Праваабарончы цэнтр «ВЯСНА»

Навіны за Верасень 2012

23.09.2012 У Мазыры ў дзень выбараў назіральнікі непажаданыя на ўчастках

Вераніка Байкова, сакратар мазырскай акруговай выбарчай камісіі, сказала назіральнікам ад БХК і партыі “Справядлівы свет”, што ім лепей не прыходзіць на ўчасткі ў дзень выбараў – 23 верасня. У іншым выпадку іх будуць выводзіць з міліцыяй і здымаць гэты працэс на камеру.

23.09.2012 Хоцімск: Давераную асобу кандыдата не пусцілі на выбарчы ўчастак

Пятра Басейку, давераную асобу кандыдата ў дэпутаты Палаты прадстаўнікоў Валерыя Каранкевіча, які таксама мае акрэдытацыю назіральніка, не дапусцілі да назірання на Ленінскі участак № 54 у Хоцімску.

23.09.2012 Астравец. У Мікалая Ўласевіча правялі тры ператрусы

Учора абшукалі яго самога, ягонае аўто і хату. З машыны канфіскавалі 116 бюлетэняў «Прававая дапамога насельніцтву», з хаты — 72 улёткі АГП «За чэсныя выбары без Лукашэнкі». Апошні ператрус скончыўся пасьля гадзіны ночы.

23.09.2012 Салігорскія назіральнікі зместу бюлетэняў не пабачаць

Назіральнікі атрымалі адказы на свае пісьмовыя заявы ва ўчастковыя камісіі аб прадастаўленні магчымасці бачыць адзнакі выбаршчыкаў у кожным бюлетэні пры падліку галасоў. Ніводная камісія прапанову назіральнікаў не падтрымала.

23.09.2012 У Мазыры не падтрымалі ідэю празрыстага падліку галасоў

Уладзімір Целяпун прапанаваў старшыні камісіі Дз.Ракаўчуку прыняць парадак празрыстага падліку галасоў: змест кожнага бюлетэня дэманструецца ўсім сябрам камісіі і назіральнікам, агалошваецца, за каго пададзены голас выбаршчыка.

23.09.2012 Вынікі назірання за пятым днём датэрміновага галасавання

Адрозненні па колькасці прагаласаваўшых паміж афіцыйнымі дадзенымі і дадзенымі назіральнікаў зафіксаваны амаль на 40% участкаў, дзе знаходзяцца прадтсаўнікі кампаніі "Праваабаронцы за свабодныя выбары".

22.09.2012 Вынікі назірання за перадвыбарчай агітацыяй

Зафіксаваны шматлікія выпадкі забароны трансляцыі, цэнзуры выступаў і праграм апазіцыйных кандыдатаў. Гэта істотна абмежавала іх правы і правы выбаршчыкаў на атрыманне поўнай і аб’ектыўнай інфармацыі аб кандыдатах і іх праграмах.

22.09.2012 Каманда кандыдата Анташкевіча правяла пікет у абарону палітвязняў

У апошнія дні агітацыйнай кампаніі ў розных раёнах Оршы можна было сустрэць пікеты, арганізаваныя камандай кандыдата ў дэпутаты Канстанціна Анташкевіча ў падтрымку палітвязняў.

22.09.2012 Вынікі назірання за чацвёртым днём датэрміновага галасавання

Пашыраецца тэндэнцыя да несупадзення колькасці прагаласаваўшых, якая агучваецца афіцыйна, з дадзенымі назіральнікаў ад кампаніі "Праваабаронцы за свабодныя выбары". Пасля 4-га дня датэрмінована галасавання такія несупадзеніі зафіксаваны больш чым на 40% участкаў.

22.09.2012 ЦВК прызнала, што ў Віцебску дрэнна палічылі выбаршчыкаў

Два знесеныя дамы па вуліцы Чапаева выключаны з межаў віцебскай Кастрычніцкай выбарчай акругі, і два дамы па вуліцы Броўкі, няўлічаныя ўчастковай камісіяй №44 , уключаныя ў Віцебскую Чкалаўскую акругу.

22.09.2012 У Віцебску з участка выдалілі назіральніка Яна Дзяржаўцава

Спадар Дзяржаўцаў быў зарэгістраваны назіральнікам ад БХК на ўчастку №14 Віцебскай Чыгуначнай выбарчай акругі. Да абеду ў апошні дзень датэрміновага галасавання яму абвясцілі папярэджанне, а пасля абеду – выдалілі ўвогуле.

22.09.2012 Брэст: “пластылінавыя гарантыі” недатыкальнасці скрыняў (фота)

На выбарчым участку № 7 выбарчай акругі № 1 у Брэсце скрыня на ноч і на перапынак захоўваецца наступным чынам: шчыліна закрываецца паперай, якая прыціскаецца кавалачкамі пластыліна.

22.09.2012 Назіральнікі Гомельшчыны: колькасны паказчык перавышае якасны

Мазырскі праваабаронца Уладзімір Целяпун, назіральнік выбарчага участка №18 (выбарчая акруга №42), за пяць дзён назірання за датэрміновымі выбарамі нікога з зарэгістраваных ад прадзяржаўных арганізацый так і не убачыў.

22.09.2012 Цэнтрвыбаркам паказвае неіснуючыя нумары тэлефонаў участковых камісій.

Аказалася, не па ўсіх з гэтых нумарах можна датэлефанавацца. Напрыклад, гадзінамі безвынікова можна набіраць паказаны на вышэйзгаданым сайце тэлефон 27-46-23 Браздечынскага ўчастка № 17, які ўваходзіць у склад Аршанскай Дняпроўскага акругі № 27.

22.09.2012 Фарбы дзяцінства для Алеся Бяляцкага

У адным з нядаўніх лістоў Алесь распавёў пра стракаты феерверк з паштовак ад галандскіх дзетак, якія афарбавалі ў эмацыйныя колеры яго будні за кратамі. Кожная з іх – гэта шчыры і непасрэдны водгук дзіцячай душы на гісторыю пра аднаго чалавека, які ахвяруе ўласнай свабодай дзеля роўнасці, свабоды, справядлівасці і павагі для ўсіх.