Праваабарончы цэнтр «ВЯСНА»

Навіны за Ліпень 2012

17.07.2012 Суды не задавальняюць скаргі партый з-за няправільных подпісаў

Мінскі гарадскі суд адмовіўся ўзбуджаць справу па скарзе Аб'яднанай грамадзянскай партыі з нагоды фарміравання акруговых выбарчых камісій. Не ўвянчаліся поспехам і падобныя дзеянні Партыі БНФ, якая падала ў агулам 30 скаргаў на неўключэнне сябраў партыі ў акруговыя выбаркамы.

17.07.2012 Чаго варта чакаць ад Быхаўскай акруговай камісіі?

Чаго варта чакаць ад Быхаўскай акруговай камісіі, якая курыруе цяперашнія выбары ў Быхаўскім, Касцюковіцкім, Слаўгарадскім і Краснапольскім раёнах? Сваімі прагнозамі на гэты конт падзяліўся прэтэндэнт у кандыдаты па Быхаўскай выбарчай акрузе № 81 пісьменнік і журналіст Сяргей Антонаў.

17.07.2012 Орша: ператрус у рэдактара незалежнага сайта

Як паведаміў рэдактар незалежнага сайта orsha.eu Ігар Казмерчак, да яго дадому уварвалася з ператрусам група супрацоўнікаў міліцыі і людзей у цывільным. Паводле яго слоў ператрус звязаны з дзейнасцю інтэрнэт-сайта.

17.07.2012 Брэст: На выбары ідуць прадстаўнікі ”Справядлівага свету” і АГП

У Брэсце суполка Беларускай партыі левых “Справядлівы свет” збіраецца вылучыць сваіх кандыдатаў у дэпутаты на чатырох выбарчых акругах. Мясцовая структура АГП збіраецца вылучаць у абласным цэнтры аданого свайго прадстаўніка.

17.07.2012 Івана Амельчанку затрымалі каля ўласнага дому і далі 12 сутак арышту (дадаецца)

15-25. Іван Амельчанка пакараны арыштам на 12 сутак нібыты за непадпарадкаванне законным патрабаванням супрацоўнікаў міліцыі

17.07.2012 Салігорскіх апазіцыянераў выклікаюць у міліцыю. Едзе Лукашэнка

Салігорскі сябра партыі БНФ і назіральнік на парламенцкіх выбарах Павел Батуеў паведаміў, што яму тэлефанаваў капітан Яўген Жылінскі, які ўжо доўгі час адказвае за пераслед апазіцыі ў сталіцы шахцёраў, ды выклікаў у пастарунак “на размову”.

17.07.2012 Міліцыянты робяць агляд у аршанскага актывіста

Актывіст аршанскай моладзевай суполкі «Зьвяз» Ігар Казьмярчак пасьпеў паведаміць праз тэлефон, што да яго прыйшлі міліцыянты, каб правесьці агляд у кватэры. І што гэта нібыта зьвязана зь дзейнасьцю незалежнага сайта www.orsha.eu.

17.07.2012 Праваабарончая праграма “Людзьмі звацца!” на Радыё Рацыя

Госць рубрыкі "Асоба. Дзяржава. Грамадства" – юрыст-праваабаронца Павел Сапелка, які каардынуе маніторынг пенітэнцыярнай сістэмы, распачаты Правабарончым цэнтрам “Вясна”. У “Праваабарончым календары” – Міжнародны дзень Нэльсана Мандэлы, якім ААН абвесціла 18 ліпеня.

17.07.2012 Едзе Мядзьведзеў: у Менску хапун

Гэта Раман Пратасевіч, Уладзімер Яроменак і Раман Васільеў.

17.07.2012 Барысаўскае УП “Жыллё” пра пікет ў падтрымку Бяляцкага: гэта ў вас пікнік нейкі будзе?

Як вядома, барысаўскія чыноўнікі як агню баяцца любых праяваў пратэстных настрояў у Барысаве. Мабыць, па гэтай прычыне амаль дзесяць гадоў любая заяўка на правядзенне масавай акцыі з боку незадаволеных грамадзян адхіляецца па розных, а часцей проста надуманых прычынах.

17.07.2012 Рагачоў: першая заява на рэгістрацыю ініцыятыўнай групы

Рагачоўскі актывіст Дзяніс Дашкевіч падаў заяўку на рэгістрацыю сваёй ініцыятыўнай групы. Штаб патэнцыйнага кандыдата будзе ўключаць 17 чалавек. У спісе патэнцыйных кандыдатаў Дашкевіч быў першым.

17.07.2012 Баранавічы: назіральнік накіраваў заяву ў Цэнтральную камісію

Назіральнік пры акруговай выбарчай камісіі па Баранавіцкай-Заходняй выбарчай акрузе № 5 Сяргей Гоўша 17 ліпеня накіраваў заяву ў Цэнтральную камісію па выбарах і правядзенні рэспубліканскіх рэферэндумаў, у якой паведамляе пра ўмяшальніцтва ў дзейнасць акруговай камісіі гарвыканкамаўскіх чыноўнікаў.

17.07.2012 У Брэсце працягваецца змаганне за даступныя кошты на жыллё

Наступны крок сябра Беларускай партыі левых “Справядлівы свет” Аляксандра Дзенісенкі - зварот у Вярхоўны суд РБ. Ён намераны працягваць абскарджваць рашэнне пра забарону пікету, мэтай якога было прыцягнуць увагу грамадскасці да невыканання артыкула Канстытуцыі Беларусі, што гарантуе права на даступнае жыллё.

17.07.2012 Што хавае Маладэчанская гарадская камісія?

Маладэчанская гарадская камісія трымае ў таямніцы ад назіральніка Эдуарда Баланчука не толькі звесткі пра прэтэндэнта ў кандыдаты, які падаў заяву на рэгістрацыю ініцыятыўнай групы, але і час паседжанняў. Ні спасылкі на законы, ні нагадванні аб празрыстасці і дэмакратычнасці выбарчага працэсу не дапамаглі назіральніку.

17.07.2012 Орша: Назіральнікаў зарэгістравалі пры акруговых камісіях

У Лепельскай акруговай камісіі № 23 акрэдытаваны сябра БХК Ігар Казмерчак, у Аршанскай гарадской № 26 - Аляксандр Масалкоў, у Аршанскай Дняпроўскай № 27 - Васіль Бераснеў і ў Сенненскай № 30 - Леанід Цімашкоў. Якіх-небудзь праблем пры рэгістрацыі ні ў каго не ўзнікла.