Праваабарончы цэнтр «ВЯСНА»

Навіны за Верасень 2012

19.09.2012 Назіральнікам АБСЭ адмовілі ў беларускіх візах

Пра гэта сёньня заявіў каардынатар місіі кароткатэрміновых назіральнікаў ад Парлямэнцкай асамблеі АБСЭ Матэа Мэкачы.

19.09.2012 “Назіральнік павінен сядзець на адведзеным месцы…”

Такой была рэакцыя намесніка старшыні мазырскай ўчастковай выбарчай камісіі №18 Івана Навіцкага на спробу незалежнага назіральніка Уладзіміра Целяпуна агледзець стан скрыні для галасавання.

19.09.2012 Магілёў: на выбарчыя ўчасткі не пускаюць назіральнікаў ад БНФ “Адраджэньне”

19 верасня стала вядома пра нядопуск як мінімум чатырох незалежных назіральнікаў на выбарчыя ўчасткі на тэрыторыі Магілёўскай-Прамысловай выбарчай акругі №87. Праваабаронца Барыс Бухель адзначае, што падставы для нядопуску назіральнікаў ад БНФ на выбарчыя ўчасткі надуманыя.

19.09.2012 Салігорск: засталіся толькі праўладныя кандыдаты

Пасля зняцця кандыдатаў ад АГП у выбарах па салігорскіх выбарчых акругах працягваюць свой удзел толькі прадстаўнікі ўладаў Яўген Абаленскі і Таіса Данілевіч, а таксама іх “спарынг-пратнёры” Ігар Дзялендзік і Уладзімір Сушчыц.

19.09.2012 Сёньня - суды над актывістамі «Zмены» (дадаецца)

Паўла Вінаградава судзілі адразу па 2 артыкулах: 17.1 КаАП (брыдкаслоўле з прымяненнем мегафону) і 23.34 (удзел у несанкцыянаваным масавым мерапрыемстве). Прысуды - 5 і 7 сутак адпаведна. Усяго - 12 сутак.

19.09.2012 Горкі: ЦВК пакінула ў сіле папярэджанне кандыдату

– Яму вынеслі папярэджанне за тое, што ў яго агітацыйных матэрыялах адсутнічаў нумар ліцэнзіі прадпрыемства, дзе яны друкаваліся. Да зместу агітацыйнай прадукцыі Андрэя Юркова ў акруговай камісіі ніякіх прэтэнзій не было

19.09.2012 Хоцімск: Лічбы па датэрмінова прагаласаваўшых не сыходзяцца

"Я быў вельмі здзіўлены, калі ў выніковым пратаколе аказалася, што на гэтым выбарчым участку за 18 верасня прагаласавала 57 выбаршчыкаў. Згодна маім падлікам, выбарчы ўчастак № 55 18 верасня наведалі 27 чалавек".

19.09.2012 Затрыманага віцебскага назіральніка будуць судзіць за пікет

Яўгена Гуцалава затрымалі 18 верасня каля 14 гадзін на ўчастку №71 Віцебскай- Кастрычніцкай акругі. Яго вінавацяць у правядзенні несанкцыянаванага пікету, але якога менавіта – сваякам і аднадумцам актывіста ў міліцыі не паведамілі.

19.09.2012 Пінск – без альтэрнатыўнага кандыдата

Тэлеканал “Пінск” абвесціў пра зняццё Аляксандра Рамановіча з перадвыбарчай гонкі, аднак не распавёў пра партыйную прыналежнасць і падставы для зняцця кандыдата. Такім чынам, дзеючая дэпутатка Палаты прадстаўнікоў Зінаіда Мандроўская засталася без канкурэнта.

19.09.2012 За першы дзень датэрміновага галасавання прагаласавала 3% выбаршчыкаў

Як паведаміў сакратар Цэнтрвыбаркама Мікалай Лазавік, у Брэсцкай вобласці прагаласавала 2,5% выбаршчыкаў, Віцебскай і Гомельскай - па 3,3%, Гродзенскай - 2,4%, Мінскай - 2,6%, Магілёўскай - 3,4%, Мінску - 3,2%.

19.09.2012 Слуцк: кандыдат просіць узбудзіць крымінальную справу ў дачыненні да выбаршчыка

Кандыдат па Слуцкай выбарчай акрузе № 67 Аляксандр Шыловіч лічыць, што паклёп і абразы ў яго адрас гучалі на двух сустрэчах з выбаршчыкамі. Аўтар абразлівых рэплік - яго былы начальнік Уладзімір Пратасеня.

19.09.2012 Полацк: Міхальчанка праяўляе звышпільнасьць ў пытаннях адукацыі

Міхальчанка накіраваў у Цэнтральную выбарчую камісію электронны зварот, у якім паказвае, што ў дадзеных, прадстаўленых кандыдатам у дэпутаты Наталляй Гуйвік, недакладна ўказана назва вышэйшай навучальнай установы, якую тая скончыла («Усесаюзны юрыдычны інстытут» замест «Усесаюзны юрыдычны завочны інстытут»).

19.09.2012 Берасцейцаў заклікаюць галасаваць толькі 23 верасня

Амаль тры гадзіны ўвечары 18 верасня доўжыўся пікет у цэнтры Брэста, які ладзілі кандыдаты ў дэпутаты ад Беларускай сацыял-дэмакратычнай партыі (Грамада) Ганна Канюс і Ігар Маслоўскі.

19.09.2012 Салігорск: На сустрэчу з праўладным кандыдатам -- па разнарадцы

Сакрэт гэткай цікавасці да кандыдаткі апыныўся банальна простым. У канцы працоўнага дня ў салігорскія школы была дадзена выканкамаўская разнарадка пра абавязковае накіраванне на сустрэчу па дзесяць чалавек ад кожнай установы адукацыі.

19.09.2012 Полацк: не «загадваюць», а «настойліва рэкамендуюць»

Работнікаў арганізацый і прадпрыемстваў Полацка заклікаюць абавязкова прыйсьці на датэрміновае галасаванне. Пры гэтым выкарыстоўваецца «мяккая» форма - «настойлівая рэкамендацыя». Самі кіраўнікі абавязаны штовечар даваць справаздачу аб колькасці датэрмінова прагаласаваўшых работнікаў.