Праваабарончы цэнтр «ВЯСНА»

Навіны за Верасень 2012

05.09.2012 У Рэчыцы пра выбары болей за ўсіх інфармуе незалежны партал

На сайце рэчыцкай дзяржаўнай газеты “Дняпровец” змешчаны ўсяго адзін мясцовы матэрыял: “Кандыдаты ў дэпутаты зарэгістраваны”. Астатняе, чым запоўнена старонка “Выбары” – паведамленні БелТА аб ходзе падрыхтоўкі да выбараў у маштабах краіны.

05.09.2012 Брэсцкая вобласць: тэледэбаты ў 8 з 16 акругаў

У ліку тых, хто выказаў намер прыняць удзел у тэлевізійных дыскусіях, ёсць прадстаўнікі практычна ўсіх палітычных партый, якія ўдзельнічаюць у выбарчай кампаніі, а таксама беспартыйныя грамадзяне, якія вылучаны ў якасці кандыдатаў у дэпутаты. Першыя дыскусіі ў эфіры запланаваны на 5 верасня.

05.09.2012 Вярхоўны суд не задаволіў скаргу на нерэгістрацыю кандыдатам Рыгора Грыка

Суддзя Вярхоўнага суда Самалюк В.І. не разглядала заявы грамадзян, якія пісьмова пацвердзілі сапраўднасць сваіх подпісаў. Старшыня АВК № 6 Тамара Шукала, у сваю чаргу, прадставіла 18 заяваў грамадзян, у якіх паведамляецца, што дата і подпіс прастаўлены Рыгорам Грыкам. Суд традыцыйна паверыў прадстаўніку АВК.

05.09.2012 Асіповічы: акруговая камісія пагражае кандыдату ад БНФ зняццём з выбараў

Альберт Яўменаў, кандыдат у дэпутаты Палаты прадстаўнікоў ад партыі БНФ па Асіповіцкай выбарчай акрузе № 89, распавёў, што ў акруговай камісіі да яго з’явілася патрабаванне, за невыкананне якога яго нават абяцаюць зняць з выбараў.

05.09.2012 У Магілёве на сустрэчу з кандыдатам прыйшло ўсяго 10 чалавек (фота)

Сустрэча Таццяны Кузьмянковай, якая вылучаецца па Магілёўскай-Цэнтральнай выбарчай акрузе №85, адбывалася 4 верасня ў 17-30 у памяшканні Магілёўскага архітэктурна-будаўнічага каледжу. За выключэннем кандыдаткі, яе двух давераных асоб і назіральніка Аляксея Колчына непасрэдных выбаршчыкаў на сустрэчы было ўсяго сем чалавек.

05.09.2012 Светлагорск: ніякай агітацыі няма

Па словах С. Дайнекі, па ўсёй верагоднасці, паўторыцца сітуацыя ранейшых выбараў: у апошнія дні перад галасаваннем паштовыя скрыні жыхароў закідваюцца агітацыйнымі матэрыяламі. Ці могуць выбаршчыкі ў такой спешцы знаёміцца з праграмамі кандыдатаў ці хоць бы запомніць іх прозвішчы?

05.09.2012 Баранавічы: ад кандыдата патрабуюць выкрэсліць з праграмы крытыку гарвыканкама

Кандыдат у дэпутаты па Баранавіцкай-Заходняй выбарчай акрузе № 5 Мікалай Чарнавус прадставіў сваю праграму для друку ў газету “Наш край”, аднак галоўны рэдактар афіцыйнага выдання Міхась Шубіч настойліва папрасіў яго выкрэсліць тыя месцы, дзе крытыкуецца гарвыканкам.

05.09.2012 Жодзіна: назіральнікі АБСЕ сустрэліся з праваабаронцамі

Больш за дзве гадзіны доўжылася размова жодзінскіх удзельнікаў кампаніі “Праваабаронцы за свабодныя выбары”, праваабаронцаў Святланы і Аляксея Лапіцкіх з назіральнікамі місіі АБСЕ. Сустрэча адбылася 4 верасня ў офісе мясцовага аддзялення Праваабарончага цэнтру “Вясна”.

05.09.2012 Салігорск: пакуль агітуе толькі апазіцыя (фота)

Агітацыйны этап выбарчай кампаніі цягнецца ўжо другі тыдзень, аднак масавай агітацыі з боку кандыдатаў ў сталіцы шахцёраў дагэтуль не назіраецца. Іншая сітуацыя з правядзеннем агітацыйных масавых мерапрыемстваў. Апазіцыйны кандыдат Віктар Малочка карыстаецца гэткай магчымасцю напоўніцу. Ягонай камандай ужо праведзена некалькі пікетаў.

05.09.2012 Брэст: Андрэй Шарэнда атрымаў папярэджанне ад пракуратуры

Як высветлілася, надзорны орган улічыў акалічнасці, якія нібыта сведчаць, што грамадскі актывіст парушыў патрабаванні закона “Аб масавых мерапрыемствах”, калі браў удзел у акцыі 19 снежня 2010 года ў Мінску.

05.09.2012 На мяжы ўчынілі асабісты дагляд Віктару Карняенку

Каардынатара кампаніі «За справядлівыя выбары» Віктара Карняенку 4 верасня ўвечары затрымалі на аўтапераходзе Каменны Лог на беларуска-літоўскай мяжы.

04.09.2012 Магілёў: аўтобусны парк адмаўляецца размяшчаць улёткі апазіцыйнага кандыдата

Намеснік дырэктара па ідэалогіі аўтобуснага парка №1 сп.Азараў у тэлефоннай размове паведаміў, што забаранілі размяшчаць улёткі кандыдата ў дэпутаты ад “Гавары праўду” Леаніда Падбярэцкага ў салонах аўтобусаў прадстаўнікі адміністрацыі Кастрычніцкага раёна Магілёва.

04.09.2012 Барысаў: Першая сустрэча кандыдатаў з працоўным калектывам - «без прымусу»

Як заявіў у пачатку сустрэчы галоўны ідэолаг завода спадар Карашкоў, сустрэча адрозніваецца ад тых, што праводзіліся ў іншыя кампаніі тым, што прыходзіць на яе ніхто не прымушаў. Гэта дало свае вынікі: у пачатку сустрэчы ў зале было каля 15 чалавек, яшчэ столькі ж падцягнулася пазней.

04.09.2012 Вярхоўны суд не задаволіў скаргу Сяргея Парсюкевіча на нерэгістрацыю кандыдатам

Віцебскі актывіст кампаніі "Гавары праўду" збіраўся балатавацца па Віцебскай-Кастрычніцкай акрузе №20. Частку подпісаў акруговая выбарчая камісія прызнала несапраўднымі, і ў гэтым рашэнні яе падтрымалі спачатку ЦВК, а потым і Вярхоўны суд.

04.09.2012 Магілёўская міліцыя спыніла адміністрацыйную справу ў дачыненні да апазіцыйнага кандыдата

Матэрыялы справы аб інцыдэнце з Леанідам Падбярэцкім міліцыя перадала ў адміністрацыю Ленінскага раёна Магілёва. Акрамя таго, міліцыя вярнула кандыдату ў дэпутаты агітацыйны стэнд.