Праваабарончы цэнтр «ВЯСНА»

Навіны за Верасень 2012

13.09.2012 Маладэчна: Агітацыйныя матэрыялы шаблонныя і малазаўважныя

На фоне астатніх выдзяляюцца толькі плакаты прадстаўніка КПБ Сяргея Малішэўскага – яркі каляровы партрэт кандыдата на фоне помніка Перамогі. Але ягоная ўлётка – стандартны набор агульных фразаў і абяцанняў. Таксама цікава, што нідзе не напісана, прадстаўніком якой партыі з’яўляецца кандыдат.

13.09.2012 Ліда: ТБМ уручыў кандыдатам праект Закона “Аб дзяржаўнай падтрымцы беларускай мовы”

Старшыня Лідскай гарадской арганізацыі ГА ТБМ імя Ф. Скарыны Станіслаў Суднік перадаў наказ ад Лідскай арганізацыі ТБМ, каб той кандыдат, які пераможа на выбарах, вынес гэты праект Закона на разгляд Палаты прадстаўнікоў.

13.09.2012 Пра сустрэчы з кандыдатамі раёнкі Гомельскай вобласці пішуць двума сказамі

Напэўна, карэспандэнтаў раённых газет Гомельскай вобласці вучылі пісаць пра выбары ў парламент, кіруючыся выразам «Лаканічнасць – сястра таленту». Газета «Лоеўскі край» здолела распавесці выбарцам пра сустрэчу з кандыдатам у Палату прадстаўнікоў у двух сказах.

13.09.2012 Надпіс на футболцы кандыдата Няпомняшчых на плакатах адцэнзуравалі (фота)

Здымаўся ў гэтай футболцы ён і для плакатаў, якія затым размясціла на інфармацыйных стэндах акруговая камісія. Але надпіс «За Беларусь без Лукашэнкі» быў хітра адцэнзураваны: словы «без Лукашэнкі» зніклі пад надпісам «Кандыдаты ў дэпутаты», застаўся толькі надпіс «За Беларусь».

13.09.2012 Першы агітацыйны пікет прайшоў у Гомелі (фота)

Адзінаццаць дзён засталося да выбараў у парламент, а ў Гомелі толькі 12 верасня прайшоў першы агітацыйны пікет. Яго правялі давераныя асобы незалежнага кандыдата Галіны Краўчанка, якая балатуецца па Гомельскай-Прамысловай акрузе №35.

13.09.2012 Полацк: старшыня акруговай камісіі выступіў “сакратаром” кандыдата

Падчас сустрэчы Наталлі Гуйвік з выбаршчыкамі ў СШ № 16 Лёдзій Аляксандравіч не толькі прадставіў прысутным кандыдата, але і па яе просьбе запісваў дадзеныя тых з прысутных, якія звярталіся да кандыдата з канкрэтнымі праблемамі.

13.09.2012 Справа Бяляцкага. XXXVІ. «Вясна»

Кожны дзень у жніўні і верасьні на сайце «Свабоды» новы разьдзел кнігі Валера Каліноўскага «Справа Бяляцкага».

12.09.2012 Бабруйчане нарэшце даведаліся пра адукацыю і прыбыткі кандыдатаў

Самым заможным кандыдатам апынуўся сябра ЛДП, індывідуальны прадпрымальнік Уладзімір Яўсеенкаў, які скончыў механіка-тэхналагічны тэхнікум, - ён балатуецца па Ленінскай акрузе № 78. Яго гадавы прыбытак склаў 264 345 830 рублёў. Другая ў "рэйтынгу" - дзеючая дэпутатка ПП НС Алена Шамаль.

12.09.2012 Клімавічы: першы агітацыйны пікет забаранілі

Падчас пікету да каманды Валерыя Каранкевіча падыйшла начальнік ідэалагічнага аддзела Клімавіцкага райвыканкама Марыя Андрэеўна Пракопчык, якая пацікавілася, чаму ў пікеце выкарыстоўваюцца сцягі кампаніі “Гавары праўду”, калі кандыдат ад Партыі БНФ.

12.09.2012 Ад імя кандыдата ў Адміністрацыю прэзідэнта дасланы “падстаўны” ліст

“Я вельмі здзівілася і адразу ж патэлефанавала ў Адміністрацыю прэзідэнта па нумары, які быў указаны ў гэтым лісце, - распавядае Зінаіда Уладзіміраўна. – Чыноўнік, які падняў трубку, паведаміў мне, што сапраўды ад майго імя прыйшла скарга на тое, што ў Круглянскім раёне раскрадаюць мясцовае РайСТА".

12.09.2012 Ярмошына заявіла, што прагаласавала б за кандыдата Дзевятоўскага

Заяву старшыні ЦВК можна разглядаць як схаваную агітацыю. Паводле заканадаўства сябры выбарчых камісіяў мусяць быць бесстароннімі да ўсіх кандыдатаў.

12.09.2012 Полацк: фота не тое

Аляксей Міхальчанка падаў у акруговую Камісіі скаргу: абразанне прадастаўленага ў камісію фота да строгага партрэтнага фармату ён палічыў парушэннем яго правоў як кандыдата.

12.09.2012 Андрэю Моўчану далі штраф

Сёння адміністрацыйная камісія Першамайскага раёна разглядала справу актывіста "Еўрапейскай Беларусі". Па выніках яму быў прысуджаны штраф у памеры 5 базавых велічыняў. Старшыня камісіі - А.Л.Ванкевіч.

12.09.2012 У Магілёве вулічнай агітацыяй займаюцца толькі актывісты “Гавары праўду”

"Гэта тая форма агітацыі, якая дзейнічае”, - кажа актывістка кампаніі Аксана Закрэўская. Каманды іншых кандыдатаў у дэпутаты, як праўладных, так і апазіцыйных, устрымліваюцца ад пікетаў, акцый і раздачы ўлётак на вуліцах горада.

12.09.2012 Суд патрабуе ад Мікалая Петрушэнкі маральнай кампенсацыі

У Талачынскім судзе завяршыўся разгляд зыску старшыні Талачынскага таварыства паляўнічых і рыбаловаў Юрыя Лычкоўскага да газеты "Віцебскі кур'ер" і Мікалая Петрушэнкі.