Праваабарончы цэнтр «ВЯСНА»

Навіны за Жнівень 2012

10.08.2012 У Салігорску пройдзе першы гарадскі фэстываль праваабарончага кіно

Апроч прагляду фільмаў, плануецца дыскусія з абмеркаваннем актуальных праблем парушэння правоў чалавека ў Беларусі і ў свеце. Да ўдзелу запрошаныя мясцовыя праваабаронцы, грамадскія актывісты і палітыкі. Запрашэнне атрымаюць і ўсе прэтэндэнты ў кандыдаты па салігорскіх выбарчых акругах.

10.08.2012 Мінск: Камісія Грушаўскай акругі не падтрымала прапанову зняць абмежаванні для перадвыбарчай агітацыі

На паседжанні 9 жніўня камісія разгледзела пытанне аб зацвярджэнні спісу месцаў, дазволеных для агітацыі. Прадстаўнік “Справядлівага свету” Сяргей Вазняк прапанаваў дазволіць агітацыю па ўсёй акрузе, за выключэннем асобных, забароненых заканадаўствам, месцаў.

10.08.2012 Алег Гулак: «Назіральнікі ад БХК не патрабавалі ад камісій нічога забароненага»

Старшыня Беларускага Хельсінкскага камітэта Алег Гулак назваў заявы ЦВК аб скаргах назіральнікаў «дзіўнымі». БХК рыхтуе адказ Цэнтрвыбаркаму, у якім выказвае сваю нязгоду з заявай Ярмошынай.

10.08.2012 Пракуратура папярэдзіла журналістку Тацьцяну Белашову

Пракуратура папярэдзіла журналістку Тацьцяну Белашову за тое, што яна без акрэдытацыі працавала на спадарожнікавы тэлеканал Белсат.

10.08.2012 Гомель: настаўніцкі калектыў будзе лічыць галасы за спонсара школы

З 14 сябраў камісіі выбарчага ўчастка №2 як мінімум 10 - настаўнікі школы №3, дзе месціцца ўчастак. Кандыдатам у дэпутаты па Гомельскай-Савецкай акрузе, на тэрыторыі якой размешчана школа, плануе вылучыцца Міхаіл Пачынок, дырэктар «Гомельскіх цеплавых сетак». Школа №3, калі што, з'яўляецца падшэфнай у гэтага прадпрыемства.

10.08.2012 Салігорск: апазіцыянеры падалі дакументы на рэгістрацыю кандыдатамі ў дэпутаты

У Салігорску два апазыцыйныя палітыкі - Віктар Малочка і Арцём Агафонаў, вылучаныя па партыйных спісах Аб’яднанай грамадзянскай партыіі - падалі дакументы на рэгістрацыю кандыдатамі ў дэпутаты.

10.08.2012 Справа Бяляцкага. VII. Абвінавачаньне і допыт

Кожны дзень у жніўні і верасьні на сайце «Свабоды» новы разьдзел кнігі Валера Каліноўскага «Справа Бяляцкага».

10.08.2012 З «Пінскдрэва» звольнілі ініцыятара пратэсту рабочых

Дзмітрый Кудранок, які ачоліў пратэст рабочых на прадпрыемстве «Пінскдрэў», звольнены з працы.

10.08.2012 Карэспандэнту Нямецкага радыё адмоўлена ў акрэдытацыі ў Беларусі

Карэспандэнту Нямецкага радыё Гезіне Дорнблют адмоўлена ў акрэдытацыі ў Беларусі.

09.08.2012 Маладэчна: прадстаўнікі ПБНФ не падыйшлі для працы ва ўчастковых камісіях

Супрацоўнікі райвыканкама патлумачылі прычыны неўключэння сябраў Партыі БНФ у камісіі: адзін з іх – занадта стары, другі – занадта малады, трэці – беспрацоўны, “хай працу шукае”, тыя, што ў дэкрэтным адпачынку – “хай за дзецьмі глядзяць”. Чым не спадабалася ідэальная згодна гэтых крытэраў кандыдатка – трыццацічатырохгадовая жанчына, юрысконсульт – незразумела.

09.08.2012 Магілёўскія дэмакраты абскарджваюць неўключэнне ў склад участковых камісій

З адпаведнымі скаргамі актывісты абласной грамадскай арганізацыі БНФ “Адраджэньне” і Магілёўскай абласной арганізацыі Беларускай партыі левых “Справядлівы свет” звярнуліся ў суд Ленінскага раёна Магілёва.

09.08.2012 "Справядлівы свет" падаў у суд на Аршанскія выканкамы

Віцебскі абласны камітэт партыі левых "Справядлівы свет" падаў скаргу ў суд Аршанскага раёна і г. Оршы на неправамерныя дзеянні Аршанскага гарвыканкама, што ўшчамляюць выбарчыя правы грамадзян. Аналагічная скарга накіраваная ў той жа суд на Аршанскі райвыканкам.

09.08.2012 Старшыня райвыканкама ідзе ў дэпутаты, загадчык аргаддзела прымае подпісы

Прадстаўнік Беларускага Хельсінкскага камітэта Васіль Бераснеў падаў скаргу ў Цэнтрвыбаркам і пракуратуру г. Оршы на падзеі, што адбываюцца ў Аршанскай Дняпроўскай акрузе № 27 па выбарах дэпутатаў Палаты прадстаўнікоў.

09.08.2012 Бяроза: УВК сфармавалі за шэсць хвілінаў

У Бярозаўскім райвыканкаме паседжанне па фармаванні УВК прайшло не толькі хутка, але і дружна. На пытанне начальніка аддзела арганізацыйна-кадравай працы Віталія Мшара “Усе маюць спісы пад рукамі?” прагучала дружнае “усе”. “Прагаласуем!”