Праваабарончы цэнтр «ВЯСНА»

Навіны за Кастрычнік 2012

17.10.2012 Магілёўская пракуратура не знайшла складу злачынства ў дзеяннях старшыні акруговай камісіі

Магілёўская пракуратура не знайшла складу злачынства ў дзеяннях старшыні акруговай выбарчай камісіі №87 Аляксандра Кажамякіна. Такі адказ атрымаў кіраўнік Магілёўскай абласной арганізацыіі БНФ “Адраджэньне” Зміцер Салаўёў ад дадзенай дзяржаўнай структуры.

17.10.2012 Прафсаюзнаму актывісту адмовілі ў працаўладкаванні

Аляксей Паўлоўскі сутыкнуўся з працоўнай дыскрымінацыяй. “21 верасня я па накіраванні ад Магілёўскага цэнтра занятасці пайшоў працаўладкоўвацца на Магілёўскі домабудаўнічы камбінат мулярам, аднак там мяне на працу не ўзялі. Спаслаліся на тое, што “калектыў нязгодзен”.

17.10.2012 Рагачоў: Дзяніс Дашкевіч просіць прыцягнуць да адказнасці за паклёп рэдактара раёнкі

Нагадаем, раённая газета арганізавала траўлю актывіста, у некалькіх артыкулах, размешчаных на сайце выдання, Дзяніса Дашкевіча невядомы аўтар называе і клоунам, і «оппікам», і злачынцам, прычым адкрыта здзекуецца і пагражае, што актывіст «сядзе ў турму надоўга».

17.10.2012 Валерыя Булгакава выклікаюць у гаспадарчы суд

18 кастрычніка галоўны рэдактар часопіса «Arche» Валер Булгакаў павінен зьявіцца ў абласны гаспадарчы суд у Горадні. Будзе разглядацца справа аб сканфіскаваных у яго кнігах і часопісах

17.10.2012 Алесь Бяляцкі – ганаровы грамадзянін Парыжу

16 кастрычніка згодна з прапановай мэра Парыжу,а таксама з ініцыятывы Гарадской рады 11-й акругі сталіцы Францыі , Рада Парыжу надала сан Ганаровага грамадзяніна горада Парыжу віцэ-прэзідэнту Міжнароднай федэрацыі за правы чалавека, зняволенаму старшыні Праваабарончага цэнтру “Вясна” Алесю Бяляцкаму.

16.10.2012 Храбрае сэрца (відэа)

Чарговы фільм з серыі "Хроніка суднага часу" прысвечаны вядомай журналістцы Ірыне Халіп. 19 сьнежня 2010 года, у дзень прэзідэнцкіх выбараў яна падверглася сілавому затрыманню па дарозе з плошчы Незалежнасьці і была зьмешчана ў СІЗА КДБ.

16.10.2012 Аршанскі следчы камітэт не пакідае ў спакоі грамадскага актывіста

Актывіст кампаніі «Наш дом» Мікалай Петрушэнка выкліканы на 17 кастрычніка ў следчы камітэт Оршы да старэйшага следчага С. Шчарбенкі. Менавіта ў вядзенні гэтага следчага знаходзіцца крымінальная справа па арт. 369 КК РБ, якая распачата за публікацыю на сайце nash-dom.info матэрыялу «Педафіл атрымліваў прэміі за лепшыя дзіцячыя пляцоўкі».

16.10.2012 Незалежным журналістам у Крычаве ствараюць перашкоды ў атрыманні інфармацыі

Улады Крычаўскага раёна спрабуюць абмежаваць доступ журналістаў газеты “Вольны горад” да інфармацыі аб стане справаў раёне, папярэджваючы чыноўнікаў, што ў іх могуць узнікнуць сур’ёзныя праблемы, калі стане вядома, ад каго журналісты незалежнага выдання атрымліваюць гэту інфармацыю.

16.10.2012 Алесь Анціпенка: Дзяржаўныя СМІ змаргіналізавалі выбары, а потым хутка пра іх жа і забылі

Маніторынгава група ГА “БАЖ” падвяла вынікі назірання за асвятленнем парламенцкай выбарчай кампаніі ў дзяржаўных і недзяржаўных беларускіх СМІ.

16.10.2012 Барыса Хамайду аштрафавалі на 200 тысяч рублёў

Суд Чыгуначнага раёну Віцебску пакараў 15 кастрычніка віцебскага апазыцыянэра Барыса Хамайду штрафам у 2 базавыя велічыні за тое, што той бараніў герб Віцебскай вобласьці ад нападак загадчыцы прадуктовай крамы “Веста”…

16.10.2012 У Марафоне Салідарнасьці – прэзэнтацыя фільму "Казус Бяляцкага"

16 кастрычніка, у Дзень Салідарнасьці, у межах Маратона Салідарнасьці адбудзецца прэзэнтацыя фільму "Казус Бяляцкага".

16.10.2012 Абсерваторыя па абароне праваабаронцаў рэзка асуджае судовае рашэнне па закрыцці “Платформы”

Абсерваторыя па абароне праваабаронцаў, сумесная праграма Міжнароднай Федэрацыі за правы чалавека (FIDH) і Сустветнай арганізацыі супраць катаванняў (OMCT), распаўсюдзіла тэрміновы зварот з рэзкім асуджэннем судовага рашэння па закрыцці “Платформы”, паколькі яно з’яўляецца адвольным і падаецца скіраваным на забарону праваабарончай дзейнасці.

16.10.2012 Праваабарончая праграма “Людзьмі звацца!” на Радыё Рацыя

"Асоба. Дзяржава. Грамадства": госць рубрыкі - грамадскі актывіст і былы палітвязень Павел Вінаградаў. Ад пачатку бягучага году ён правёў пад адміністратыўнымі арыштамі сумарна больш за 30 сутак і таму ўмовы ўтрымання ў ЦІПе яму вельмі добра вядомыя.

15.10.2012 “Гэтыя 209 паштовак роўна на 209 дзён узьнялі мой настрой і далі энэргію”

Алесь Бяляцкі дзеліцца ўражаньнямі ад віншаваньняў, якія сабрала і даслала яму ў бабруйскую калонію з нагоды юбілею ўкраінскае аддзяленьне Amnesty International. І па гэтых лістах праваабаронца заўважае розьніцу ў характарах украінцаў і беларусаў: “Украінцы падаюцца мне больш адкрытымі і меньш агледлівымі”.

15.10.2012 Павел Севярынец працуе на складзе “за дваіх”

Трэба адзначыць, што на цяперашні момант Павел Севярынец застаўся адзін працаваць на складзе, таму вельмі стамляецца. Раней там працавалі два вольнанаёмных, але не вытрымалі цяжкай працы і малой аплаты.