Праваабарончы цэнтр «ВЯСНА»

Навіны за Верасень 2012

14.09.2012 Калінкавіцкая газета не змясціла на сайце праграмы кандыдатаў

На інтэрнет-сайце дзяржаўнай газеты “Калінкавіцкія навіны” праграмы кандыдатаў у дэпутаты Палаты прадстаўнікоў не змешчаны. І ўвогуле там няма ўласнага раздзела, прысвечанага выбарам.

14.09.2012 У Магілёве кандыдат у дэпутаты атрымаў афіцыйнае папярэджанне

Сёння, 14 верасня, кандыдат у дэпутаты ад Беларускай сацыял-дэмакратычнай партыі (Грамады) і кампаніі “Гавары праўду” Леанід Падбярэцкі атрымаў афіцыйнае папярэджанне ад Магілёўскай-Ленінскай акруговай выбарчай камісіі №84 за выстаўленне пікета ў нявызначаным мясцовымі ўладамі месцы.

14.09.2012 Барысаў: Назіральнікі рыхтуюць татальны кантроль за яўкай выбаршчыкаў

Дваццаць незалежных назіральнікаў плануецца выставіць на пяці участках Барысаўскай гарадской выбарчай акругі № 62 і адным участку Барысаўскай сельскай выбарчай акругі № 63.

14.09.2012 Бабруйск: за пікетам Мацвея Хатары сочаць міліцыя і КДБ (фота)

14 верасня у Бабруйску на стадыёне па вуліцы Урыцкага праходзіць пікет кандыдата ў дэпутаты ад АГП па Ленінскай акрузе Мацвея Хатары. Ужо пасля першай гадзіны правядзення мерапрыемства ў кандыдата і яго каманды ўзніклі непаразуменні з мясцовымі ўладамі.

14.09.2012 Барысаў: Выканкамаўская газета не пакідае ў спакоі знятага кандыдата

Сайт газеты Барысаўскага райвыканкаму «Адзiнства» размясціў артыкул «Непрозрачная «прозрачность» или Все тайное становится явным», у якім абвінавачвае пазбаўленага кандыдацтва рэдактара незалежнай газеты «Барысаўскія навіны» Анатоля Букаса ў спробе наўмысна схаваць рэальныя даходы.

14.09.2012 У эфір беларускага тэлебачання і радыё не прайшлі 33 выступы кандыдатаў ад АГП

33 з 68 магчымых тэле-і радыёвыступаў спікераў Аб'яднанай грамадзянскай партыі былі забароненыя да трансляцыі на беларускім тэлебачанні і радыё, паведаміла прэс-сакратар АГП Ганна Красуліна.

14.09.2012 Баранавічы: на сустрэчы з кандыдатамі прыходзяць 2-5 чалавек

Адзін з супрацоўнікаў ЖЭСа паведаміў, што аб’явы аб сустрэчы з кандыдатам разносілі па кватэрах і іх расклеівалі ў пад’ездах. Аднак на сустрэчу прыйшло ўсяго 5 чалавек, трое з якіх былі супрацоўнікі ЖЭСа.

14.09.2012 Адміністрацыя "Віцьбы" спрабавала разагнаць пікет кандыдата Мікуліна

Месца насупраць прахадной віцебскага кандытарскага камбіната "Віцьба" вызначана для пікетавання згодна з рашэннем мясцовых уладаў. Але кіраўніцтва прадпрыемства вырашыла, што агітацыйны пікет тут непажаданы.

14.09.2012 Назіральнікаў на трэнінгі для ўчастковых камісій не запрасілі

У інтэрв’ю Салігорскаму тэлеканалу старшыня Салігорскай сельскай выбарчай камісіі Таццяна Ярота раскрыла асноўную таямніцу неабходнасці правядзення трэнінгаў. Аказваецца, падчас працы ўчастковых камісій “некаторыя назіральнікі могуць павесці сябе непрадказальна”, і камісіям бывае “цяжка прыняць правільнае рашэнне”.

14.09.2012 У Быхаве -- першая сустрэча кандыдата ад Партыі БНФ з выбаршчыкамі

Сёння, 14 верасня, у 8-45 раніцы адбылася сустрэча кандыдата ў дэпутаты Палаты прадстаўнікоў ад Партыі БНФ па Быхаўскай выбарчай акрузе № 81 Сяргея Антонава з працоўным калектывам Быхаўскай раённай бальніцы.

14.09.2012 Кандыдату Алесю Стральцову вынеслі папярэджанне

Кандыдату ў дэпутаты ад Партыі БНФ па Гарадзенскай сельскай выбарчай акрузе №52 Алесю Стральцову акруговая выбарчая камісія вынесла папярэджанне. Падставай для гэтага стала тое, што Стральцоў нібыта выпусціў агітацыйны плакат без выходных дадзеных.

14.09.2012 Хоцімск: Кандыдата выклікаюць у райвыканкам

13 верасня кандыдат у дэпутаты Палаты прадстаўнікоў з Хоцімска Валерый Каранкевіч атрымаў заказны ліст з мясцовага райвыканкама. У лісце за № 25 кандыдату прапаноўваецца з’явіцца ў Хоцімскі райвыканкам “для азнаямлення і падпісання пратакола аб адміністрацыйным правапарушэнні”.

14.09.2012 Жодзіна: кандыдат апынуўся перад зачыненымі дзвярыма

13 верасня сустрэча кандыдата ад КПБ Сяргея Васілеўскага ў ДК "Равеснік" у Жодзіне не адбылася - на яе прыйшоў толькі адзін выбаршчык, а ў афіцыйна выдзеленым памяшканні пад шырмай “рамонту" аказаліся банкетныя сталы пад белымі вясельнымі абрусамі.

14.09.2012 Брэст: дзяржаўнае тэлебачанне не хоча адказваць за ўвядзенне цэнзуры

Кандыдат у дэпутаты па Брэсцкай-Усходняй акрузе №3 Дыяна Касцюковіч, якая вылучана Аб’яднанай грамадзянскай партыяй, так і не атрымала пісьмовага адказу ад кіраўніцтва тэлерадыёкампаніі “Брэст” наконт забароны ўжываць падчас тэлевізійнага звароту да выбаршчыкаў словы “байкот”, “пікет” і “Лукашэнка”.

14.09.2012 Рэчыца: сустрэча з выбаршчыкамі – у працоўны час

13 верасня ў Рэчыцкім раёне кандыдат у дэпутаты Адам Вашкоў праводзіў сустрэчу з выбаршчыкамі ў працоўным калектыве лясгаса. Адміністрацыя запатрабавала ад работнікаў прыйсці перад пачаткам працоўнага дня. А працягвалася сустрэча ўжо ў працоўны час.