Праваабарончы цэнтр «ВЯСНА»

Навіны за Кастрычнік 2012

03.10.2012 Брэст: экс-кандыдат падае ў суд на дзяржаўную газету

Былы кандыдат у дэпутаты па Брэсцкай-Памежнай выбарчай акрузе №4 Анатоль Новік, які вылучаўся ад Беларускай партыі левых “Справядлівы свет”, мае намер прыцягнуць да адказнасці раённую газету “Заря над Бугом” - за паклёп.

03.10.2012 Марына Адамовіч: “Статкевічу перашкаджаюць атрымліваць і чытаць“Нашу Ніву” і “Новы Час” (відэа)

Пра ўмовы ў якіх утрымліваецца палітвязень Мікола Статкевіч, распавядае яго жонка Марына Адамовіч. Гэта толькі фрагмент інтэрв’ю спадарыні Марыны для сайта palitviazni.info, поўны відэаматэрыял з’явіцца неўзабаве.

03.10.2012 Гомельшчына: выбарцы вельмі любяць начальнікаў

Раённыя газеты Гомельскай вобласці нарэшце надрукавалі вынікі выбараў у Палату прадстаўнікоў. Пры высокай яўцы (больш за 91% - па Хойніцкай акрузе, і больш за 80% - па некаторых іншых) начальнікі-кандыдаты «перамаглі» з высокімі адсоткамі. Наогул, такім адсоткам, якія сведчаць пра поўную любоў выбарцаў да кандыдатаў-начальнікаў, пазайздросцілі б кандыдаты ўсіх краінаў свету. Прычым пры амаль поўнай адсутнасці агітацыйнай кампаніі.

03.10.2012 Больш за палову чытачоў “Intex-press” прынцыпова праігнаравалі выбары

Толькі 14 % наведвальнікаў сайта газеты “Intex-press”, якія паўдзельнічалі ў апытанні, адзначылі, што галасавалі ў асноўны дзень выбараў 23 верасня.

02.10.2012 Human Rights Watch: Беларускія ўлады павінны неадкладна спыніць ціск на Алеся Бяляцкага і Зміцера Дашкевіча

Праваабаронцы паведамляюць пра ўзмацненне ціску на іншадумцаў з боку ўладаў, у тым ліку - на палітвязняў. Усё гэта адбываецца напярэдадні сустрэчы Еўрасаюза па пытанні аб пераглядзе санкцый у дачыненні да Беларусі.

02.10.2012 Слонімская актывістка БХД рыхтуе скаргу ў Вярхоўны Суд

Гродзенскі абласны суд не задаволіў скаргу Вольгі Пансевіч, якую сёлета 12 чэрвеня суддзя суда Слонімскага раёна Іван Ластоўскі па двух адміністратыўных артыкулах – за непадпарадкаванне міліцыі і нецэнзурную лаянку - аштрафаваў на 2 мільёны 500 тысяч рублёў.

02.10.2012 Чарговы суд па справе назіральніка Гоўшы адбудзецца 4 кастрычніка

Праваабаронца не пагадзіўся з рашэннем cуддзі Баранавіцкага гарадскога суда Васіля Петрыва і напісаў скаргу ў Брэсцкі абласны суд на неаб’ектыўны разгляд яго адміністратыўнай справы.

02.10.2012 Барысаў: назіральнік прапанаваў пракурору завесці на яго крымінальную справу за ілжывы данос

Назіральнік ад кампаніі «За справядлівыя выбары» Васіль Лапацін, які прысутнічаў увесь дзень на ўчастку № 25 Барысаўскай гарадской выбарчай акругі № 62, напісаў заяву ў пракуратуру Барысаўскага раёна.

02.10.2012 У судзе скаргу Алеся Пушкіна разгледзелі па-беларуску і не задаволілі

Гарадзенскі абласны суд не задаволіў скаргу Алеся Пушкіна на тое, што падчас яго затрыманьня ў Смаргоні зь іншымі мастакамі міліцыянты адмовіліся зь ім размаўляць на беларускай мове, парушыўшы гэтым закон аб мовах, а таксама ў судзе не абвясьцілі рашэньня па-беларуску, хоць у залі ўвесь час прысутнічаў перакладчык.

02.10.2012 Алесь Бяляцкі піша пра вялікі сюрпрыз і аптымістычны знак

У лісце ад 27 верасня праваабаронца-палітвязень піша сябрам, што атрымлівае шмат лістоў і паштовак з нагоды свайго юбілею, распавядае, што для яго сталася “самым вялікім сюрпрызам, што сабе і ўявіць ня мог”, а таксама нагадвае ўсім нам, пра што “заўсёды трэба памятаць”.

02.10.2012 Парламенцкія выбары ў рэгіянальным зрэзе: Баранавічы

Яшчэ напярэдадні выбараў склаліся дзве групы грамадска-палітычных сілаў, якія занялі дыяметральна розныя пазіцыі ў адносінах да ўдзелу прадстаўнікоў грамадскасці ў выбарах. Мясцовыя прадстаўнікі “Справядлівага свету”, АГП і БСДП (Г) выступалі за ўдзел у выбарах, а сябры баранавіцкіх філій БХД, “Руху “За свабоду” і БНФ прытрымліваліся тактыкі актыўнага байкота.

02.10.2012 Пратэстанцкі святар звяртаецца да ўладаў у звязку з ціскам на Змітра Дашкевіча

Епіскап Сяргей Цвор просіць улады правесці расследаванне неправавых дзеянняў адміністрацыі мазырскай калоніі ў дачыненні да Дзмітрыя Дашкевіча

02.10.2012 Салігорская пракуратура не задаволіла скаргу кандыдата

У пачатку мінулага тыдня экс-кандыдат у дэпутутаты па Салігорскай гарадской выбарчай акрузе №68 Віктар Малочка звярнуўся са скаргай у пракурартуру ды акруговую камісію. Палітык патрабаваў пераліку колькасці бюлетэняў па выбарчым ўчастку №15.

02.10.2012 На Мікалая Уласевіча склалі пратакол за непадпарадкаваньне супрацоўнікам міліцыі

Сёньня, 2 кастрычніка, на кватэру да астравецкага актывіста Мікалая Уласевіча прыйшлі два супрацоўнікі міліцыі і склалі адміністрацыйны пратакол нібыта за непадпарадкаваньне супрацоўнікам міліцыі (арт. 23.4 КаАП РБ), якое мела месца 21 верасьня.

02.10.2012 Гарадзенскі абласны суд не задаволіў скаргу Алеся Пушкіна

Гарадзенскі абласны суд 2 кастрычніка разгледзеў скаргу асуджанага Смаргонскім раённым судом мастака Алеся Пушкіна. Паводле рашэння Смаргонскага суду Пушкін за ўдзел у мастацкім перфомансе ў гонар забітага энкавэдыстамі беларускага патрыёта Расціслава Лапіцкага быў засуджаны да 10 сутак адміністратыўнага арышту.