Праваабарончы цэнтр «ВЯСНА»

Навіны за Верасень 2012

17.09.2012 Барысаў: «Нам не да выбараў! Аўтамабілі трэба неяк абараняць!»

У Барысаве ў нядзелю адбыўся «несанкцыянаваны» сход, на якім прысутнічала каля паўсотні аўтааматараў, якія пражываюць у адным мікрараёне. Прагучала прапанова неадкладна да выбараў звярнуцца ў Адміністрацыю прэзідэнта з патрабаваннем аб садзейнічанні ў вырашэнні праблемы.

17.09.2012 На Салігоршчыне заклікаюць да байкоту выбараў (фота)

У Салігорскім рэгіёне найбольш актыўную агітацыйную кампанію па ранейшаму праводзяць прыхільнікі байкоту. На мінулых выходных заклікі не ўдзельнічаць у галасаванні з’явіліся ў другім па велічыні населенным пункце Салігорскага раёна гарадскім пасёлку Старобін.

17.09.2012 Пасля зняцця апазіцыйных кандыдатаў у Гомелі будзе адна безальтэрнатыўная акруга

Пасля адмовы балатавацца кандыдата ад партыі БНФ Васіля Раманава выбарцы Гомельскай-Сяльмашаўскай акругі №32 маюць аднаго кандыдата – генеральнага дырэктара вытворчага аб'яднання «Гомсельмаш» Валерыя Жмайліка. Між тым, гэта пакуль адзіная безальтэрнатыўная акруга ў горадзе і вобласці.

17.09.2012 Бяроза: Дзяржвыданне выступіла супраць байкатоўшчыкаў

Літвіновіч спасылаецца на Амерыку, дзе ні Абама, ні Ромні не заклікаюць да байкоту, а ў такіх краінах як Бразілія, Аргентына, Пакістан, Турцыя ды і ў еўрапейскіх Бельгіі, Італіі, Германіі, Аўстрыі і інш. за няяўку на выбары прадугледжваецца альбо штраф ад 50 да 125 еўра, альбо турэмнае зняволенне.

17.09.2012 Крычаў: першы агітацыйны пікет (фота)

“Неабходна адзначыць, што крычаўскія ўлады выдзелілі для правядзення пікетавання, таксама як і хоцімскія, месца, дзе людзі практычна не ходзяць, - распавядае Валерый Каранкевіч. – За ўвесь дзень да нас падыйшло толькі дванаццаць дарослых людзей. Я гэта асабіста падлічыў. Затое ўвага з боку праваахоўных органаў была падвышаная".

17.09.2012 Разбіральніцтвам у падаткавай інспекцыі завершылася прэзентацыя "Arche" ў Гародні

У Гародні 15 верасьня падчас прэзэнтацыі кнігі «Саветызацыя Заходняй Беларусі» быў затрыманы галоўны рэдактар часопіса «Arche» Валеры Булгакаў.

16.09.2012 Прасачы за сваім голасам (відэа)

Ролік - назіраем разам, паведамляем аб парушэньнях.

16.09.2012 Лідары апазіцыі пра дэбаты (відэа)

Кандыдаты ў дэпутаты ад апазіцыйных партыяў і іх давераныя асобы дзеляцца сваімі ўражаннямі ад удзелу ў тэледэбатах. Запіс зроблены каля будынку тэлерадыёкампаніі "Віцебск".

16.09.2012 Партыя БНФ здымае сваіх кандыдатаў (відэа)

15 верасня 2012 году 2-я сэсія пазачарговага XV-га З'езду Партыі БНФ большасцю галасоў прыняла рэзалюцыю, у якой ..."скасоўвае сваё рашэньне аб вылучэньні кандыдатаў у дэпутаты Палаты прадстаўнікоў" і "заклікае выбаршчыкаў устрымацца ад удзелу ў галасаваньні на падставе адсутнасьці гарантыяў справядлівага падліку галасоў."

16.09.2012 Слонімцаў заклікалі не хадзіць на выбары

Падчас першай акцыі сябры згуртавання распаўсюджвалі ўлёткі “Тэсты для выбаршчыкаў”. Другую акцыю слонімцы правялі ў мікрараёне Энка, дзе яны распаўсюджвалі ўлёткі з заклікам не хадзіць на выбары.

16.09.2012 Брэст: Кандыдат АГП перад зняццем правяла пікет за байкот

Па словах прадстаўніцы АГП, грамадзяне па рознаму ставіліся да закліку не браць удзел у галасаванніі, але большасць з іх з разуменнем ставіліся да пазіцыі, выпрацаванай апазіцыйнай партыяй.

16.09.2012 Мінск: пікет “Гавары праўду!” ў падтрымку палітвязняў (фотарэпартаж)

Каля гандлёвага цэнтра “Карона” ў Мінску 16 верасня прайшоў пікет кампаніі “Гавары праўду!” ў падтрымку палітвязняў Беларусі. Пікет праводзіла кандыдат у дэпутаты па Кальварыйскай акрузе № 104 Таццяна Караткевіч.

16.09.2012 Брэст: кандыдат засведчыў, што вызначаныя месцы не прыдатныя да агітацыі (фота)

Ігар Маслоўскі вырашаў на ўласны досвед пераканацца, што месцы, якія гарвыканкам вызначыў для правядзення сустрэч з выбаршчыкамі, не могуць быць выкарыстаны падчас агітацыйнай кампаніі.

16.09.2012 Жлобін: кандыдату адмовілі ў правядзенні сустрэчы з выбаршчыкамі на БМЗ

Кандыдату ў дэпутаты па Жлобінскай выбарчай акрузе Валерыю Рыбчанка прыйшоў адказ з Беларускага металургічнага завода, дзе прадстаўнік “Справядлівага свету” спрабаваў правесці сустрэчу з выбаршчыкамі.

16.09.2012 У Магілёўскай вобласці застаецца толькі адзін кандыдат – сябар Партыі БНФ

Валерый Каранкевіч заявіў, што здымецца, як кандыдат, вылучаны на з’ездзе Партыі БНФ, але будзе ўдзельнічаць у выбарах да канца, як чалавек, які сабраў больш за тысячу подпісаў выбаршчыкаў у сваю падтрымку. Спадар Каранкевіч карыстаецца падтрымкай кампаніі “Гавары праўду”.