Праваабарончы цэнтр «ВЯСНА»

Навіны за Сьнежань 2012

10.12.2012 У Дзень правоў чалавека шведскія праваабаронцы думаюць пра Беларусь

Сябры шведскай праваабарончай арганізацыі Оstgruppen робяць свой унёсак у развіццё дэмакратыі ў Беларусі. Як адзначыла дырэктар арганізацыі Сафія Угла, адным з асноўных накірункаў іх працы з’яўляецца распаўсюд у шведскім грамадстве інфармацыі пра парушэнні правоў чалавека ў Беларусі.

10.12.2012 У Катавіцах адбудзецца акцыя ў падтрымку беларускіх палітвязняў

Сёння, у Дзень правоў чалавека, перад Слёнскім універсітэтам у Катавіцах адбудзецца акцыя ў падтрымку Міколы Статкевіча і Зміцера Дашкевіча, якая праходзіць у рамках ініцыяванай еўрадэпутатам Мігальскім шырокай кампаніі за вызваленне беларускіх палітвязняў.

10.12.2012 Мікалая Дзядка перавялі ў турму

Палітвязень Мікалай Дзядок знаходзіцца ў крытай турме № 4 горада Магілёва. Пра гэта Радыё Рацыя паведаміў ягоны бацька, Аляксандр Дзядок. Калі Мікалай быў этапаваны са Шклоўскай калоніі ў Магілёўскую турму і як доўга ён там знаходзіцца, Аляксандру Дзядку невядома.

10.12.2012 Статкевічу могуць змяніць рэжым утрымання

У суботу Мікалай Статкевіч патэлефанаваў родным з турмы. Гэта — дзевяты званок за год.

10.12.2012 У Магілёве “народныя абраннікі” прадстаўлены народу

На сайце адміністрацыі Кастрычніцкага раёна абласнога цэнтра з’явілася рубрыка “Дэпутацкі корпус”. Падобных рубрык на сайтах адміністрацыі Ленінскага раёна Магілёва, гарвыканкама і аблвыканкама пакуль няма.

10.12.2012 Орша: вернуты кампутар апынуўся цалкам непрацаздольным

Як патлумачыў рэдактар незалежнага сайта Ігар Казмерчак, кампутар, які пабываў у руках праваахоўнікаў, канфіскаваны ў яго падчас ператрусу, не загружаецца і мае патрэбу ў рамонце. Колькі гэты рамонт будзе каштаваць - пакуль невядома.

10.12.2012 Орша: суд задаволіў скаргу назіральнікаў за выбарамі

Амаль неверагодная па цяперашніх часах падзея адбылася днямі ў судзе Аршанскага раёна і горада Оршы: задаволена скарга партыйных назіральнікаў на адмову ва ўзбуджэнні крымінальнай справы па фактах аб фальсіфікацыі выбараў у Палату прадстаўнікоў. Справа адпраўлена на дадатковае расследаванне.

10.12.2012 Улёткі «За адмену прыгоннага права» - на будынку «Барысаўдрэва» і вакол

У мінулыя выхадныя беларускія нацыянал-бальшавікі правялі інфармацыйна-агітацыйны рэйд па Барысаве. Менавіта гэты населены пункт нядаўна стаў сумна знакаміты падчас візіту Лукашэнкі.

10.12.2012 Беларусам замежжа масава адмаўляюць у беларускай візе

Забарона распаўсюджваецца на ўсіх, хто крытычна ставіцца да Аляксандра Лукашэнкі. Нядаўна ў краіну не ўпусцілі Яўгена Вапу і Лену Глагоўскую з Польшчы. Цяпер пад бан трапіў Хведар Нюнька, старшыня Таварыства беларускай культуры ў Літве.

10.12.2012 Дзень правоў чалавека: Беларусь па-ранейшаму бяспраўная

Беларусь ужо традыцыйна называецца ў ліку найгоршых краінаў у розных рэйтынгах і дакладах, датычных дэмакратычных свабодаў у сьвеце.

10.12.2012 Праваабаронцы: Сітуацыя з правамі чалавека ў Беларусі "стабільна цяжкая"

Асаблівую занепакоенасць у праваабаронцаў выклікае тое, што ўлады Беларусі "адкрыта дэманструюць пагарджанне міжнароднымі абавязацельствамі ў сферы абароны правоў чалавека, добраахвотна ўзятых Беларуссю ў межах ААН і АБСЕ".

10.12.2012 У Віцебску пікет 10 снежня таксама пад забаронай

Віцебскія дэмакратычныя актывісты 10 снежня правядуць публічную лекцыю "Усеагульная дэкларацыя правоў чалавека. Як выконваюцца палажэнні Дэкларацыі ў Беларусі". Арганізатары падкрэсліваюць, што вымушаныя абраць менавіта такі фармат, бо на працягу апошніх двух гадоў раённыя ўлады ні разу не далі дазволу на пікеты або мітынгі.

10.12.2012 Агляд-хроніка парушэнняў правоў чалавека ў Беларусі. Лістапад 2012 году

Становішча з правамі чалавека ў Беларусі ў лістападзе можна ахарактэразаваць як перыяд застою і крызісу: стабільная кепская сітуацыя заставалася нязменнай, у той жа час значнага пагаршэння не зафіксавана.

10.12.2012 Улады Наваполацка забаранілі пікет 10 снежня

Шасцёра грамадскіх актывістаў прасілі дазвол на правядзенне акцыі, прымеркаванай да ўгодкаў Усеагульнай Дэкларацыі правоў чалавека. Але атрымалі адмову, бо гарадcкія ўлады, як высветлілася, унеслі змены ў пералік месцаў для правядзення масавых мерапрыемстваў. Здарылася гэта амаль год таму, але неяк цішком ад гараджанаў.

10.12.2012 Баранавіцкі гарвыканкам двойчы папярэдзіў пра забарону пікета да Дня правоў чалавека

У другім лісце за подпісам намесніка старшыні Баранавіцкага гарвыканкама Дз. Касцюкевіча зноў паведамляецца, што гарвыканкам не дае згоды на правядзенне пікета 10 снежня, нягледзячы на тое, што заяўнік Віктар Сырыца заключыў пісьмовыя дамовы з гарадской паліклінікай і ЖКГ па абслугоўванні масавага мерапрыемства.