Праваабарончы цэнтр «ВЯСНА»

Навіны за Верасень 2012

18.09.2012 Праваабарончая праграма “Людзьмі звацца!” на Радыё Рацыя

"Асоба. Дзяржава. Грамадства": госць рубрыкі - сябра Рады Беларускай асацыяцыі журналістаў, кіраўнік групы маніторынгу СМІ падчас выбараў у Беларусі Алесь Анціпенка. “Праваабарончы каляндар”: Міжнародны дзень міру, які штогод адзначаецца 21 верасня пад эгідай ААН.

18.09.2012 У Віцебску запрашаюць галасаваць нябожчыкаў. Другія выбары запар

Жыхарка Віцебску Вольга Каваленка ўжо другія выбары сустракае ў стане маральнага стрэсу: яе памерлых сваякоў упарта ўключаюць у спісы для галасавання. Гэтым разам спадарыня не вытрымала і напісала скаргу ў акруговую камісію.

18.09.2012 Рыгор Кастусёў: “З ЦВК і акруговай камісіі мне даслалі адпіскі”

Рыгор Кастусёў 17 верасня атрымаў адказы на свае скаргі, які ён падаваў у ЦВК і акруговую камісію “на незаконнае выкарыстанне службовага становішча кандыдатам у дэпутаты Агеевым А. В.”. Як ліча Рыгор Кастусёў, з ЦВК і акруговай камісіі яму даслалі проста адпіскі.

18.09.2012 Магілёў: на сустрэчу з Леанідам Падбярэцкім ніхто з выбаршчыкаў не прышоў

Сам кандыдат у дэпутаты ад Беларускай сацыял-дэмакратычнай партыі (Грамады) і грамадзянскай кампаніі “Гавары праўду” Леанід Падбярэцкі лічыць, што людзі ні ў што болей не вераць - ні ў выбары, ні ў кандыдатаў, таму і выказваюць сваю пазіцыю нагамі.

18.09.2012 Аляксандр Солап мае намер прыцягнуць да адказнасці сябраў ЦВК і Слуцкай акруговай камісіі

Нагадаем, раней Вярхоўны суд не задаволіў скаргу Аляксандра Солапа. Па «маральна-этычным» прычынам ЦВК не зарэгістраваў яго кандыдатам па Слуцкай выбарчай акрузе № 67.

18.09.2012 Магілёў: кандыдату пагражае штраф за выкарыстанне гербу горада

Прычына скаргі палягае ў тым, Аксана Закрэўская ў сваіх перадвыбарчых агітацыйным матэрыялах выкарыстала герб горада. У выпадку, калі яна не выправіць агітацыйныя матэрыялы – ёй пагражае штраф у памеры 2 мільёнаў рублёў (20 базавых адзінак).

18.09.2012 Салігорск: ідэолагі арганізуюць датэрміновае галасаванне

Напрыканцы мінулага тыдня Аддзел ідэалагічнай працы Салігорскага райвыканкаму распачаў працу па арганізацыі прымусовага датэрміновага галасавання. Ажыццяўляць ціск на жыхароў рэгіёна ідэолагі пачалі праз адміністрацыі мясцовых прадпрыемстваў.

18.09.2012 Магілёў: старшыня акруговай выбарчай камісіі №84 стаў намеснікам кіраўніка горада

Мікалай Міхаленя апошнім часам працаваў ідэолагам на заводзе “Зеніт”. Падчас бягучай выбарчай кампаніі былі зафіксаваны выпадкі таго, што ён аддаваў негалосныя загады адміністрацыям падначаленых яму інтэрнатаў не пускаць у іх зборшчыкаў подпісаў за апазіцыйных кандыдатаў.

18.09.2012 Кандыдат прапануе жыхарам Наваполацку падтрымаць палітвязняў

На пікеце Яраслава Берніковіча два стэнды. Адзін – з партрэтам кандыдата і палажэннямі Грамадзянскай дамовы, у межах якога працуюць удзельнікі кампаніі "Гавары праўду". Другі – з партрэтамі палітвязняў і адрасамі ўстановаў, дзе яны адбываюць тэрмін зняволення.

18.09.2012 “Брашуру, прысвечаную Бяляцкаму, яму ў рукі не далі. Паказалі здалёк”

Пра ліставанне са зняволеным праваабаронцам і яго шансы на прэмію Сахарава распавядае яго паплечніца па Міжнароднай федэрацыі правоў чалавека Саша Кулаева.

17.09.2012 Праваабаронцы заклікаюць - заяві пра прымус да датэрміновага галасавання!

18 верасня ў Беларусі пачынаецца датэрміновае галасаванне па выбарах дэпутатаў Палаты прадстаўнікоў Нацыянальнага сходу Рэспублікі Беларусь пятага склікання. Прадстаўнікі кампаніі "Праваабаронцы за свабодныя выбары" звяртаюцца да выбаршчыкаў з просьбай паведамляць пра прымус да ўдзелу ў датэрміновым галасаванні на адрас кампаніі ў інтэрнэце elections2012@spring96.org

17.09.2012 Тыднёвая справаздача па выніках назірання: 10-16 верасня

З-за зняцця вылучэнцаў АГП і Партыі БНФ колькасць безальтэрнатыўных акругаў дасягнула 15. Працягвалася цэнзура тэлевізійных і радыёвыступаў апазіцыйных кандыдатаў, іх праграм, што прадстаўляліся для публікацыі ў дзяржаўных выданнях.

17.09.2012 Віцебск: Аляксандр Мікулін патрабуе зняць з выбараў канкурэнта Мікалая Волкава

"Мікалай Волкаў – дзеючы дэпутат Віцебскага абласнога Савета. Але стараецца не згадваць пра гэта, балатуючыся ў парламент. Лічу, што ён свядома ўводзіць людзей у зман", -- кажа актывіст кампаніі "Гавары праўду" Аляксандр Мікулін. З гэтай нагоды ён і напісаў скаргу ў ЦВК.

17.09.2012 Брэсцкая вобласць: віншаваць з дэпутатствам ужо сёння можна чатырох кандыдатаў

Пасля зняцця апазіцыйных кандыдатаў на Берасцейшчыне безальтэрнатыўнымі засталіся чатыры акругі: Баранавіцкая Заходняя №5, Баранавіцкая сельская акруга №7, Пружанская № 9, Пінская гарадская акруга №14.

17.09.2012 ЦВК: Назіранне за перадачай пратаколаў “не прадугледжана”

Пасля запыту ў ЦВК Алесь Капуцкі даведаўся, што прасачыць за працэсам паступлення ў акруговую камісію пратаколаў участковых камісій аб выніках галасавання ён так і не зможа. ЦВК адказала: “такія правы не прадугледжаны”, а назіральнік “можа толькі прысутнічаць на пасяджэнні акруговай камісіі пры ўстанаўленні вынікаў выбараў па выбарчай акрузе”.