Праваабарончы цэнтр «ВЯСНА»

Навіны за Верасень 2012

04.09.2012 Праваабаронца абмеркаваў з пракурорамі Віцебшчыны праблемы недапушчальнасці катаванняў

У Віцебскай вобласці прайшла ўнікальная кампанія: на працягу ліпеня- жніўня 2012 года праваабаронца Павел Левінаў наведаў абласную і ўсе раённыя пракуратуры, каб пазнаёміць пракурорскіх работнікаў з заўвагамі Камітэта супраць катаванняў ААН.

04.09.2012 Магілёў: “Разбіральніцтва” з кандыдатам Леанідам Падбярэцкім -- сёння

У Ленінскім РАЎСе кандыдат ў дэпутаты прабыў каля гадзіны, пасля чаго яго адпусцілі, выпісаў пры гэтым яму позву на сёння, на 18-00. Агітацыйны стэнд з улёткамі і плакатамі яму не вярнулі.

04.09.2012 Быхаў: сустрэчы з выбаршчыкамі на прадпрыемствах -- у працоўны час

Сёння кандыдат у дэпутаты Палаты прадстаўнікоў па Быхаўскай выбарчай акрузе № 81, старшыня Слаўгарадскага райсавета і Слаўгарадскай раённай арганізацыі РГА “Белая русь Таццяна Кананчук праводзіла ў Быхаве сустрэчу з працоўным калектывам Быхаўскага хлебазавода – філіяла РУПП “Магілёўхлебпрам” у працоўны час.

04.09.2012 Да ўвагі Назіральнай Рады: Кандыдат Содзель дапускае зняважлівыя выказванні на адрас апанентаў

"Прагаласаваўшы за кандыдата ад Камуністычнай партыі Беларусі, вы падтрымаеце стабільнасць і ўласны дабрабыт. І выступіце супраць празаходніх грантасмокаў ад так званай апазіцыі, якую ўтрымліваюць еўра-амерыканскія распаўсюднікі дэмакратыі,” – утрымліваецца ў тэксце.

04.09.2012 Слонім: райвыканкам дадаў месцы для сустрэч з выбаршчыкамі

З самога пачатку Слонімскі райвыканкам вызначыў найменш месц для сустрэч кандыдатаў у дэпутаты з выбаршчыкамі ў параўнанні з іншымі раёнамі вобласці, але нядаўна чыноўнікі ўнеслі дапаўненне ў сваё ранейшае рашэнне.

04.09.2012 Вярхоўны суд не задаволіў скаргу бабруйскай прэтэндэнткі ў кандыдаты

На пасяджэнні ў Вярхоўным судзе 4 верасня разглядалася скарга Аксаны Самуйлавай, актывісткі кампаніі "Гавары праўду" з Магілёва. Яна спрабавала абскардзіць рашэнне АВК і ЦВК аб нерэгістрацыі ў якасці кандыдата ў дэпутаты.

04.09.2012 Беларускія медыя не надаюць сур’ёзнай увагі тэме парламенцкіх выбараў

“У краіне велізарная праблема – палітыкі не здольныя свабодна камунікаваць, уступаць у дыялог, выказваць крытычнае меркаванне. У нас з савецкага часу пераважае маналагічная камунікацыя, што характэрна для таталітарнага і аўтарытарнага грамадства”.

04.09.2012 Брэст: Ніхто не хоча браць адказнасць за цэнзуру

Кандыдат у дэпутаты па Брэсцкай-Усходняй акрузе №3 Дыяна Касцюковіч, якая вылучана Аб’яднанай грамадзянскай партыяй, не можа пакуль атрымаць дакладнага адказу на свае скаргі ў розныя інстанцыі наконт абмежаванняў, з якімі яна сутыкнулася падчас запісу выступу на рэгіянальным тэлебачанні.

04.09.2012 Мінск: Кандыдаты ад АГП выступілі без цэнзуры

Падчас тэлевыступу Дзмітрый Раманоўскі (Паўднёва-заходняя выбарчая акруга № 99) і Ганна Канапацкая (Заходняя выбарчая акруга №102) абвесцілі пра пачатак кампаніі “За справядлівыя выбары без Лукашэнкі” і патлумачылі выбаршчыкам, чаму яны здымуць свае кандыдатуры напярэдадні галасавання.

04.09.2012 Слонім: кандыдаты скардзяцца на няроўныя ўмовы для агітацыі

Кандыдаты ў дэпутаты па Слонімскай выбарчай акрузе №58 Іван Шэга і Міхаіл Караткевіч сёння падалі ў акруговую выбарчую камісію дзве скаргі, звязаныя з няроўнымі ўмовамі правядзення агітацыі па выбарах дэпутатаў у Палату прадстаўнікоў на Зэльвеншчыне.

04.09.2012 Зэльва: мэтанакіравана зрываюцца сустрэчы кандыдатаў з выбаршчыкамі

Сёння, 4 верасня, раніцай, перад пачаткам працоўнага дня, механізатары мехдвара СВК “Сынковічы” Зэльвенскага раёна не змаглі сустрэцца з кандыдатамі ў дэпутаты па Слонімскай выбарчай акрузе № 58 Іванам Шэгам і Міхаілам Караткевічам, хаця пра сустрэчу загадзя ведалі кіраўніцтва мехдвара і СВК.

04.09.2012 У Клімавічах парламенцкія выбары нікога не цікавяць?

Інтэрнэт-сайт Клімавіцкага райвыканкама з 29 жніўня праводзіць апытанне “Ці маеце вы намер удзельнічаць у выбарах дэпутатаў Палаты прадстаўнікоў”? Па стану на 11-00 4 жніўня ўдзел у апытанні прынялі толькі дзевяць наведвальнікаў інтэрнэт-сайта Клімавіцкага райвыканкама.

04.09.2012 Крычаў: ніякага перадвыбарчага руху

“Пануе проста мёртвая цішыня, ніякага значнага варушэння не назіраецца, - кажа назіральнік ад БХК пры акруговай камісіі Крычаўскай выбарчай акругі № 83, рэдактар незалежнай газеты “Вольны горад” Сяргей Няроўны. – Нідзе не бачна ўлётак кандыдатаў у дэпутаты Палаты прадстаўнікоў, амаль не чутна пра нейкія сустрэчы з выбаршчыкамі".

04.09.2012 Ярмошына: агітацыйныя сустрэчы ў дварах могуць парушыць спакой грамадзян

Іван Шыла, які з’яўляецца даверанай асобай салігорскага кандыдата ў дэпутаты Віктара Малочкі, атрымаў адказ з ЦВК на сваю скаргу на рашэнне Салігорскага выканкаму “Аб вызначэнні месцаў для правядзення ў паведамляльным парадку масавых мерапрыемстваў, якія арганізуюцца кандыдатамі ў дэпутаты ў Салігорскім раёне”.

04.09.2012 Шклоў: Намеснік старшыні Камітэту дзяржкантролю збірае грошы на агітацыю

Рыгор Кастусёў: "Што датычыцца адкрыцця спецыяльнага рахунку маім апанентам Аляксандрам Агеевым, то не маю сумневу, што грошы на ім з’явяцца ўжо ў хуткім часе. Дапамагаць весці агітацыю высокаму начальніку будуць разнастайныя сельскагаспадарчыя і прамысловыя прадпрыемствы з усёй Шклоўскай выбарчай акругі”