Праваабарончы цэнтр «ВЯСНА»

Навіны за Ліпень 2012

14.07.2012 Орша: Канстанцін Анташкевіч падаў дакументы на рэгістрацыю ініцыятыўнай групы

Актывіст кампаніі "Гавары праўду", сябра аргкамітэта БСДП (НГ) Канстанцін Анташкевіч ў пятніцу ўвечары падаў заяву аб рэгістрацыі спісу ініцыятыўнай групы ў камісію Аршанскай гарадскога акругі № 26.

14.07.2012 У кіраўніцтве акруговых камісій знаёмыя ўсе твары: інфармацыя з рэгіёнаў

Не абышлося і без кур'ёзаў. У камісію ад КПБ уключаны 81-гадовы Аляксей Ламыга. Будучы ў 2010 годзе сябрам Аршанскай гарадской камісіі па выбарах прэзідэнта, Аляксей Іванавіч у сілу свайго ўзросту не змог справіцца з праверкай падпісных лістоў.

14.07.2012 Любоў Кавалёва працягвае пошукі турэмных запісаў сына

Маці Уладзіслава Кавалёва, расстралянага паводле абвінавачання ў тэрарызме, напісала паўторную скаргу старшыні КДБ. Яна скардзіцца на дзеянні супрацоўнікаў СІЗА КДБ, якія не вярнулі ёй турэмныя запісы сына.

14.07.2012 Афіцыйнае папярэджанне за расцяжку "Свабоду Статкевічу!"

Яўгена Парчынскага, актывіста з Наваполацку, выклікалі ў міліцыю, каб вынесці папярэджанне пра адказнасць за правядзенне несанкцыянаваных акцый. Гэта здарылася пасля таго, як у інтэрнэце з'явіліся звесткі пра тое, што ў горадзе вісела расцяжка "Свабоду Статкевічу!"

14.07.2012 Светлагорск: пададзены першыя заявы на рэгістрацыю ініцыятыўных груп

У Светлагорску 13 ліпеня пададзены першыя заявы на рэгістрацыю ініцыятыўных груп. Заявы падалі Сяргей Дайнека з партыі “Справядлівы свет” і Ігар Песікаў – удзельнік грамадскай кампаніі “Гавары праўду”.

14.07.2012 Фатограф Антон Сурапін затрыманы на трое сутак

Яго будуць правяраць на датычнасць да інцыдэнта са шведскімі мядзведзікамі.

13.07.2012 Праваабаронцы абвяшчаюць конкурс

Спяшайцеся! Усяго тры месяцы адведзена на тое, каб прадэманстраваць сваю дасведчанасць у галіне правоў чалавека і стварыць шляхам мастацкага асэнсавання гэтай ідэі мастацкую рэч. З 15 ліпеня па 15 кастрычніка ПЦ “ Вясна” ладзіць конкурс сярод моладзі (і не толькі) на прадукцыю візуальнага характару - hand-made паштоўкі для палітвязняў, а таксама ілюстрацыі, калажы, фотаздымкі, відэаролікі ды слоганы на праваабарончую тэматыку.

13.07.2012 У Яраслава Берніковіча не прынялі дакументы на рэгістрацыю ініцыятыўнай групы

13 ліпеня Яраслаў Берніковіч звярнуўся ў акруговую камісію Наваполацкай выбарчай акругі №25, каб зарэгістраваць ініцыятыўную групу па зборы подпісаў для свайго вылучэння на кандыдата ў дэпутаты парламента. Але высветлілася, што камісія нават не завяла яшчэ журналу для рэгістрацыі, і дакументы ў яго не прынялі.

13.07.2012 Прафсаюзу РЭП адмоўлена ў разглядзе скаргі на вынікі фармавання акруговых камісій

Скарга была накіравана ў суд у сувязі з тым, што ў камісіі не былі ўключаны чатыры прадстаўнікі незалежнага прафсаюза – у той час як ад праўладных прафсаюзаў прайшлі ўсе вылучэнцы.

13.07.2012 Магілёўскія ўлады запэўніваюць у высокай яўцы на выбарах

Са словаў начальніка ўпраўлення арганізацыйна-кадравай працы Магілёўскага аблвыканкама Аляксандра Сіваева, насельніцтва вобласці заўсёды дэманстравала на выбарах высокую культуру і дакладную выбарчую пазіцыю, што будзе і на гэтых выбарах.

13.07.2012 Барысаў: У новыя акруговыя камісіі - старым складам

У акруговыя камісіі Барысаўскай гарадской выбарчай акругі № 62 і Барысаўскай сельскай выбарчай акругі № 63 ўвайшлі людзі, якія амаль у поўным складзе працавалі ў тэрытарыяльнай камісіі на прэзідэнцкіх выбарах 2010 года.

13.07.2012 Жлобінская раёнка называе толькі кіраўніцтва акруговай камісіі

Жлобінская раённая газета “Новы дзень” у нумары за 13 ліпеня паведаміла пра склад камісіі па Жлобінскай выбарчай акрузе №40 - былі названыя старшыня, намеснік і сакратар сфармаванай камісіі. Пра астатніх сябраў ніякай інфармацыі не падаецца.

13.07.2012 Спявачка Ларын – Алесю Бяляцкаму: “Трымайцеся свайго сэрца і розуму!” (фота)

Пераможца “Еўрабачання-2012” шведская спявачка Ларын 13 ліпеня ў Менску сустрэлася з жонкай палітвязня Алеся Бяляцкага, праваабаронцам з “Вясны” Валянцінам Стэфановічам і незалежнымі журналістамі - каб больш даведацца пра лёс беларускіх палітвязняў і сітуацыю ў Беларусі.

13.07.2012 Школьных настаўнікаў прымусова запісваюць у праўладныя партыі

Такім чынам мінскіх педагогаў рыхтуюць да вылучэння ў назіральнікі за парламенцкім выбарамі.

13.07.2012 Супрацоўнікі ААТ «Гроднажылбуд» страйкуюць, патрабуючы павялічыць заробак

Сёння з 7 гадзін раніцы спыніліся некаторыя цэхі на будаўнічым прадпрыемстве «Гроднажылбуд». Людзі, якія атрымалі ўчора заробак, адмовіліся працаваць і запатрабавалі павысіць аклады.