Праваабарончы цэнтр «ВЯСНА»

Навіны за Лістапад 2012

05.11.2012 Дзе Зьміцер Дашкевіч?

Актывісты «Маладога фронту» распачынаюць пошукі кіраўніка арганізацыі Зьмітра Дашкевіча. Яны наведаюць турмы ў Жодзіне, Горадні і Магілёве, каб паспрабаваць адшукаць палітвязьня.

05.11.2012 Праваабаронцы падтрымалі акцыю «Станем за журналістыку!»

5 лістапада ва ўсім свеце праводзіцца акцыя «Станем за журналістыку!» Яна ладзіцца ўжо пяты год запар з ініцыятывы Міжнароднай федэрацыі журналістаў (IFJ) і Еўрапейскай федэрацыі журналістаў (EFJ).

05.11.2012 Акцыя «Станем за журналістыку!» у Брэсце (фота)

Па ініцыятыве сябраў мясцовай філіі ГА “Беларуская асацыяцыя журналістаў” (БАЖ) у Брэсце зладжаны “круглы стол”, які меў на мэце прыцягнуць увагу да праблемаў, з якімі сутыкаюцца недзяржаўныя выданні і асобныя журналісты.

05.11.2012 Front Line Defenders: Працягваецца пераслед праваабаронцы Алега Волчака

Міжнародная праваабарончая арганізацыя Front Line Defenders заяўляе, што запыт падатковай дэкларацыі за апошнія 10 гадоў у праваабаронцы Алега Волчака мог быць ініцыяваны КДБ, як гэта было ў крымінальнай справе кіраўніка ПЦ “Вясна” Алеся Бяляцкага.

05.11.2012 Слонім: творчая інтэлігенцыя просіць паспрыяць у адкрыцці беларускіх школ

Слонімскі пісьменнік Аляксей Якімовіч пачаў збор подпісаў сярод творчай інтэлігенцыі Слонімшчыны пад адкрытым зваротам на імя старшыні Слонімскага райвыканкама Іосіфа Паўлюкевіча. У лісце гаворыцца, што “называцца беларусамі і быць імі – не адно і тое ж".

05.11.2012 Віцебскім сябрам КХП-БНФ забаранілі праводзіць акцыі 7 лістапада

"З гарвыканкаму прыйшоў адказ на нашу заяўку. Напісана, што нам адмовілі, бо мы просім дазволу на шэсце і мітынг у недазволеных месцах, і правядзенне там нашых акцый будзе парушэннем заканадаўства. Насамрэч парушае заканадаўства не мы", -- гаворыць сябра КХП БНФ Ян Дзяржаўцаў.

04.11.2012 Ціск на наваполацкага актывіста Сяргея Малашэнка

Прыхільніку стварэння партыі БХД напярэдадні ўстаноўчага з'езду грамадскай арганізацыі "Маладыя Хрысціянскія Дэмакраты" пашкодзілі машыну. Невядомыя людзі прыходзілі і на працу да ягонага бацькі. "Пыталіся, ці садзіць мяне ў турму", -- распавёў актывіст.

04.11.2012 Вердыкт дзяржаўнай прапаганды: беларусы да дэмакратыі не гатовы

З разважаннямі наконт дэмакратыі выступіў у гомельскай газеце «Савецкі раён» штатны карэспандэнт Аляксандр Яўсеенка. Стымулам напісаць чарговы артыкул для яго стала інтэрв'ю прэзідэнта англійскім журналістам.

04.11.2012 Міліцыя адмаўляецца прызнаць, што двойчы парушыла заканадаўства

Аляксей Гаўруцікаў атрымаў адмову на сваё патрабаванне пакараць супрацоўнікаў ДАІ і Першамайскага РАУС за незаконныя дзеянні і ўнясенне ў пратакол непраўдзівай інфармацыі. Раённы следчы камітэт стаў на бок міліцыянтаў, якія сваіх парушэнняў не прызналі.

03.11.2012 Восем краін Еўропы далучыліся да рашэння ЕС прадоўжыць санкцыі ў дачыненні да Беларусі

Гэта Албанія, Ісландыя, Ліхтэнштэйн, Македонія, Нарвегія, Сербія, Харватыя і Чарнагорыя.

03.11.2012 Баранавічы: талака ля Крыжа ахвярам рэпрэсій 1939-1953 гг.

На Дзяды наладжана восеньская талака па добраўпарадкаванню тэрыторыі ў скверы каля Крыжа ахвярам сталінскіх рэпрэсій 1939-1953 гг. Раней тут была турма “Крывое кола” і было забіта вельмі шмат людзей. Таму ў 1992 годзе на месцы былой турмы баранавіцкія грамадскія актывісты ўсталявалі Крыж памяці сталінскіх ахвяр.

02.11.2012 Слуцкі райвыканкам: «Рамантаваць бардзюры зімой немэтазгодна»

Актывістка грамадзянскай кампаніі «Наш дом» Тамара Блінова атрымала адказ на зварот у Слуцкі райвыканкам. Нагадаем, у кастрычніку валанцёры кампаніі сабралі больш за трыста подпісаў случчакоў з просьбай усталяваць безбар'ерныя пешаходныя пераходы.

02.11.2012 Праваабаронцу Сяргею Усцінаву адмоўлена ва ўключэнні ў грамадскую назіральную камісію па кантролі за дзейнасцю органаў і ўстаноў, якiя выконваюць пакаранне

Як паведамляе сайт protivpytok.org, грамадскія назіральныя камісіі дзейнічаюць на падставе пастановы Савета міністраў Беларусі № 1220 ад 15 верасня 2006 года.

02.11.2012 Слуцк: Грамадскага актывіста зноў аштрафавалі на мільён рублёў за «справу аб налепках»

Адміністрацыйная камісія Слуцкага райвыканкама прызнала грамадскага актывіста Віталя Амяльковіча вінаватым у парушэнні правілаў добраўпарадкавання населеных пунктаў. На гэты раз Амяльковічу ўдалося даведацца, хто менавіта яго затрымліваў ноччу 14 ліпеня і бачыў, «як ён расклейваў налепкі на слупе».

02.11.2012 Спецдакладчык па Беларусі: надзея на трохбаковы дыялог з дзяржавай і грамадзянскай супольнасцю ёсць

Сваю першую афіцыйную заяву спецдакладчык ААН па становішчы ў галіне правоў чалавека ў Беларусі Міклаш Харашці адрасаваў беларускай грамадзянскай супольнасці і ўраду Беларусі.