Праваабарончы цэнтр «ВЯСНА»

Навіны за Верасень 2012

16.09.2012 Знікненне Ганчара і Красоўскага: 13 гадоў безвыніковага «расследавання»

16 верасня спаўняецца 13 гадоў з часу знікнення апазіцыйнага палітыка Віктара Ганчара і бізнесоўца Анатоля Красоўскага.

16.09.2012 Гомельскія выбаршчыкі не могуць знайсці кандыдата ў дэпутаты

На сустрэчы прысутнічалі чатыры чалавекі: незалежны журналіст, дзве давераныя асобы кандыдата і сын даверанай асобы, адказны на паказ слайдаў пра кандыдата. На пытанне: А дзе ж кандыдат?, быў атрыманы адказ, што "ён перанапружаны зараз".

16.09.2012 Участковыя камісіі Оршы перанеслі выбары на 27 верасня і запрашаюць нябожчыкаў да галасавання (фота)

З чатырох чалавек, чые прозвішчы значацца ў гэтым запрашэнні і ўнесены ў спіс выбаршчыкаў, двое ўжо даўно не жывуць і не зарэгістраваныя па дадзенмы адрасе, яшчэ адзін ужо некалькі гадоў мае іншае прозвішча. Усіх іх запрашаюць прыйсьці на выбары ... 27 верасня 2012 г. (!?)

16.09.2012 Больш за 15 друкарняў адмовілі кандыдатам ад Партыі БНФ у друку агітацыйных улётак

Каля 15 прыватных і некалькі дзяржаўных друкарняў адмовіліся друкаваць улёткі кандыдатаў у дэпутаты ад Партыі БНФ. Толькі некалькі кандыдатаў здолелі на месцах дамовіцца на лічбавы друк, які значна даражэйшы за афсэт.

16.09.2012 У Оршы камісія назіральніку парэкамендавала зайсці пасля заканчэння выбараў

На думку самога Леўчанкава, асцярогі, што нібыта яго прысутнасць перашкодзіць працы камісіі ў момант перадачы бюлетэняў, абсалютна надуманыя. Камісія будзе працаваць у зале пасяджэнняў райвыканкама. Гэта памяшканне плошчай каля 70 квадратных метраў.

16.09.2012 Партыя БНФ зняла сваіх кандыдатаў з выбараў, спікеры ОГП пачнуць здымацца з 17 верасня

31 кандыдат ад Партыі БНФ былі зняты з выбараў. 15 верасня таксама адбыўся з’езд Аб’яднанай грамадзянскай партыі, на якім таксама было прынята рашэнне аб зняцці з выбараў 38 кандыдатаў.

16.09.2012 Пікет: “Палітвязні ёсць – выбараў няма” (фота)

Апазіцыйныя кандыдаты падчас пікету стаялі з партрэтамі палітвязняў. Анатоль Лябедзька і Вольга Кавалькова яшчэ раз нагадалі выбаршчыкам, што пакуль апаненты рэжыму знаходзяцца за кратамі, яны не збіраюцца ўдзельнічаць у выбарах.

16.09.2012 Орша: арганізатары тэледэбатаў не змаглі разабрацца з нарэзкай акругаў

Шматлікія тэлегледачы былі здзіўлены, калі ўбачылі, што перад паказам запісу дэбатаў па Аршанскай гарадской акрузе № 26 у эфіры паўстала карцінка з фатаграфіяй не 26-ай, а суседняй Аршанскай Дняпроўскай акругі № 27.

16.09.2012 Маладэчна: Прадпрыемствы на выбарах робяць рэкламу (фота)

Гэта дзіўнае спалучэнне і спосаб распаўсюду выклікае законныя пытанні: на чые сродкі ажыццяўляецца рэклама? Калі паштоўкі былі вырабленыя за кошт рэкламуемага ААТ “Райаграсэрвіс”, тады чаму пра іх распаўсюд клапоцяцца ідэаолагі?

16.09.2012 “Светлы шлях”: за тыдзень да выбараў пра гэта - ні слова

Адзінае смаргонскае масавае выданне, афіцыйны “Светлы шлях” упарта ігнаруе выбарчую тэматыку. І нават у апошнім нумары, калі да выбараў дэпутатаў парламента застаўся ўсяго тыдзень, пра гэта нават не ўзгадалі.

14.09.2012 Радзіна: Шмат якія незалежныя медыі ў Беларусі маюць куратараў з КДБ

Гэта адна з прычынаў для сайту “Хартыі-97” працаваць за межамі Беларусі, распавяла яго рэдактарка ў “Гарачым каментары”.

14.09.2012 Ваенная газета цкуе выбаршчыкаў супраць апазіцыі

Аўтар матэрыяла “Выбары скрозь прызму апазіцыі” крытыкуе назіральнікаў ад АБСЕ, заклікі апазіцыі да байкота, а таксама пераконвае, што беларускі народ не прагаласуе за апанентаў рэжыма. Аўтар Уладзімір Кажэўнікаў стаў вядомы, дзякуючы матэрыялам, якія ў негатыўным святле прадстаўляюць беларускую апазіцыю.

14.09.2012 Уяўленні беларусаў пра праваабарону і праваабарончую дзейнасць: вынікі сацыялагічнага даследавання

У адпаведнасці з тэхнічным заданнем, мэтай даследавання было вызначэнне уяўленняў, што існуюць у беларускім грамадстве, пра ўзаемаадносіны чалавека і дзяржавы, пра правы чалавека і праваабарончую дзейнасць.

14.09.2012 Алесь Бяляцкі працягвае дамагацца сустрэчы з ксяндзом

Бабруйскі грамадскі актывіст Сяржук Лацінскі атрымаў ліст ад Алеся Бяляцкага, у якім зняволены праваабаронца піша, што дасюль не можа дамагчыся сустрэчы з каталіцкім ксяндзом.

14.09.2012 Алеся Бяляцкага запрашаюць прыняць удзел у выбарах

Зьняволенага старшыню Праваабарончага цэнтру “Вясна” Алеся Бяляцкага запрашаюць прыняць удзел у галасаваньні на выбарах дэпутатаў у Палату Прадстаўнікоў Нацыянальнага сходу Рэспублікі Беларусь.