Праваабарончы цэнтр «ВЯСНА»

Навіны за Верасень 2012

02.09.2012 Полацк: вядучы ОНТ робіць стаўку на сустрэчы з выбаршчыкамі

Канкурэнт Міхальчанка - старшыня Полацкага гарадскога Савета Наталля Гуйвік пакуль збіраецца сустракацца з выбаршчыкамі толькі тройчы. Трэці кандыдат, прадстаўнік партыі левых «Справядлівы свет» Аляксей Філімонаў, пакуль не падаваў заявак.

02.09.2012 Магілёўская вобласць: дэбаты адбудуцца толькі ў 4 з 13 выбарчых акругаў

Удзельнічаць у дэбатах па Шклоўскай выбарчай акрузе будуць толькі кандыдаты ў дэпутаты ад дэмакратычных партый – намеснік старшыні Партыі БНФ Рыгор Кастусёў і сябар Беларускай партыі левых “Справядлівы свет” Зінаіда Мілешчанка.

02.09.2012 Зэльва: кандыдатаў накіравалі “па колу”

Кандыдаты ў дэпутаты па Слонімскай выбарчай акругі № 58 Іван Шэга (Партыя БНФ) і Міхаіл Караткевіч (партыя “Справядлівый свет”) наведалі Зэльву, каб удакладніць пытанні наконт сустрэчы з выбаршчыкамі ў раённым Доме культуры.

02.09.2012 Жодзіна: кандыдаты ў дэпутаты адмовіліся ад тэледэбатаў

Абодва кандыдаты ў дэпутаты па Жодзінскай выбарчай акрузе праігнаравалі магчымасьць публічна выказацца перад тэлегледачамі ў тэледэбатах. «За нейкія там 5-7 хвілін трэба сказаць самае важнае», а на гэта не кожны здольны, а добра падрыхтавацца да выступу - вельмі складана.

02.09.2012 Аляксей Міхальчанка збірае грошы: «Наша перамога патрабуе ахвяр!»

На апошняй старонцы «Полацкага весніка» ад 28 жніўня на правах рэкламы размешчана фота кандыдата Аляксея Міхальчанкі з заклікам да палачан уносіць грошы ў яго выбарчы фонд. Кандыдат абяцае накіраваць кожны рубель выбаршчыкаў на перамогу.

02.09.2012 Маладэчна: назіральнікаў АБСЕ здзіўляе, што ў горадзе выбары не адчуваюцца

Назіральнікі ад АБСЕ 30 і 31 жніўня сустракаліся з удзельнікамі выбарчай кампаніі ў Маладэчне. Прадстаўнікі гэтай арганізацыі, адзін з якіх – з Нарвегіі, другі – з Нідэрландаў, былі здзіўлены, што ў час, калі кампанія мусіць быць у поўным разгары, нідзе на вуліцах горада гэтага не адчуваецца.

02.09.2012 Назіральнік: “ЦВК “штампуе” адказы на скаргі, не звяртаючы на іх увагі”

Эдуард Баланчук прыйшоў да такой высновы, атрымаўшы чарговы адказ з ЦВК на сваю скаргу, дзе нават прозвішча кандыдаткі, наконт якой ён пісаў, было зусім іншым: замест прозвішча “Г.Б.Лазоўская”, кандыдаткі, наконт якой пісаў назіральнік, пазначана “Г.Б.Мандроўская”.

02.09.2012 Баранавічы: Статкевіча–старэйшага павіншавалі з Днём ведаў

Разглядаючы старыя фотаздымкі, ён расказаў, як хвалілі настаўнікі Мікалая за “формулы Статкевіча”, за нетрадыцыйныя спосабы рашэння задач па фізіцы і матэматыцы. Цікава было паслухаць, як абітурыент Мікалай Статкевіч знайшоў памылку ва ўмовах задачы па матэматыцы пры паступленні ў вышэйшае вайсковае вучылішча.

02.09.2012 Пінск: чыноўнік заявіў, што вынік выбараў залежыць ад настаўнікаў

Газета “Полесская правда” у № 70 ад 1 верасня надрукавала інтэрвью “Выхаваць грамадзяніна” з намеснікам старшыні Пінскага райвыканкама Іванам Багатка. Чыноўнік заявіў аб залежнасці выніку выбараў ад супрацоўніцтва настаўнікаў і вертыкалі.

02.09.2012 На Палессі назіральнікі АБСЕ сустракаюцца з суб’ектамі выбарчага працэсу

Доўгатэрміновыя назіральнікі БДІПЧ АБСЕ Лое Легранж і Ханс Като Хадл пачалі сваю працу ў Палескім регіёне. Па словах спадара Ханса Като Хадла, пакуль усе суб’екты выбарчага працэсу з ахвотай ідуць на кантакт і дзеляцца неабходнай інфармацыяй.

02.09.2012 Маладэчна: Кандыдату вынесена папярэджанне

Акруговая камісія Маладэчанскай гарадской акругі №72 вынесла папярэджанне кандыдату ад Партыі БНФ Яну Лагвіновічу за тое, што ён не прадаставіў копію загаду з месца працы аб выбарчым адпачынку. З гэтай нагоды кандыдат накіраваў скаргу ў ЦВК.

01.09.2012 У Брэсце суд падтрымаў забарону пікету салідарнасці з палітвязнямі

Па словах праваабаронцы Уладзіміра Вялічкіна, суд не прыняў да ўвагі, што рашэнне, на якое спасылаецца ў сваё адмове гарвыканкам, парушае правы грамадзян на мірныя сходы і не дае магчымасці публічна выказваць свае перакананні.

01.09.2012 Гендырэктара “Беларускай калійнай кампаніі” прасоўваюць па дэпутацкай лесвіцы

У трох раёнах Магілёўшчыны адзінагалосна ў Савет Рэспублікі быў вылучаны гендырэктар “Беларускай калійнай кампаніі” Валерый Іваноў. Назіральнікі ўзгадваюць фальсіфікацыі выбаркамаў падчас парламенцкай кампаніі 2008 году, калі цяперашні дэпутат ПП НС Іваноў канкураваў на Шклоўскай акрузе з апазіцыянерам Рыгорам Кастусёвым.

01.09.2012 Жлобін: дзеючы дэпутат райсавета зняўся з выбараў на карысць старшыні райвыканкама

Кандыдат у дэпутаты па Жлобінскай выбарчай акрузе Ігар Чарняўскі, вылучаны ад працоўнага калектыву Беларускага металургічнага завода, зняўся з перадвыбарнай гонкі на карысць іншага кандыдата - старшыні Жлобінскага райвыканкама Леаніда Апанасюка. Пра гэта Ігар Чарняўскі заявіў, выступаючы па беларускім тэлебачанні.

01.09.2012 Гродзеншчына: райвыканкамы не зацікаўлены кандыдатамі ў дэпутаты

Сайты райвыканкамаў Ваўкавыска, Зэльвы, Слоніма, Іўя і Ліды спынілі інфармаванне пра выбары ў Палату прадстаўнікоў Нацыянальнага сходу Рэспублікі Беларусь.