Праваабарончы цэнтр «ВЯСНА»

Навіны за Кастрычнік 2012

15.10.2012 Бабруйск: прафсаюзнаму лідэру выдалі новы пропуск

Пытанне з пропускам на тэрыторыю завода ТДіА (трактарных дэталяў і агрэгатаў) у чарговы раз вырашылася ў Міхаіла Кавалькова. Нагадаем, што лідэр суполкі Свабоднага прафсаюза беларускага ўжо неаднаразова трапляў у сітуацыі, калі яго пропуск “ламаўся” ці блакаваўся.

15.10.2012 Старшыня Зэльвенскага райвыканкама паабяцаў дадаць месцаў для пікетаў на наступныя выбары

Яшчэ падчас выбараў у Палату прадстаўнікоў былы кандыдат у дэпутаты ад Партыі БНФ Іван Шэга са Слоніма звяртаўся ў Зэльвенскі райвыканкам наконт павелічэння месца для агітацыі кандыдатаў у дэпутаты на Зэльвеншчыне. І вось нядаўна Іван Шэга атрымаў адказ на свой зварот.

15.10.2012 ЕС працягнуў санкцыі ў дачыненні да афіцыйнага Мінска да 31 кастрычніка 2013 года

Еўрасаюз прадоўжыў санкцыі ў дачыненні да афіцыйнага Мінска да 31 кастрычніка 2013 года. Адпаведнае рашэнне прынята 15 кастрычніка на пасяджэнні рады міністраў замежных спраў краін ЕС у Люксембургу.

15.10.2012 Марцін Угла: «Ізаляваць трэба рэжым, але не народ»

Кіраўнік швэдзкай праваабарончай арганізацыі Östgruppen Марцін Угла зьвярнуўся да кіраўнікоў МЗС Эўразьвязу. 15 кастрычніка Эўразьвяз разгледзіць пытаньне падаўжэньня санкцыяў супраць кіраўніцтва Беларусі.

15.10.2012 Гомельскага палітыка Ўладзімера Сякерку зьнялі зь цягніка на памежнай станцыі

14 кастрычніка позна ўвечары на памежнай чыгуначнай станцыі «Цяруха» зь цягніка Чарнігаў — Гомель быў зьняты кіраўнік Гомельскай абласной арганізацыі Партыі левых «Справядлівы сьвет» Уладзімер Сякерка.

15.10.2012 Бяляцкі: “Не складайце рукі, бо пад ляжачы камень вада не цячэ”

Паштоўка з Бабруйска ў Слонім ішла амаль тры тыдні. На паштоўцы праваабаронца напісаў: “Дзякуй за віншаванне, вельмі добрая паштоўка са слонімскімі патрыётамі. Вось ім было сапраўды цяжка і перспектывы сумнеўныя, а ў нас — усё лепей. Таму — не складайце рукі, бо пад ляжачы камень вада не цячэ. Жыве Беларусь! З павагаю, Алесь”.

15.10.2012 Слонім: за зварот у інспекцыю па ахове працы працоўнаму зменшылі заробак

Слесар Слонімскай камвольна-прадзільнай фабрыкі (КПФ) Міхаіл Сошка звярнуўся ў раённую інспекцыю па ахове працы з заявай, у якой паведаміў, што яго і яшчэ 5 чалавек з цэху пара-сілавой гаспадаркі прадпрыемства прымушаюць выконваць не сваю, ды яшчэ небяспечную для жыцця і фабрыкі працу.

15.10.2012 Брэст: былы кандыдат у дэпутаты збіраецца судзіцца з гарвыканкамам

Па словах Мельніка, падставай для такіх дзеянняў стаў адказ мясцовых уладаў на ягоны ліст, у якім ён прасіў ініцыяваць адміністратыўны працэс у дачыненні да старшыні ўчастковай камісіі №39 Леаніда Валабуева. Як лічыць былы прэтэндэнт на дэпутацкі мандат, гэты кіраўнік участковага выбаркаму груба парушыў Выбарчы кодэкс.

15.10.2012 Рагачоў: Дзяніса Дашкевіча аштрафавалі на 3 мільёны

Скончыўся чарговы, трэці судовы працэс па зыску рагачоўскай раённай газеты «Свабоднае слова» да грамадскага актывіста Дзяніса Дашкевіча. Суддзя прызнала яго вінаватым у парушэнні аўтарскіх правоў (артыкул 9.2 КаАП) і пакарала штрафам у памеры 3 мільёны рублёў.

15.10.2012 Як індусаў прымусілі агаварыць беларускага апазіцыянера (відэа)

4 верасня грамадскаму акывісту з Брэста Віталю Каўшу было прад’яўлена абвінавачванне ў здзяйсненні злачынства па арт. 371-1 частка 2 Крымінальнага кодэкса РБ – арганізацыя нелегальнай міграцыі. Пакаранне па гэтаму артыкулу – зняволенне да сямі гадоў. Сведчанні былі пабудаваныя на паказаннях затрыманых на Берасцейшчыне індусаў-мігрантаў.

15.10.2012 Савет Еўрасаюза сёння абмяркуе сітуацыю ў Беларусі

ЕС мае намер працягнуць дзеянне санкцый адносна нашай краіны да 31 кастрычніка 2013 года.

12.10.2012 Гомель: суд скасаваў штраф распаўсюдніку незалежнай газэты «Новы час»

12 кастрычніка судзьдзя Савецкага раёну Гомеля Сяргей Уласаў адмяніў пастанову раённай адміністрацыйнай камісіі наконт адміністрацыйнага штрафу, накладзенага на грамадзкага актывіста Аляксандара Працко за продаж незалежнай газэты «Новы час» у «неўстаноўленым месцы».

12.10.2012 Слуцк: “Справа аб налепках” накіравна на перагляд

Суддзя суда Слуцкага раёна Уладзімір Арэшка адмяніў рашэнне адміністрацыйнай камісіі Слуцкага райвыканкама, якая прызнала грамадскага актывіста Віталя Амяльковіча вінаватым у расклейваньне налепак. Матэрыялы справы аб адміністрацыйным правапарушэнні накіраваны на перагляд.

12.10.2012 Праваабаронца: Бяляцкі, безумоўна, уваходзіў у апошні шорт-ліст “Нобеля”

Саша Кулаева, паплечніца Алеся Бяляцкага па Міжнароднай федэрацыі правоў чалавека, распавядае Еўрарадыё пра значэнне прэміі для праваабарончай дзейнасці ў ЕС.

12.10.2012 Корбану і Сяргееву па 5 сутак арышту (аднаўляецца)

Лідэра моладзевай ініцыятывы «Альтэрнатыва» Алега Корбана і актывіста Уладзімера Сяргеева судзяць у судзе Партызанкага раёну Менска. Іх вінавацяць у дробным хуліганстве (арт. 17.1 КаАП). Суддзя - Рыта Шарай . 14-40. Уладзіміра Сяргеева прысудзілі да арышту на 5 сутак, Алегу Корбану таксама 5 сутак арышту