Праваабарончы цэнтр «ВЯСНА»

Навіны за Лістапад 2012

12.11.2012 Валянціна Аліневіч з'ездзіла на спатканне з сынам

Адміністрацыя Наваполацкай калоніі дазволіла маці "доўгатэрміновае спаткане" – цягам адных сутак. Прадукты перадаць не дазволілі. У тым ліку і два мяхі яблыкаў, якія спадарыня Валянціна хацела ахвяраваць у атрад, дзе знаходзіцца Ігар Аліневіч.

12.11.2012 На Віцебшчыне прапануюць увесці "абмежаванне ў перамяшчэнні"

"Абмежаваць у перамяшчэнні" збіраюцца абавязаных бацькоў – тых, з каго спаганяюць сродкі на ўтрыманне іхных дзяцей у сацыяльных установах. Але ў беларускім заканадаўстве няма такога панятку - "абмежаванне ў перамяшчэнні". Таму, якім бы ні было стаўленне да тых, хто ўхіляецца ад выхавання і ўтрымання сваіх нашчадкаў, забарона на перамяшчэнне з’яўляецца парушэннем правоў асобы.

12.11.2012 Трое затрыманых у сувязі з выбухам ля Віцебскага КДБ

А праваабаронцу Паўлу Левінаву, які аператыўна прыехаў да будынка КДБ, каб высветліць сітуацыю, затрымаў супрацоўнік ДАІ за тое, што ён пераходзіў дарогу ў недазволеным месцы. У выніку яму выпісалі штраф. Са словаў Левінава, гэта быў загад начальніка інспектара Халаднова заняцца менавіта ім, каб адцягнуць увагу ад будынка КДБ.

12.11.2012 Другі “плюшавы дэсант” выпраўляецца з Швецыі ў Беларусь (фота)

11 лістапада ў цэнтры Стакгольму актывісты праваабарончай арганізацыі Östgruppen зладзілі акцыю «Плюшавы дэсант-2», каб звярнуць увагу на сітуацыю з правамі чалавека ў Беларусі.

11.11.2012 Шклоў: мясцовыя жыхары ігнаруюць грамадскую прыёмную “Белай Русі”

За дзесяць месяцаў 2012 года ў грамадскую прыёмную Шклоўскай раённай арганізацыі РГА “Белая Русь” за дапамогай у вырашэнні разнастайных пытанняў звярнулася толькі сем чалавек.

11.11.2012 Салігорскі актывіст АГП шукае палітычнага прытулку ў Нарвегіі

Салігорскі прадпрымальнік і актывіст Аб’яднаная грамадзянскай партыі Алег Бахта звярнуўся да ўладаў Каралеўства Нарвегія па атрыманне статусу палітычнага ўцекача. Зрэшты, межы Беларусі партыец пакінуў яшчэ год назад.

11.11.2012 Брэст: экс-кандыдату не дазволілі азнаёміцца з матэрыяламі адміністрацыйнай справы, распачатай па яго заяве

Аляксандр Мельнік дамагаецца, каб да да адміністрацыйнай адказнасці быў прыцягнуты старшыня ўчастковай выбарчай камісіі № 39 Леанід Валабуеў, які не дазволіў кандыдату прысутнічаць падчас падліку бюлетэняў.

11.11.2012 У бярозаўскім “Маяку” – хваля прапагандысцкіх артыкулаў

Рэдактар Бярозаўскай раёнкі “Маяк” Аляксандр Іваноў, ці то з уласнай ініцыятывы, ці то па замове, серыяй артыкулаў абрынуўся на Мігальскага, амерыканскія выбары і “пятую калону”.

11.11.2012 Рабочыя “Бярозабуд” апасаюцца застацца беспрацоўнымі

Рабочыя Бярозаўскага адкрытага акцыянернага таварыства “Бярозабуд”, якое прадаецца па прычыне вялікага доўгу, могуць застацца беспрацоўнымі. На думку работнікаў, нядрэнна было б, каб для кантролю за продажам падключыўся Камітэт дзяржкантролю Брэсцкай вобласці.

10.11.2012 Агляд-хроніка парушэнняў правоў чалавека ў Беларусі. Кастрычнік 2012 году

У кастрычніку сітуацыя з правамі чалавека ў Беларусі заставалася стабільна кепскай. У месцах пазбаўлення волі працягвалі ўтрымлівацца 12 палітычных зняволеных. Толькі зараз кіраўнік дзяржавы ўпершыню прызнаў, што ў Беларусі існуюць палітвязні.

09.11.2012 Лукашэнка адправіў у адстаўку старшыню КДБ Беларусі

Інфармацыю паведамілі ў прэс-службе кіраўніка дзяржавы са спасылкай на дзяржсакратара Савета бяспекі Леаніда Мальцава.

09.11.2012 Скарга з нагоды пастаноўкі на прафілактычны ўлік у КДБ не задаволена

Магілёўскі актывіст аргкамітэту па стварэнні партыі “Беларуская Хрысціянская Дэмакратыя” Алег Аксёнаў застаецца пад пільным вокам спецслужбаў.

09.11.2012 Любоў Кавалёва патрабуе, каб Генеральная пракуратура праверыла працу Вярхоўнага суду

Маці Уладзіслава Кавалёва, расстралянага за тэрарызм, лічыць, што Вярхоўны Суд парушыў тэрміны адказу на наглядную скаргу, складзеную адвакатам сына. Таксама яна просіць ініцыяваць праверку па фактах фальсіфікацый у справе выбуху ў менскім метро і парушэнняў Крымінальна-працэсуальнага кодэксу падчас следства і суду, які прыгаварыў Уладзіслава Кавалёва і Дзмітрыя Канавалава да смяротнага пакарання.

09.11.2012 Работнікам завода «Сарыя Бія-Індастрыс» у Бярозаўскім раёне забаранілі агучваць свае заробкі

Ад супрацоўнікаў замежнага прадпрыемства адміністрацыя патрабуе падпісаць адпаведную распіску.

09.11.2012 Брэст: дэпутатаў заклікаюць садзейнічаць увядзенню малога памежнага руху

У звароце, пад якім распачаты збор подпісаў, утрымліваецца просьба жыхароў беларуска-польскага памежжа да дэпутатаў накіраваць ва ўрад Беларусі запыт аб неабходнасці зрабіць тэрміновыя меры па рэалізацыі закона "Аб ратыфікацыі дамовы паміж урадам Рэспублікі Беларусь і ўрадам Рэспублікі Польшча аб правілах памежнага руху".