Праваабарончы цэнтр «ВЯСНА»

Навіны за Верасень 2012

20.09.2012 Вынікі назірання за другім днём датэрміновага галасавання

На 31,5% выбарчых участкаў, на якіх прысутнічаюць назіральнікі кампаніі "Праваабаронцы за свабодныя выбары", фіксуецца адрозненне колькасці прагаласаваўшых за дзень паміж афіцыйнымі дадзенымі і дадзенымі назіральнікаў.

20.09.2012 Рагачоў: у выбарчых бюлетэнях - “За Дашкевіча!”

На адным з участкаў для галасавання адбыўся ў літаральным сэнсе скандал: жанчына, якая прыйшла на датэрміновае галасаванне, была абураная тым, што ў бюлетэні няма прозвішча прадстаўніка кампаніі “Гавары праўду!” Дзяніса Дашкевіча, якога не зарэгістравалі кандыдатам.

20.09.2012 Пінск: Кандыдатка пайшла ў “інфармацыйны наступ”

Прычым ўсё гэта зроблена з парушэннем рашэння Пінскага гарвыканкама № 918, згодна з якім не дазваляецца вывешваць агітацыйныя матар’ялы ў вітрынах крамаў і іншых недазволеных месцах, а дазволена гэта рабіць толькі на інфармацыйных стэндах прадпрыемстваў і установаў.

20.09.2012 Мінск: выбаршчыкі з інтэрнатаў пад пільнай увагай

Назіральніца зафіксавала факт тэлефоннай размовы паміж старшынёй выбарчай камісіі і невядомым чалавекам з наступным зместам: “Патэлефаную Манцэвіч, каб інтэрнат прыйшоў”. Апроч таго, кіраўніцтва камісіі ўвесь час перадае па тэлефоне інфармацыю пра тое, колькі жыхароў інтэрнату каледжу прагаласавалі.

20.09.2012 На датэрміновым галасаванні ў Віцебску прапануюць узважыцца і памерыць ціск

Бясплатныя медычныя паслугі – адзін са сродкаў завабіць выбаршчыкаў на датэрміновае галасаванне, лічыць Сяргей Парсюкевіч, давераная асоба кандыдата па Віцебскай Чкалаўскай выбарчай акрузе №18 Аляксей Гаўруцікава. Перасоўны "медпункт" каля ўчастка для галасавання ён заўважыў у сярэдняй школе №42.

20.09.2012 Віцебскія выбарчыя камісіі "згубілі" два дамы. Затое яшчэ два – "знайшлі"

Здарылася так праз нядбайнасць сябраў камісій або выпадкова – значэння ў прынцыпе не мае. Галоўнае, што "страчаныя" і "знойдзеныя" дамы – гэта глеба для махінацый з падлікамі, лічаць праваабаронцы і ўдзельнікі выбарчай кампаніі.

20.09.2012 Прымус да датэрміновага галасавання ў Салігорску

Жанчына ледзь не расплакалася. Не ведала, як апраўдацца перад начальнікам за тое, што не прагласавала. Увогуле, многія прыходзяць і кажуць, што выбары гэтыя іх наогул не цікавяць, але начальства гоніць “у шыю”.

20.09.2012 Слонім: КДБ запалохвае назіральніка

Па словах юнака, да яго ў пакой прыйшлі два чалавекі, паказалі пасведчанні супрацоўнікаў КДБ і папярэдзілі, каб ён больш не займаўся назіраннем на выбарах. “Калі будзеш і далей займацца назіраннем за выбарамі, — сказалі супрацоўнікі КДБ, — то не знойдзеш працы не толькі ў Слоніме, але і ў адсталым, задрыпаным калгасе”.

20.09.2012 Баранавічы: міліцэйскі чыноўнік не хоча бачыць парушэнняў выбарчага заканадаўства

Назіральнік Сяргей Гоўша 19 верасня атрымаў адказ з УУС Брэсцкага аблвыканкама на сваю скаргу пра ўхіленні супрацоўнікаў Баранавіцкага ГАУС ад аб’ектыўнага і сумленнага разгляду справы аб фальсіфікацыі пратакола № 1 пасяджэння акруговай выбарчай камісіі № 5.

20.09.2012 Бяроза: Арганізаваны давоз на датэрміновае галасаванне (фота)

На выбарчым участку № 57 Пружанскай выбарчай акругі № 9 у першы дзень датэрміновага галасавання прывезлі з мясцовай вайсковай часткі да абеда 12 салдат тэрміновай службы, а за паўгадзіны да закрыцця, г.зн. у 18.30 - 44 вайскоўцаў тэрміновай службы.

20.09.2012 Брэст: участковая камісія скардзіцца на фотажурналістку

Сябры участковай выбарчай камісіі №44 перадалі ў Брэсцкую-Заходнюю акругу №1 заяву, у якой распавядаецца пра “некарэктнасць паводзінаў” з боку фотакарэспандэнта газеты “Брестский курьер” Міланы Харытонавай.

20.09.2012 Затрымалі за нацыянальную сімволіку і склалі пратакол (дапоўнена)

У Маладэчна вечарам 19 верасьня супрацоўнікі міліцыі затрымалі мясцовага моладзевага актывіста Ігара Ліўштанга, які вырашыў адзначыць День нацыянальнай сімволікі прагулкай па горадзе з бел-чырвона-белым сцягам. Як высветлілася сёння, Ігара Ліўштанга пасля складання пратаколу затрымання адпусцілі дадому разам з бацькам.

20.09.2012 Рагачоў: настаўнікі самі галасуюць, самі сябе віншуюць

Бязлітасным пафасам дае справаздачы пра выбары рагачоўская раённая газета «Свабоднае слова». «Ледзь прабілі першыя хвіліны датэрміновага галасавання, як самыя актыўныя рагачоўцы адзін за другім паспяшаліся на свае выбарчыя ўчасткі», - радасна паведаміла чытачам раёнка.

20.09.2012 Гомель: на некаторых участках яўка ўжо за два дні перавышана амаль у пяць разоў

На другі ж дзень датэрміновага галасавання на гэтым участку назіральнікі зафіксавалі 21 чалавека, а камісія – 75 чалавек. На участку №2 Савецкай акругі 19 верасня, па дадзеных назіральнікаў, прагаласавалі 22 чалавекі, а па дадзеных камісіі – 95.

20.09.2012 У Магілёве завышаюць колькасць прагаласаваўшых

Паводле назіральнікаў, у першы дзень галасавання прагаласавала ўсяго шэсць чалавек, аднак у пратаколе напісалі 16. Тое самае адбылося і ў другі дзень галасавання. Па падліках назіральнікаў за дзень прыйшло прагаласаваць усяго 14 чалавек, у пратаколе ж была пазначана лічба 98.