Праваабарончы цэнтр «ВЯСНА»

Навіны за Кастрычнік 2012

11.10.2012 Слуцк: Экс-кандыдат збіраецца выкрыць ілжэсведчанне абранага дэпутата

Слуцкі РАУС адмовіў экс-кандыдату ў дэпутаты Аляксандру Шыловічу ва ўзбуджэнні крымінальнай справы ў дачыненні да яго былога начальніка, які прылюдна абразіў яго на сустрэчах з выбаршчыкамі.

11.10.2012 Візіт нунцыя ўратаваў Бяляцкага ад ШІЗА

Пра гэта палітвязень напісаў у лісце да праваабаронцы Валянціна Стэфановіча. "Прыезд нунцыя быў поўным сюрпрызам. Ён перадаў блаславенне і падтрымку ад Папы, а я - падзяку за клопат аб палітзняволеных", - адзначыў Алесь.

11.10.2012 Былы кандыдат спрабуе абскардзіць вынікі выбараў праз Вярхоўны суд

Былы кандыдат па Гомельскай-Савецкай акрузе №34 Ігар Случак накіраваў скаргу ў Вярхоўны суд на вынікі выбараў па акрузе. Ён просіць ВС адмяніць пастанову ЦВК ад 5 кастрычніка ад адмове ў задавальненні скаргі аб правядзенні паўторнага пераліку галасоў выбарцаў па Гомельскай-Савецкай акрузе.

10.10.2012 Маладой мастачцы Насці Майстрэнка вельмі тэрмінова патрэбна ваша дапамога!

Насця Майстрэнка пакутуе на цяжкае захворванне. Сям'я і сябры тэрмінова збіраюць грошы курс хіміятэрапіі ў Ізраілі.

10.10.2012 У ЦВК не зразумелі назіральніка?

Яшчэ падчас выбараў бабруйскі назіральнік Аляксандр Леаненка, які працаваў на выбарчых участках № 22 і 23 Сельскай акругі, падаў скаргі ў АВК і ЦВК. Ён указаў на парушэнні ў размяшчэнні агітацыйных матэрыялаў, якія знаходзіліся ў памяшканні для галасавання.

10.10.2012 У Магілёве прайшоў кінапрагляд фільму “Прычына смерці - прочырк”

Кінапрагляд, які арганізавалі мясцовыя праваабаронцы, быў прымеркаваны да Сусветнага дня супраць смяротнага пакарання, што адзначаецца 10 кастрычніка.

10.10.2012 Гомельскія грамадзкія актывісты атрымалі лісты ад Алеся Бяляцкага

10 кастрычніка адразу некалькі грамадзкіх актывістаў атрымалі лісты ад Алеся Бяляцкага. Гэта адказы вядомага беларускага праваабаронцы і палітзьняволенага на віншаваньні з Днём народзінаў ад гамельчукоў.

10.10.2012 Рух «За свабоду» ня можа знайсьці памяшканьне, каб правесьці зьезд

Гатэлі «Crown Plaza» і «Вікторыя», а таксама менскі Міжнародны адукацыйны цэнтар адмовіліся здаць у арэнду памяшканьне, каб рух «За свабоду» правёў сваю справаздачна-выбарчую канфэрэнцыю.

10.10.2012 Жыхары брэсцкага шматпавярховіка працягнуць змаганне за права на годнае жыццё

Некалькі дзесяткаў чалавек падпісаліся пад зваротам у Брэсцкі гарвыканкам з патрабаваннем правесці капітальны рамонт дому №12 па вуліцы Янкі Купалы ў абласным цэнтры і прывесці ў належны стан дваровую тэрыторыю. Сёння яны кажуць пра пэўны плён гэтай ініцыятывы.

10.10.2012 У цэнтры Мінску з'явіліся расцяжкі "НЕ смяротнаму пакаранню"

Моладзевыя актывісты звярнулі ўвагу грамадскасці на Сусветны дзень супраць смяротнага пакарання.

10.10.2012 Эўропа заклікае Беларусь спыніць сьмяротныя пакараньні

Рада Эўропы і Эўрапейскі Зьвяз заклікаюць Беларусь абвясьціць мараторый на сьмяротнае пакараньне ў якасьці першага кроку да ягонай поўнай адмены.

10.10.2012 Хоцімскія ўлады на звароты грамадзян рэагаваць не жадаюць

Улады Хоцімскага раёна ўжо на працягу некалькіх месяцаў фактычна ігнаруюць звароты жыхароў вуліцы Пушкінскай Хоцімска, якія дамагаюцца таго, каб іх вуліца была адрамантаваная належным чынам, як гэта абяцалі рознага ўзроўню чыноўнікі.

10.10.2012 Кніга літаратуразнаўчых артыкулаў Алеся Бяляцкага хутка пабачыць свет

Кніга літаратуразнаўчых артыкулаў Алеся Бяляцкага, якая мела выйсці да юбілею палітзнаволенага старшыні Праваабарончага цэнтра «Вясна» неўзабаве будзе здадзеная ў друк. У час калі Алесь Бяляцкі знаходзіўся за кратамі, падрыхтоўкай выдання займалася яго даўняя сяброўка Паліна Сцепаненка.

10.10.2012 Цэнтрвыбаркам не задаволіў скаргу магілёўскай назіральніцы

Аліна Скрэбунова прасіла Цэнтральную камісію па выбарах не прызнаваць вынікі галасавання на ўчастку №48, які ўваходзіць у склад Шклоўскай выбарчай акругі №90. Паводле назіральніцы віртуальны падлік выбаршчыкаў, якія прыйшлі галасаваць, не адпавядаў іх колькасці, пазначанай у пратаколе.

10.10.2012 Перададзена ў суд справа ў дачыненні да жыхара Жлобіна, які спрабаваў узарваць будынак міліцыі

8 кастрычніка пракуратура Гомельскай вобласці перадала ў суд Жлобінскага раёна для разгляду крымінальную справу ў дачыненні да жыхара Жлобіна, які абвінавачваецца ў спробе ўчынення тэракту. Расследаваннем займаўся Камітэт дзяржбяспекі.