Праваабарончы цэнтр «ВЯСНА»

Навіны за Жнівень 2012

14.08.2012 Кіраўскі райвыканкам вызначыўся з месцамі для агітацыі

Адміністрацыя Кіраўскага раёна паведаміла пра месцы, якія будуць адводзіць кандыдатам у дэпутаты для правядзення масавых мерапрыемстваў, сустрэч з выбаршчыкамі і размяшчэння агітацыйных друкаваных матэрыялаў.

14.08.2012 Полацк: сямёра патэнцыйных кандыдатаў

Прызнаны праўладны кандыдат Наталля Гуйвік перадала на праверку ў акруговую камісію больш за 3,5 тысяч подпісаў, а для падстрахоўкі вылучылася ад трох працоўных калектываў - ДУАЗ «Полацкая цэнтральная гарадская бальніца», УП «Полацквадаканал» і прадпрыемствы УКП «Полацк-гандаль».

14.08.2012 Старшыня Слонімскага райвыканкама “паабяцаў” дэмакратычныя выбары

“Калі хто з вас жадае стаць дэпутатам, калі ласка, мы ўсіх прымем. У нас адбудуцца дэмакратычныя выбары …”, — звярнуўся спадар Паўлюкевіч да прысутных на адным з апошніх паседжанняў кіраўнікоў прадпрыемстваў, арганізацый і мясцовых ідыёлагаў. Але ўжо сёння зразумела, што дэпутатам стане Ала Сопікава, дырэктар СШ № 9 г. Слоніма.

14.08.2012 Магілёўшчына: у параўнанні з 2008-м годам прэтэндэнтаў у кандыдаты паболела

Па звестках акруговых выбарчых камісій, у Магілёўскай вобласці вылучана 56 кандыдатаў у дэпутаты Палаты прадстаўнікоў. Гэта на пяць чалавек болей, чым было падчас парламенцкай кампаніі ў 2008 годзе. Такая інфармацыя была агучана па Магілёўскім тэлебачанні.

14.08.2012 Гарадзеншчына: ад ПБНФ 7 кандыдатаў, ад “Справядлівага свету”- 6

У Гарадзенскай вобласці Партыя БНФ імкнецца зарэгістраваць кандыдатамі ў дэпутаты шляхам партыйнага вылучэння 7 сваіх прадстаўнікоў. Беларуская партыя левых “Справядлівы свет” па вобласці падала дакументы на рэгістрацыю 6 сваіх прадстаўнікоў.

14.08.2012 Мінск: прэтэндэнт у кандыдаты Кацярына Сакалоўская атрымала два папярэджанні

Кацярыне Сакалоўскай, якая вылучаецца ў кандыдаты ў дэпутаты ў сталічнай Матусевіцкай выбарчай акрузе № 103, вынесена другое папярэджанне ад акруговай камісіі.

14.08.2012 Гарадоцкім апазіцыянерам не ўдалося аспрэчыць вынікі фармаванне ўчастковых камісій

Раённы суд адхіліў скаргі Віцебскай Рады Партыі БНФ і абласнога камітэту БСДП(Грамада), дзе патрабавалася адмяніць рашэнне Гарадоцкага райвыканкаму наконт стварэння ўчастковых выбарчых камісій.

14.08.2012 Пінск: улады вырашылі схаваць агітплакаты ад выбаршчыкаў

Каб убачыць фотаздымкі кандыдатаў у дэпутаты ды пазнаёміцца з іх праграмамі, выбаршчыкам давядзецца адмыслова пахадзіць па будынках прадпрыемстваў і установаў у пошуках інфармацыйных стэндаў. Дазволеных для размяшчэння агітпрадукцыі рэкламных тумбаў у горадзе, дзе пражывае прыблізна 130 тысяч чалавек, налічваецца каля дзесятка.

14.08.2012 Праваабаронцы гатовыя паручыцца за Антона Сурапіна і Сяргея Башарымава

Праваабарончы цэнтр “Вясна” далучыўся да ініцыятывы Беларускай асацыяцыі журналістаў па змене меры стрымання для журналіста Антона Сурапіна, які з 13 ліпеня знаходзіцца ў СІЗА КДБ. Праваабаронцы таксама хадайнічаюць аб змене меры стрымання ў дачыненьні да рыэлтара Сяргея Башарымава.

14.08.2012 Баранавічы: спісы прэтэндэнтаў у дэпутаты папоўніліся прадстаўнікамі ЛДПБ

У дзвюх Баранавіцкіх выбарчых акругах спісы прэтэндэнтаў на дэпутацкія мандаты папоўніліся прадстаўнікамі Ліберальна-дэмакратычнай партыі Беларусі: на выбары ідуць Мікалай Арцямчук і Барыс Гасан.

14.08.2012 Страшэнная безгаспадарчасць на Слонімскай птушкафабрыцы (відэа)

Рабочы Слонімскай птушкафабрыкі Віктар Марчык даслаў матэрыял, у якім распавядае, якім чынам кіраўніцтва фабрыкі распраўляецца з працоўнымі, а таксама відэа страшэннай безгаспадарчасці, якая пануе на прадпрыемстве.

14.08.2012 У Гомельскай вобласці толькі два дэпутаты-палатачнікі зноў балатуюцца ў парламент

Па афіцыйнай інфармацыі, у 17 акруговых камісій Гомельскай вобласці пададзена 68 заяў на вылучэнне кандыдатамі ў дэпутаты Палаты прадстаўнікоў. Прычым зноў балатавацца ў парламент будуць толькі двое дэпутатаў-палатачнікаў.

14.08.2012 Назіранне за праверкай подпісаў "не заснавана на законе"

Пра гэта паведамляе ў сваім пісьмовым адказе магілёўскаму праваабаронцу Аляксею Колчыну старшыня Цэнтрвыбаркама Лідзія Ярмошына. У сваім лісце Лідзія Ярмошына адзначыла, што назіранне за працэдурай праверкі подпісаў выбаршчыкаў «не можа быць забяспечана, паколькі не заснавана на законе».

14.08.2012 ГА “БАЖ” пачынае кампанію збору подпісаў за вызваленне Антона Сурапіна

Праўленне арганізацыі заклікае ўсіх салідарных з незалежным журналістам паставіць свой подпіс у абарону зняволенага фатографа.

14.08.2012 Ідэолаг Светлагорскага аўтапарка “правёў гутарку” з удзельнікам збору подпісаў

У Светлагорску ідэолаг аўтобуснага парку № 5 Антон Сатараў выклікаў да сябе работніка аўтапарка, які ўваходзіць у ініцыятыўную групу па вылучэнню кандыдатам ў дэпутаты Палаты прадстаўнікоў Сяргея Дайнекі – кіраўніка Светлагорскай раённай арганізацыі партыі “Справядлівы свет”.