Праваабарончы цэнтр «ВЯСНА»

Навіны за Лістапад 2012

02.11.2012 Віцебск: Рашэнне гарвыканкаму немагчыма выканаць

Сябар віцебскай гарадской арганізацыі КХП БНФ падаваў заяўку на правядзенне шэсця і пікету 7 лістапада. "Згодна з рашэннем гарвыканкаму, мы мусім яшчэ і прыкласці дамовы на абслугоўванне імпрэзы з рознымі службамі. Але зрабіць гэта аказалася немагчымым", -- кажа Ян Дзяржаўцаў.

02.11.2012 Брэст: забаронены канцэрт гурту “Дай Дарогу!”

Гэты выступ музыкаў быў запланаваны на 3 лістапада ў брэсцкім клубе “Сфера”. Падчас канцэрту гурт збіраўся ладзіць прэзентацыю ў родным горадзе свайго новага альбому. Таксама пад пагрозай і наступны канцэрт, які запланаваны на 6 лістапада ў Гродна падчас фэсту “Рок-хваля”.

02.11.2012 Сумесная заява FIDH і ПЦ “Вясна” з нагоды пагаршэння ўмоваў зняволення грамадзянскага актывіста Змітра Дашкевіча

FIDH і яе сяброўская арганізацыя ў Беларусі Праваабарончы цэнтр "Вясна" асуджаюць рашэнне суда Мазырскага раёна аб прымяненні карнага зняволення супраць лідэра грамадзянска-палітычнай арганізацыі “Малады фронт” Змітра Дашкевіча на працягу ўсяго тэрміну ягонага прысуду.

02.11.2012 Зьмітра Крэмянецкага пераводзяць са шпіталя ў ІЧУ

Пра гэта актывіст паведаміў паплечнікам па тэлефоне.

02.11.2012 Справа ў дачыненні да Міхаіла Гуліна і трох валанцёраў спынена

Судзілі мастакоў у Цэнтральным судзе за непадпарадкаваньне міліцыі (суддзя-Таццяна Ткачова). Абвінавачванне было складзена ў Цэнтральным РУУС Мінска на падставе рапарту двух амапаўцаў - Дзяніса Гушчы і Аляксандра Варанковіча. Менавіта яны затрымалі мастакоў днём 9 кастрычніка на Кастрычніцкай плошчы ў Мінску.

02.11.2012 Пасля крытыкі стану медыцыны супраць віцебскага ўрача пачаліся правакацыі

Віцебскі ўрач Ігар Пастноў неаднаразова ўздымаў "хворыя" пытанні віцебскай медыцыны ў друкаваных СМІ і праз інтэрнэт. Цяпер ён мусіў звярнуцца ў міліцыю, бо нехта, падпісваючыся ягоным імем, размяшчае ў інтэрнэце каментары правакацыйнага зместу.

02.11.2012 Гомельскаму праваабаронцу падатковая інспекцыя пагражае адміністрацыйнай справай

Інспекцыя МНС па Савецкаму раёну Гомеля даслала праваабаронцу Леаніду Судаленка новы ліст: яго выклікаюць у інспекцыю для падпісання пратакола і ўдзеле ў адміністрацыйным працэсе. Справа ў тым, што раней падатковая патрабавала ад праваабаронцы падачы дэкларацыі аб даходах, але Леанід Судаленка адмовіўся гэта рабіць.

02.11.2012 Праявіце салідарнасць з “ARCHE”!

Часопіс “ARCHE”, адзіны ў краіне “тоўсты” штомесячны недзяржаўны часопіс на беларускай мове, які рэгулярна і бесперапынна выходзіць з 1998 г., апынуўся пад пагрозай.

02.11.2012 У Сімферопалі сказалі "НЕ" смяротнаму пакаранню ў Беларусі

Акцыю супраць смяротнага пакарання ў Беларусі падтрымалі сімферопальскім школьнікі, якія падпісвалі паштоўкі са зваротам да Прэзідэнта Аляксандра Лукашэнкі з патрабаваннем увесці мараторый на смяротнае пакаранне з наступнай адменай гэтай нормы.

01.11.2012 Прысуд удзельнікам акцыі з кубікамі абвесьцяць 2 лістапада

У якасьці сьведак у суд былі выкліканыя трое міліцыянтаў, у тым ліку і прапаршчык Уладзімер Находзька. Менавіта яго Міхаіл Гулін і іншыя затрыманыя абвінавачваюць у прымяненьні фізычнай сілы ў той час, калі яны былі ў Цэнтральным РУУС. Усе трое міліцыянтаў пачуваліся вельмі ўпэўнена.

01.11.2012 Ужо вядома, хто будзе ліквідоўваць «Плятформу»

Установа «Плятформа», якая займаецца абаронай правоў вязьняў, падала апэляцыйную скаргу на рашэньне Менскага гаспадарчага суду аб закрыцьці арганізацыі.

01.11.2012 Чвэрць стагоддзя таму адбылася першая акцыя на Дзяды

Можа не ўсе памятаюць, што першы раз Дзяды ў выглядзе грамадзянскай акцыі адзначылі не ў 1988-м годзе масавым мітынгам, а паэтычнай імпрэзай ля помніка Янку Купалу ў 1987-м. Гэтую акцыю ў 2009 годзе ў сваіх успамінах узгадваў пісьменнік Кастусь Тарасаў.

01.11.2012 Мікалай Аўтуховіч: "Пра іншых палітвязняў я даведваюся з газет"

Справа ў тым, што паводле Крымінальна-выканаўчага кодэкса зняволеным забараняецца ліставацца з іншымі зняволенымі. Таму ўсю інфармацыю пра аднадумцаў і паплечнікаў яны даведваюцца з прэсы.

01.11.2012 Танкачова: Інстытут Гётэ спрабуе апраўдаць затрыманьне Гуліна

Так рэагуе праваабаронца на словы прэсавага аташэ цэнтральнага офісу Інстытута Гётэ ў Нямеччыне Крыстофа Мюхера. Ён падазрае, што акцыя Міхаіла Гуліна адбывалася ў недазволеным месцы.

01.11.2012 Вітольду Ашурку - 3 сутак арышту

Актывіста з Бярозаўкі затрымалі 27 кастрычніка падчас акцыі па ўшанаванню памяці паўстанцаў Каліноўскага ў Свіслачы разам яшчэ з 3 актывістамі. Сёння адбылося апоўняе судовае паседжанне. Па выніку судоў актывістаў пакаралі суткамі і штрафам.