Праваабарончы цэнтр «ВЯСНА»

Навіны за Лістапад 2012

16.11.2012 Марэк Мігальскі заклікае палітыкаў дабівацца сустрэчаў з палітвязнямі

Еўрапейскія палітыкі павінны дабівацца магчымасці сустрэчаў з беларускімі палітвязнямі, лічыць еўрадэпутат Марэк Мігальскі. З чарговым заклікам ён звярнуўся да прадстаўніка Еўрасаюза ў Беларусі Майры Моры, у меру магчымасці наведаць палітвязня Змітра Дашкевіча, які цягам апошняга часу падвяргаўся жорсткаму пераследу ў турме.

16.11.2012 Дзень салідарнасці з беларускімі палітвязнямі адзначаць у Варшаве

Сёння дзень салідарнасці з беларускімі палітвязнямі адзначаць ў Варшаве. У 18 гадзінаў палякі і беларусы, якія пражываюць у Варшаве, выйдуць з партрэтамі вязняў сумлення ў Беларусі, каб у чарговы раз нагадаць свету аб тым, што ў еўрапейскай краіне ў ХХІ стагоддзі ў турмах пакутуюць людзі за палітычныя перакананні.

16.11.2012 Arche не будзе ў падпісным каталогу "Белпошты"

Рэдакцыя часопіса Arche прыняла рашэнне не ўключаць выданне ў падпісны каталог "Белпошты" на першае паўгоддзе 2013 года.

16.11.2012 Бялыніцкі раён: дарогу пабудавалі, пра людзей забыліся

Жыхары вёскі Рудня Бялыніцкага раёна спрабуюць дамагчыся ад мясцовых уладаў абсталявання пешаходнага пераходу праз аўтатрасу Мінск –Магілёў у накірунку аграгарадка Вялікая Машчаніца, каб мець магчымасць наведваць амбулаторыю і краму ў гэтым населеным пункце. Мясцовыя ўлады пакуль на звароты грамадзян рэагаваць не жадаюць.

16.11.2012 Завядзёнка ў Брагінскім раёне – прымусовыя суботнікі штотыдзень

Старшыня Брагінскага райвыканкаму Аляксандр Ятчанка падпісаў распараджэнне аб правядзенні кожны тыдзень раённых суботнікаў па добраўпарадкаванні населеных пунктаў з удзелам усіх арганізацый.

16.11.2012 Баранавіцкія грамадскія актывісты наведалі Паўла Севярынца

Баранавіцкія сябры няўрадавых грамадскіх аб’яднанняў і палітычных партый - Галіна Ярашэвіч (БХД), Віктар Сырыца (“Рух “За свабоду”), Сяргей Гоўша (Праваабарончы цэнтр “Вясна”), Алесь Белы (БАЖ) і Анжаліка Камбалава (АГП) - 15 лістапада наведалі Паўла Севярынца ў вёсцы Куплін Пружанскага раёна, дзе сустаршыня стваранай партыі “Беларуская Хрысціянская Дэмакратыя” адбывае “хімію”.

16.11.2012 Мэр Брэста папракае гараджанаў няяўкай на выбары – замест вырашэння іх праблемаў

Калі прысутны на сустрэчы праваабаронца Уладзімір Малей нагадаў чыноўніку, што галасаванне на выбарах – гэта дабраахвотная справа грамадзяніна і што людзі чакаюць канструктыўнай размовы па праблеме, з якой прыйшлі да мэра, Палышанкоў закрычаў сакратарцы: “Выклічце супрацоўнікаў міліцыі, каб вывелі яго адсюль!”

16.11.2012 Хто яны, затрыманыя за выбух каля Віцебскай управы КДБ?

Следчы камітэт 15 лістапада паведаміў, што ўсіх затрыманых адпусцілі і падазраваных па гэтай справе няма. Але пытанні засталіся, лічыць віцебскі праваабаронца Павел Левінаў. Яго турбуе, як абыходзіліся з тымі, хто адбыў пад вартай ад некалькіх гадзін да некалькіх сутак, і чаму яны маўчыць, не жадаючы выйсці на кантакт з журналістамі і праваабаронцамі.

15.11.2012 Палітвязень Павел Севярынец патрабуе вызваліць затрыманага КДБ Андрэя Гайдукова

Павел Севярынец патрабуе, каб КДБ патлумачыла аперацыю па арышце Гайдукова, які нібыта "закладаў у тайнік звесткі эканамічнага і палітычнага зместу", якімі цікавяцца замежныя спецслужбы.

15.11.2012 Праваабаронца просіць Вярхоўны Суд пакараць баранавіцкіх суддзяў

Сяргей Гоўша 15 лістапада накіраваў старшыні Вярхоўнага Суда заяву, у якой ставіць пытанне аб узбуджэнні дысцыплінарнай вытворчасці ў дачыненні да суддзяў суда Баранавіцкага раёна і г. Баранавічы. Праваабаронца чацверты месяц дамагаецца судаводства і справаводства па сваім адміністратыўным працэсе па-беларуску.

15.11.2012 Бабруйчане не адступаюць ад ідэі ўвекавечыць імёны пісьменнікаў - ахвяраў рэпрэсій

У гарвыканкам дасланыя подпісы, якія збіраліся ў Бабруйску з мэтай увекавечання праз назвы вуліц імёнаў беларускага пісьменніка Барыса Мікуліча, які нарадзіўся ў гэтым горадзе, і Сяргея Грахоўскага, які пачынаў свой працоўны шлях на мясцовым дрэваапрацоўчым камбінаце.

15.11.2012 У Гётэборгу прэзентавалі фільм “Убыл по приговору”

Паказ адбыўся ў межах праграмы “Дні правоў чалавека - 2012”, што праходзілі ў шведскім горадзе Гётэборг. Гэта самае вялікае мерапрыемства Скандынавіі, прысвечанае правам чалавека. Яго наведвае каля 2 тысяч чалавек.

15.11.2012 Працягваецца ціск на сябраў незалежнага прафсаюза на мікашэвіцкім “Граніце”

Працягваецца ціск на сябраў незалежнага прафсаюза з боку адміністрацыі мікашэвіцкага прадпрыемства “Граніт”. Як распавёў сёння ў “Раніцы з рацыяй” старшыня незалежнага прафсаюза Алег Стахаевіч, працаўнікоў прадпрыемства запалохваюць.

15.11.2012 Сёння адзначаецца Дзень пісьменніка ў зняволенні

З 2007 году штогод 15 лістапада на ініцыятыву Міжнароднага ПЭН-клюбу адзначаецца «Дзень пісьменьніка ў зняволенні». У Беларусі сярод палітвязняў таксама ёсць пісьменнікі і журналісты.

15.11.2012 Зараз падазраваных па справе аб выбуху ў Віцебску няма: дапыталі больш за 60 чалавек

Падазраваных па справе аб выбуху ў Віцебску зараз няма, паведаміў БелаПАН начальнік аддзела інфармацыі і сувязяў з грамадскасцю Следчага камітэта Павел Траулька.