Праваабарончы цэнтр «ВЯСНА»

Навіны за Ліпень 2012

06.07.2012 Заява БХД: у Беларусі распачаліся рэпрэсіі супраць прыхільнікаў байкоту

Беларуская Хрысціянская Дэмакратыя абураная прысудам, вынесеным 5 ліпеня віцебскай актывістцы БХД Алене Семенчуковай, якая атрымала 10 сутак арышту за "непадпарадкаванне патрабаванням супрацоўнікам міліцыі": у яе заплечніку знайшлі 34 ўлёткі за байкот "выбараў".

06.07.2012 Магілёў: ці дапусцяць дэмакратаў на паседжанні па фармаванні акруговых камісій?

Заявы з просьбай дазволіць назіраць за ходам паседжання прэзідыума Магілёўскага абласнога Савета дэпутатаў і Магілёўскага аблвыканкама па ўтварэнні акруговых выбаркамаў падалі старшыні абласных арганізацый апазіцыйных партый - Зміцер Салаўёў (БНФ), Уладзімір Шанцаў (АГП) і Валерый Беразіенка (“Справядлівы свет”).

06.07.2012 Рада ААН па правах чалавека стварае пасаду спецдакладчыка па Беларусі

FIDH і “Вясна” разглядаюць Спецыяльнага дакладчыка як магчымасць для прадстаўнікоў грамадзянскай супольнасці зрабіць іх галасы чутнымі ў той час, калі незалежныя СМІ прымушаюць замаўчаць, дзейнасць незалежных НДА разглядаецца як крымінальнае злачынства, а многім праваабаронцам было нават забаронена выязджаць за мяжу. Уладальнік мандата будзе прызначаны ў верасні гэтага года.

06.07.2012 Пракуратура патрабуе ўзмоцніць пакаранне Васілю Парфянкову

24 ліпеня Мінскі гарадскі суд павінен разгледзець касацыйную скаргу актывіста.

06.07.2012 На актывіста з Уручча склалі тры пратаколы

Суд над Леанідам Мажальскім, які пратэставаў супраць будаўніцтва дома для спецназа, перанесены на 17 ліпеня.

06.07.2012 Прызначаны суд па справе «невыязнога» Алега Гулака

16 ліпеня адбудзецца суд па скарзе старшыні БХК* Алега Гулака на дзеянні Мінюста і МУС. Гэта будзе другая судовая справа па абскарджанню ўнясення ў нашумелыя «спісы невыязных», якія дзейнічаюць у дачыненні да шэрагу грамадскіх дзеячаў, журналістаў, палітыкаў і праваабаронцаў.

06.07.2012 “Народныя абраннікі”: адказнасць перад выбаршчыкамі адсутнічае

Не ўсе дэпутаты Брэсцкага гарсавету дакладна ведаюць сваю выбарчую акругу і не гатовыя распавесці пра графік сваіх справаздач. Такую выснову можна зрабіць паводле вынікаў зваротаў грамадскіх актывістаў гэтага абласнога цэнтру да мясцовых народных абраннікаў.

06.07.2012 Прыхаваная агітацыя на Салігоршчыне ўжо ідзе

З набліжэннем выбараў у салігорскай раёнцы “Шахцёр” часцей пачалі з’яўляцца дзеючыя дэпутаты Палаты прадстаўнікоў ад Салігоршчыны Яўген Абаленскі і Ганна Лаўрукевіч. Дагэтуль рэдкія госці на старонках мясцовых выданняў салігорскія дэпутаты за апошні час фігуравалі ўжо па некалькі разоў запар.

06.07.2012 Як вырашыцца пытанне з вызваленнем палітвязняў?

Адзін з кіраўнікоў праваабарончага цэнтра "Вясна" Таццяна Равяка лічыць, што падрыхтаваны і прыняты парламентам, але пакуль непадпісаны кіраўніком дзяржавы закон аб амністыі не дае надзеі на вызваленне палітычных зняволеных.

06.07.2012 Дзяржвыданне: пры фармаванні акруговых камісій будуць «пакрыўджаныя»

Супрацоўнік гомельскай газеты «Савецкі раён» закрыў інфармацыйную дзірку на тэму парламенцкіх выбараў чарговым «крытычным» артыкулам пра апазіцыю. Аляксандр Яўсеенка звыкла, у які ўжо раз, выказаўся, што «да будучай палітычнай барацьбы (выбараў) наша апазіцыя ў чарговы раз не падрыхтавана».

06.07.2012 На сябраў БАЖ склалі адміністрацыйныя пратаколы

Праз 10 дзён пасля затрымання пад час здымак пахавання пілота ў Лідзе журналістаў Андрэя Фралова і Міколу Дзятчэню абвінавацілі ў працы без акрэдытацыі.

06.07.2012 Стэфановіч: «Правы чалавека ў Беларусі будуць у фокусе ААН»

Намесьнік старшыні праваабарончага цэнтру «Вясна» Валянцін Стэфановіч называе рашэньне Рады па правах чалавека ААН, якая прагаласавала за спэцдакладчыка па Беларусі, станоўчым:

05.07.2012 Магілёўшчына: дэмакраты будуць заклікаць выбаршчыкаў не хадзіць на галасаванне

Далёка не ўсе прадстаўнікі дэмакратычных сілаў Магілёўшчыны плануюць удзельнічаць у выбарчай гонцы да самага канца. Яны тлумачаць сваё рашэнне наяўнасцю палітвязняў у краіне і неўнясеннем зменаў у Выбарчы кодэкс, што дазваляе фальсіфікацыі.

05.07.2012 Жлобін і Светлагорск: у камісіі вылучаны, але патрапіць не спадзяюцца

У Жлобінскім і Светлагорскім раёнах Гомельшчыны з дэмакратычных сіл у акруговыя камісіі па выбарах у Палату прадстаўнікоў вылучаны прэтэндэнты ад партыі «Справядлівы свет».

05.07.2012 У Віцебску актывістаў судзяць за ўлёткі з заклікам байкатаваць выбары

5 ліпеня суддзя Кастрычніцкага райсуда Іна Грабоўская пакарала актывістку "Еўрапейскай Беларусі" Алену Семенчукову дзесяццю суткамі арышту. 4 ліпеня тая ж суддзя прысудзіла два штрафы актывісту "Маладога фронту" Яўгену Гуцалаву. Пакаранне арыштам 22-гадовай дзяўчыны было нечаканым для тых, хто прыйшоў падтрымаць яе ў судзе.