Праваабарончы цэнтр «ВЯСНА»

Навіны за Кастрычнік 2012

08.10.2012 Мікалая Дзядка пакінулі у адзіночнай камеры да 6 снежня

Адвакат, які сустрэўся з палітвязьнем Мікалаем Дзядком, распавёў, што Мікалай застаецца ў памяшканьні камэрнага тыпу — адзіночнай камэры. Ён пазбаўлены перадач, спатканьняў, тэлефанаваньняў дахаты.

08.10.2012 Дэпутаты не лічаць мэтазгоднымі змены ў закон пра абыходжанне з жывёламі

Такі па сутнасці адказ на свой зварот у Палату прадстаўнікоў атрымала брэсцкая абаронца жывёлаў Ірына Сіняпкіна. Актывістка дамагалася, каб беларускі парламент перагледзеў норму, згодна з якой у кватэрах дазваляецца трымаць не больш за двух прадстаўнікоў жывёльнага свету.

08.10.2012 Гарадзенскай “вертыкалі” сорамна за выбары?

Характэрна, што адразу праз некалькі дзён пасля сканчэння выбараў у Палату прадстаўнікоў на некаторых сайтах гарадзенскіх раённых адміністрацый знікла ўся інфармацыя, датычная гэтай кампаніі.

08.10.2012 Пікет незалежнага прафсаюза доўжыўся 5 хвілін

7 кастрычніка ў Мінску адбыўся пікет незалежнага прафсаюза працаўнікоў радыёэлектроннай прамысловасці (РЭП). Сябры прафсаюза планавалі правесці акцыі ў сямі месцах, у тым ліку і ў абласных гарадах, аднак пікет дазволілі толькі ў парку Дружбы народаў на плошчы Бангалор.

07.10.2012 Памежнікі “палююць” на праваабаронцаў: на мяжы затрымалі Насту Лойка

На некалькі гадзін 6 кастрычніка на літоўска-беларускай мяжы была затрыманая праваабаронца Наста Лойка. Гэта здарылася, калі дзяўчына вярталася з Вільні рэйсавым аўтобусам праз памежны пераход Каменны Лог.

05.10.2012 “Брыдкаслоў” Гоўша тлумачыць рашэнне аблсуда па яго скарзе палітычнай ангажаванасцю

Праваабаронца Сяргей Гоўша, пакараны падчас выбарчай кампаніі судом Баранавіцкага раёна мільённым штрафам нібыта за брыдкаслоўе на адрас сябраў акруговай камісіі, пры якой з’яўляўся назіральнікам, падаваў скаргу ў Брэсцкі абласны суд. Суддзя Міхаіл Грыгаровіч знайшоў падставу для незадавальнення скаргі нават пры наяўнасці неабвержных доказаў.

05.10.2012 Абласны суд не задаволіў скаргу партыі БНФ аб нерэгістрацыі

Гродзенскі абласны суд не задаволіў скаргу партыі БНФ аб нерэгістрацыі абласной арганізацыі Упраўленнем юстыцыі Гродзенскага аблвыканкама. Суддзя Зоя Нікольская не знайшла антызаконных дзеянняў у рашэнні рэгіструючага органа і адмовіла абласной арганізацыі ў магчымасці легальнай дзейнасці на тэрыторыі Прынёмання.

05.10.2012 Алесь Бяляцкі Леаніду Судаленку - я знахожуся ў камандзіроўцы, акурат паміж Менскам і Гомелем

Сёння праваабаронца з Гомелю, старшыня Гомельскага аддзялення рэспубліканскага грамадскага аб’яднання “Прававая ініцыятыва” Леанід Судаленка атрымаў ад свайго палітычна зняволенага калегі Алеся Бяляцкага паштоўку, датаваную 2 кастрычніка. Палітвязень выказвае шчырую падзяку за віншаванні, якія былі яму дасланыя з Гомеля ў бабруйскую калонію напярэдадні дня народзінаў.

05.10.2012 Неверагодныя “ўдакладненні” салігорскай акруговай камісіі

Выбарчая камісія па Салігорскай сельскай выбарчай акрузе №69 патлумачыла прычыну знікнення 12% выбарцаў на ўчастку для галасавання №76. Адказ незалежнаму назіральніку Уладзіміру Шылу даслала старшыня акруговай камісіі Таццяна Ярота.

05.10.2012 Гарадзенскія гісторыкі Краўцэвіч і Смалянчук напісалі адкрыты ліст у абарону звольненага Андрэя Чарнякевіча

Дактары гістарычных навук Аляксандр Краўцэвіч і Алесь Смалянчук выступілі з адкрытым лістом да міністра адукацыі Сяргея Маскевіча і кіраўніцтва Гарадзенскага ўніверсітэта, у якім патрабуюць аднаўлення на працы дацэнта, кандыдата гістарычных навук Андрэя Чарнякевіча, звольненага пасля выхаду кнігі «Гродназнаўства».

05.10.2012 Баранавічы: ні пракурор, ні АВК не разглядаюць скаргу назіральніка па сутнасці

Намесніца старшыні АВК №6 Ларыса Антонава замест аб’ектыўнага вывучэння заявы і акта парушэння выбарчага заканадаўства абвінаваціла назіральніка Віктара Мезяка ў тым, што гэта ён парушыў артыкул 13 Выбарчага кодэкса і ўмешваўся ў працу выбарчай камісіі.

05.10.2012 Палітвязень Яўген Васьковіч пакараны карцэрам

Пра пакараньне Васьковіча паведаміў сайт БХД са спасылкай на адваката, які меўся наведаць Васьковіча ў калоніі, але атрымаў адмову.

05.10.2012 Гомельская-Савецкая АВК адмаўляецца пераглядаць вынікі выбараў

«Падстаў для прызнання выбараў па Гомельскай-Савецкай акрузе №34 несапраўднымі няма», - такі адказ атрымаў былы кандыдат у дэпутаты па дадзенай акругі Ігар Случак, які накіроўваў скаргу аб завышэнні яўкі ў АВК і ЦВК.

05.10.2012 Магілёўскі назіральнік за выбарамі просіць НАН праверыць тэорыю верагоднасці

Адпаведны ліст былы назіральнік за выбарамі на ўчастку №53 Магілёўскай-Цэнтральнай выбарчай акругі №85 накіраваў у гэтую дзяржаўную ўстанову. Нагодай для звароту ў Акадэмію навук сталі вынікі галасавання, якія, паводле Паўлоўскага, цалкам ставяць пад сумнеў тэорыю верагоднасці.

05.10.2012 Сацыяльныя педагогі цікавяцца ўмовамі пражывання дзяцей Дзяніса Садоўскага

Прычына - частыя затрыманні адказнага сакратара Беларускай Хрысціянскай дэмакратыі. Актывіст лічыць, што такім чынам улады спрабуюць націснуць на яго і ягоную сям'ю.