Праваабарончы цэнтр «ВЯСНА»

Навіны за Верасень 2012

11.09.2012 Хоцімск: кандыдат затрыманы падчас агітацыйнага пікету

Сёння ў Хоцімску супрацоўнікі міліцыі прымусілі апазіцыйнага кандыдата Валерыя Каранкевіча згарнуць пікет, пасля чаго даставілі яго ў мясцовы РАУС для дачы тлумачэнняў. Са слоў міліцыянераў, кіруючы справамі райвыканкама Васіль Мітранкоў патэлефанаваў выконваючай абавязкі пракурора раёна Ірыне Хучэвай наконт пікету, ну а тая ўжо падключыла мясцовы РАУС.

11.09.2012 У Гародні знішчаюць плакаты незалежнага кандыдата

Ужо за першы дзень пасля вывешвання з ста інфармацыйных плакатаў актывіста "Гавары праўду" Дзмітрыя Бандарчука, які ідзе на выбары па Гарадзенскай-Занёманскай акрузе №49, каля 50 былі здзёртыя альбо істотна пашкоджаныя. Па маштабе “атакі” на плакаты можна меркаваць пра іх наўмыснае знішчэнне.

11.09.2012 Лябедзька да ўладаў: “Фальсіфікацыі – гэта ваша палітычная слабасць”

У эфіры “Беларусь-2” адбыліся тэледэбаты кандыдатаў Старавіленскай выбарчай акругі №105. У іх удзельнічалі Анатоль Лябедзька (АГП), Яўген Рыбакоў (БНФ), Максім Солнцаў (ЛДП) і Уладзімір Самасейка (дэпутат Палаты прадстаўнікоў). Асноўная спрэчка абдылася паміж Лябедзькам і Самасейкам і датычылася яна фальсіфікацыі і цэнзуры на выбарах.

11.09.2012 "Аршанская газета" убачыла крымінал у словах "гэтая ўлада несправядлівая"

У рэдакцыі "Аршанскай газеты" адмовіліся прымаць тэкст перадвыбарчай праграмы ў кандыдата ў дэпутаты па Аршанскай-Дняпроўскай акрузе № 27 Мікалая Дзямідава - з-за фразы "Гэтая ўлада несправядлівая. Яе трэба мяняць", якая змяшчаецца ў тэксце праграмы.

11.09.2012 У Оршы спалілі аўтамабіль кандыдата ў дэпутаты ад АГП

Цікава тое, што гэта здарылася праз усяго некалькі гадзін пасля паказу запісу на абласным тэлебачанні дэбатаў, дзе ад імя Аляксея Ціханенкава выступаў яго давераная асоба Павел Левінаў.

11.09.2012 У Магілёве звольнены з працы актывіст БСДП (Г) Мікалай Залозны

Як паведамляў ранней Мікалай Залозны, на працы на яго аказваўся ціск за ўдзел у ініцыятыўнай групе кандыдата ў дэпутаты ад Беларускай сацыял-дэмакратычнай партыі (Грамады) і актывіста кампаніі “Гавары праўду” Леаніда Падбярэцкага.

11.09.2012 Віцебская друкарня сабатуе замовы незалежных кандыдатаў

Пяты дзень не могуць атрымаць замоўленыя ўлёткі віцебскія кандыдаты Алена Фаміна і Аляксей Гаўруцікаў. У іх склалася меркаванне, што друкарня марудзіць з выдачай накладу невыпадкова: на 11 верасня запланаваны тры сустрэчы з выбарцамі, падчас якіх і планавалася раздаваць дагэтуль не вырабленыя ўлёткі.

11.09.2012 Ярмошына: “Кандыдаты не выкарыстоўваюць магчымасці для агітацыі, прадастаўленыя дзяржавай”

Старшыня Цэнтрвыбаркама падчас прэс-канферэнцыі адзначыла, што толькі адна пятая ад усіх кандыдатаў у дэпутаты актыўна ўдзельнічае ў перадвыбарчай кампаніі. Пры гэтым многія кандыдаты яшчэ не пачалі друкаваць плакаты і ўлёткі, а ў Гродзенскай вобласці не знайшлося ніводнай акругі, дзе хоць бы два кандыдаты пагадзіліся на тэледэбаты.

11.09.2012 У Сяргея Каваленкі ў калоніі знікла частка рэчаў

Палітзняволены сябра Кансерватыўна-хрысціянскай партыі-БНФ Сяргей Каваленка збіраецца падаць скаргу ў сувязі са знікненнем часткі сваіх рэчаў. Рэчы прапалі, калі ён знаходзіўся ў штрафным ізалятары, а потым у медычнай частцы калоніі №19 у Магілёве, у якой ён адбывае пакаранне.

11.09.2012 Смаргонскі суд сёння разгледзіць скаргу кандыдата Мікалая Уласевіча

Смаргонскі раённы суд 11 верасня павінен разгледзець скаргу кандыдата ў дэпутаты па Смаргонскай выбарчай акрузе №59 Мікалая Уласевіча, датычную таго, што яго выступы былі знятыя з тэле- і радыёэфіра.

11.09.2012 Івацэвічы: кандыдату прапанавалі прадставіць подліннікі дакументаў, пацвярджаючых недахопы ўлады

Калі Лазарэнкаў звярнуўся да галоўнага рэдактара Аляксандра Іванова з пытаннем “чаму”, ён адказаў, што Лазарэнкаў, гаворачы пра недахопы ўлады, не прадставіў дакументаў – подліннікаў, якія падцвярждалі б гэтыя недахопы. Таму катэгарычна заявіў кандыдату, што не будзе наогул друкаваць яго праграмы.

11.09.2012 Рыгора Кастусёва не пускалі сустрэцца з выбаршчыкамі

Сёння ў 7-30 раніцы намеснік старшыні КДК краіны Аляксандр Агееў праводзіў сустрэчу з выбаршчыкамі на бялыніцкім прадпрыемстве – цэху па вытворчасці сыроў ААТ “Бабулін гладыш”. Альтэрнатыўнага кандыдата Рыгора Кастусёва, які выпадкова даведаўся пра сустрэчу, спрабавалі не дапусціць на прадпрыемства.

11.09.2012 Газета не надрукавала біяграфію апазіцыйнага кандыдата

Магілёўская гарадская газета “Веснік Магілёва” не надрукавала разам з перадвыбарчай праграмай біяграфію кандыдата ў дэпутаты Палаты прадстаўнікоў па Шклоўскай выбарчай акрузе № 90, сябра Беларускай партыі левых “Справядлівы свет” Зінаіды Мілешчанкі.

11.09.2012 Вяскоўцаў агітуюць прыйсці на выбары на адмысловых канцэртах

Жыхароў Кармянскага раёна заклікаюць прыйсці на выбары на адмысловых канцэртах. «Фальклорны калектыў Цэнтра адпачынку і культуры «Дабрыца» выехаў у складзе аўтаклуба ў вёску Бераставец. Гэта мерапрыемства прысвечана кампаніі па выбарам дэпутатаў у Палату прадстаўнікоў. Назва канцэрта – Песні маёй краіны».

11.09.2012 Што думаюць гарадзенцы пра сёлетнюю выбарчую кампанію (відэа)

Гарадзенскія назіральнікі "Праваабаронцы за свабодныя выбары" правялі апытанне мясцовых кандыдатаў ад апазіцыйных партый на тэму сёлетняй выбарчай кампаніі, ці адрозніваецца яна ад папярэдніх, наколькі важным яны лічаць удзел у ёй і ці спадзяюцца на перамогу.