрту «Ляпісаў» у Маскве 30 снежня будзе праходзіць акцыя Amnesty International у абарону беларускага праваабаронцы Алеся Бяляцкага і яшчэ 4 чалавек з Судана, Ірана, Тайваня і ЗША. Гэтая акцыя адбудзецца ў межах Міжнароднага марафону па напісанні лістоў Amnesty International, у якім удзельнічаюць дзясяткі тысяч людзей ва ўсім свеце.