Праваабарончы цэнтр «ВЯСНА»

Навіны за Верасень 2012

06.09.2012 Пінскі раён: кандыдат на школьнай лінейцы дарыў футбольныя мячы

Кандыдат па Пінскай сельскай выбарчай акрузе №15 павіншаваў дзетак з Днём ведаў і са словамі “Надеюсь, что эти мячи – подарок к началу учебного года – помогут вырастить чемпионов в Молотковичской школе…” падараваў спартовы рыштунак.

06.09.2012 Салігорск: сустрэча з апазіцыйным кандыдатам не без эксцэсаў

Падчас мерапрыемства адыёзны афіцэр салігорскай міліцыі Георгій Крывальцэвіч, адказны за шматлікія затрыманні і пераслед апазіцыі ў рэгіёне, спрабаваў аршытаваць давераную асобу кандыдата ад АГП Віктара Малочкі Івана Шылу, пагражаючы яму двума суткамі арышту.

06.09.2012 “Магілёўскія ведамасці” адцэнзуравалі перадвыбарчую праграму Ліліі Сіваковай

Намеснік галоўнага рэдактара Генадзь Ляхаў выкінуў з тэкста фразу “адзін вырашае за ўсіх” з перадвыбарчай праграмы кандыдата ў дэпутаты ад “Справядлівага свету” па Магілёўскай-Кастрычніцкай выбарчай акрузе №86 Ліліі Сіваковай.

06.09.2012 У Пінску дэбатаў не будзе

Як сцвярджае адзін з мяркуемых удзельнікаў тэлеперадачы - старшыня пінскай арганізацыі ПБНФ Аляксандар Рамановіч, які вылучаецца па Пінскай гарадской выбарчай акрузе №14, ён некалькі разоў беспаспяхова запрашаў да дэбатаў сваю канкурэнтку -- дзеючую дэпутатку ПП НС Зінаіду Мандроўскую.

06.09.2012 Апаненты Леаніда Аўтухова адмовіліся размаўляць пра выбары і палітвязняў

Вылучэнец ад Партыі БНФ, кандыдат па Віцебскай-Сельскай акрузе №26, Леанід Аўтухоў падаў у выбарчую камісію прапановы, якія тэмы варта абмеркаваць падчас дэбатаў. Аднак прапанову актывіста не прынялі.

06.09.2012 «Праваабаронцы за свабодныя выбары» сустрэліся з назіральнікамі СНД

Нацыянальныя і міжнародныя назіральнікі абмяняліся думкамі па актуальных пытаннях бягучай парламенцкай выбарчай кампаніі і абмеркавалі планы далейшага ўзаемадзеяння ў рамках назірання за выбарамі.

06.09.2012 Колькасць назіральнікаў ад прадзяржаўных арганізацыяў вымяраецца сотнямі

Прэс-служба Федэрацыі прафсаюзаў заявіла пра тое, што вылучае ў назіральнікі за парламенцкімі выбарамі 496 сябраў арганізацыі. Яшчэ больш сябраў прадставяць “Белая русь” і БРСМ. Агулам у Беларусі акрэдытавана 3 690 назіральнікаў.

06.09.2012 Быхаў: АВК прапанавала кандыдату ад БНФ сустракацца з выбаршчыкамі ў працоўны час

Такім чынам акруговая камісія вырашыла “зраўняць” умовы для агітацыі пасля таго, як апазіцыйны кандыдат Сяргей Антонаў падаў скаргу на сваю канкурэнтку па акрузе – старшыню Слаўгарадскага райсавета Таццяну Кананчук.

06.09.2012 Баранавічы: Назіральнік Сяргей Гоўша скардзіцца на міліцыю

6 верасня назіральнік Сяргей Гоўша накіраваў у УУС Брэсцкага аблвыканкама скаргу на дзеянні Баранавіцкага ГАУС. Ён паведамляе, што cупрацоўнікі гарадской міліцыі ўхіліліся ад аб’ектыўнага і сумленнага разгляду справы аб фальсіфікацыі пратакола № 1 пасяджэння АВК № 5.

06.09.2012 Гомель: пакуль прайшла толькі адна сустрэча кандыдата ў дэпутаты з выбарцамі

Па стане на 6 верасня на вуліцах Гомеля пакуль не з'явілася агітацыйная прадукцыя кандыдатаў у дэпутаты, няма абвестак пра сустрэчы кандыдатаў з выбарцамі. Акруговыя камісіі таксама не даюць адказу, дзе і калі будуць сустракацца кандыдаты з электаратам.

06.09.2012 Горкі: выбары-2012 vs “Дажынкі-2012”

У Горацкай выбарчай акрузе № 82 кандыдаты ў дэпутаты Палаты прадстаўнікоў праводзяць сумесныя сустрэчы з выбаршчыкамі. Па сведчаннях незалежных назіральнікаў, людзі да маючых адбыцца выбараў дэпутатаў папросту абыякавыя.

06.09.2012 Давераную асобу кандыдата з «байкотнай» акругі арыштавалі на 10 сутак

Суд Савецкага раёну Менску пакараў актывіста «Зьмены» — моладзевага крыла руху «Гавары праўду» — Ягора Віняцкага 10 суткамі арышту.

06.09.2012 Аляксея Цёплага асудзілі на 5 сутак

Актывіста «Еўрапейскай Беларусі» Аляксея Цёплага абвінавацілі ў непадпарадкаванні патрабаванням супрацоўнікаў міліцыі (арт.23.4 КаАП РБ) і асудзілі на 5 сутак арышту. Суддзя Цэнтральнага суду - Ясіновіч.

06.09.2012 Віталю Каўшу прад’явілі абвінавачанне

Грамадскаму акывісту з Брэста Віталю Каўшу прад’яўлена абвінавачванне ў здзяйсненні злачынства па арт. 371-1 частка 2 Крымінальнага кодэкса – арганізацыя нелегальнай міграцыі. Пакаранне па гэтаму артыкулу – зняволенне да сямі гадоў. Юрыст-праваабаронца Раман Кісляк метад затрымання Віталя Каўша прыраўнівае да гвалтоўнага знікнення.

06.09.2012 У Віцебску не пусцілі ў эфір дэбаты з удзелам Аляксея Янукевіча

Замест дэбатаў увечары 5 верасня паказалі паўгадзінную праграму, прысвечаную памяці пра загінулых у Вялікай Айчыннай вайне. Потым трансляваўся запіс дэбатаў кандыдатаў па Віцебскай-Чкалаўскай выбарчай акрузе №18. Дэбаты дэпутатаў па Віцебскай-Горкаўскай выбарчай акрузе №17 так і не паказалі.