Праваабарончы цэнтр «ВЯСНА»

Навіны за Сьнежань 2012

11.12.2012 Бялыніцкі раён: прымусовая падпіска набірае абароты

Калі раней асноўны цяжар па забеспячэнні вялікіх накладаў ідэалагічна правільных выданняў клаўся на супрацоўнікаў бюджэтных устаноў, то зараз заданне па забеспячэнні падпіскі на дзяржаўныя газеты даведзена практычна да ўсіх арганізацый і прадпрыемстваў раёна.

11.12.2012 Сёньня могуць вызваліць Аляксандра Крутога

Маскоўскі суд разгледзіць справу Аляксандра Крутога і мае прыняць рашэньне, ці можна вызваліць яго ад прымусовага лячэньня.

11.12.2012 Праваабаронцаў насцярожваюць выказванні прадстаўніка Беларускага славянскага камітэта

У Беларускі славянскі камітэт бяруць грамадзян толькі “славянскага паходжання”. Пра гэта на старонках газеты “Магілёўскія ведамасці” №117 ад 6 снежня паведамляе кіраўнік магілёўскага аддзялення арганізацыі Мікалай Марчанка. Тым часам у Статуце партыі пра такія абмежаванні нічога не гаворыцца.

11.12.2012 Праваабарончая праграма “Людзьмі звацца!” на Радыё Рацыя

“Падзея тыдня”: 64 гады таму ААН была абвешчана Усеагульная дэкларацыя правоў чалавека, аднак праблемы з выкананнем палажэнняў фундаментальнага міжнароднага дакумента з боку кіраўніцтва нашай краіны існуюць і сёння. “Асоба. Дзяржава. Грамадства”: госць рубрыкі - гісторык Вацлаў Арэшка, які з’яўляецца каардынатарам грамадскага вэб-архіва дакументаў найноўшай гісторыі “Вытокі”.

11.12.2012 Акцыя на Бярозаўшчыне ў Дзень правоў чалавека

Праваабаронцы і грамадскія актывісты ў Дзень правоў чалавека раздалі больш за трыста буклетаў пра беларускіх палітвязняў і асобнікаў Усеагульнай дэкларацыяй правоў чалавека на вуліцах горада Бярозы і пасёлка Малеч.

11.12.2012 У Брэсце гадавіну Дэкларацыі правоў чалавека адзначылі праглядам відэафільма

Праваабаронцы прадэманстравалі відэафільм “Правы чалавека ў аб’ядноўваемай Еўропе”, зняты на падставе выступу старшыні Хельсінкскага фонду правоў чалавека (Варшава) Марэка Навіцкага незадоўга да ягонай смерці.

11.12.2012 Віцебск: “сілавікі” праслухалі лекцыю пра выкананне правоў чалавека ў Беларусі

У Віцебску 10 снежня прайшла публічная лекцыя "Што такое правы чалавека, і як яны выконваюцца ў Беларусі", якую прачытаў каардынатар руху "За Свабоду" Хрыстафор Жаляпаў. А большую частку слухачоў склалі супрацоўнікі міліцыі і "людзі ў цывільным", якія ні на крок не адыходзіліся ад купкі актывістаў.

11.12.2012 Сто жанчын-праваабаронцаў затрымалі на Кубе напярэдадні Дня правоў чалавека

Масавыя затрыманні прайшлі на Кубе напярэдадні Міжнароднага дня правоў чалавека. Аб гэтым паведамляе 10 снежня Associated Press са спасылкай на Кубінскую камісію па правах чалавека і нацыянальнага прымірэння.

11.12.2012 Два гады пасьля разгрому: галасы беларускіх праваабаронцаў

Такую назву мае імпэрэза, якая адбываецца ў Вашынгтоне з удзелам старшыні Беларускай асацыяцыі журналістаў Жанны Літвіной, жонкі палітвязьня Алеся Бяляцкага Натальлі Пінчук і Тацьцяны Равякі, прэзыдэнта Беларускага Дому правоў чалавека.

11.12.2012 Міжнародны дзень правоў чалавека ў Гародні

У дзень абвешчання сусветнай Усеагульнай дэклярацыі правоў чалавека гарадзенскія праваабаронцы зладзілі шэраг невялікіх акцый. На вуліцы прадстаўнікі праваабарончага цэнтру “Вясна”, Беларускага Хельсінкскага Камітэту і незалежныя праваабаронцы нагадалі жыхарам пра зняволенага Алеся Бяляцкага і міжнародны дзень правоў чалавека.

11.12.2012 Свабода творчасці – у Дзень правоў чалавека (фота, відэа)

Такім чынам можна коратка ахарактарызаваць імпрэзу праваабарончага цэнтра “Вясна”, якая ладзілася ўвечары 10 снежня на сядзібе БНФ. 30 артыкулаў Усеагульнай дэкларацыі правоў чалавека і паштоўкі для палітвязняў – у мастацкім увасабленні прафесійнага майстра ды аматараў hand-made.

10.12.2012 Беларускае Радыё Рацыя салідарнае з палітвязнямі

У Міжнародны дзень абароны правоў чалавека журналісты Беларускага Радыё Рацыя выказалі салідарнасць з беларускімі палітвязнямі.

10.12.2012 Праваабаронцы вызначылі лепшых

10 снежня прадстаўнікі шэрагу праваабарончых арганізацыяў Беларусі вызначалі найлепшых сярод праваабаронцаў, журналістаў і адвакатаў. Нацыянальная праваабарончая прэмія традыцыйна ўручаецца ў Дзень правоў чалавека.

10.12.2012 Праваабаронцы павіншавалі жыхароў сталіцы з Днём правоў чалавека

Сёння, 10 сьнежня, у дзень чарговай гадавіны прыняцця Усеагульнай дэкларацыі правоў чалавека, правааабаронцы ў цэнтры Менска правялі акцыю па інфармаванні жыхароў горада аб парушэннях правоў чалавека і праблеме з палітычнымі зняволенымі ў Беларусі.