Праваабарончы цэнтр «ВЯСНА»

Навіны за Ліпень 2012

23.07.2012 Рагачоўская раёнка не называе зарэгістраваныя групы патэнцыйных кандыдатаў

Рагачоўская раённая газета “Свабоднае слова” паведаміла сваім чытачам пра рэгістрацыю дзвюх ініцыятыўных груп па сбору подпісаў за вылучэнне кандыдатаў у дэпутаты, пры гэтым не называючы канкрэтных прозвішч і імёнаў. Яшчэ адной ініцыятыўнай групе ў рэгістрацыі сябры Рагачоўскай выбарчай акругі адмовілі.

23.07.2012 Магілёўскі праваабаронца абскарджавае забарону аўдыёзапісу на пасяджэнні акруговай камісіі

Праваабаронца Барыс Бухель просіць Цэнтральную выбарчую камісію адмяніць рашэнне акруговай выбарчай камісіі па Магілёўскай-Прамысловай акрузе №87 аб забароне вядзення аўдыёзапісаў падчас яе пасяджэнняў.

23.07.2012 Гародня: Жыхароў запалохваюць адміністратыўнай адказнасцю

У Гародні ў некаторых дамах мікрараёну Дзевятоўка (на вуліцах Дзяржынскага і Белыя Росы) у паштовыя скрынкі жыхароў кінуты паперкі дзіўнага зместу. Па ўсёй верагоднасці распаўсюджваюць іх начальнікі жыллёва-будаўнічых кааператываў.

23.07.2012 Віцебскі гарвыканкам рэкламуе "перадвыбарчыя" паслугі прадпрыемства "Віцебскрэклама"

Абвестка пра неабходнасць забяспечыць усе прадпрыемствы перадвыбарчай нагляднай агітацыяй рэкамендаванага ўзору размешчана на афіцыйным сайце Віцебскага гарвыканкаму ў раздзеле пра навіны выбарчай кампаніі ў рэгіёне.

23.07.2012 Іван Амельчанка абвясціў галадоўку ў Цэнтры ізаляцыі правапарушальнікаў

Пра гэта паведаміў намеснік кіраўніка выбарчага штаба кампаніі "Гавары праўду!" Сяргей Вазняк.

23.07.2012 Пратэстуюць рабочыя "Гродна Азот"

Адміністрацыя ААТ «Гродна Азот» папярэдзіла рабочых аб пазбаўленні ільгот і даплат за шкодныя ўмовы працы. Нязгодным з новымі правіламі пагражае звальненне.

23.07.2012 FIDH патрабуе неадкладна і безумоўна вызваліць Змітра Дашкевіча

"Мы пішам, каб выказаць нашу заклапочанасць з нагоды новага расследавання, распачатага супраць грамадскага актывіста, кіраўніка палітычнай арганізацыі “Малады фронт” сп. Змітра Дашкевіча, які 24 сакавіка 2011 г. быў прысуджаны да 2 гадоў пазбаўлення волі ў калоніі строгага рэжыму № 13 у Глыбокім, і які, як чакаецца, будзе вызвалены 18 снежня 2012 года", -- гаворыцца ў адкрытым лісце Міжнароднай федэрацыі за правы чалавека (FIDH) на адрас Прэзідэнта Беларусі.

23.07.2012 Эколаг Таццяна Новікава вызвалена з Акрэсціна

Актывістка Беларускай антыядзернай кампаніі Таццяна Новікава выйшла з мінскага Цэнтра ізаляцыі правапарушальнікаў пасля пяцісутачнага арышту.

23.07.2012 Рыэлтар Башарымаў піша з «амерыканкі»: «Буду за сябе змагацца»

Дзяўчына Башарымава расказала пра сваё затрыманне і тое, што ведае пра свайго хлопца.

23.07.2012 Лябедзьку выключылі са спісу невыязных

У судзе Цэнтральнага раёна Мінска завяршыўся працэс паводле пазову лідара Аб’яднанай грамадзянскай партыі Анатоля Лябедзькі да Міністэрства ўнутраных спраў і Міністэрства юстыцыі.

23.07.2012 Праўладныя вылучэнцы не сыходзяць са старонак мясцовых СМІ

Пачынаючы з 17 чэрвеня, Бярозаўская раённая газета “Маяк” некалькі разоў пісала пра тое, якім клапатлівым з’яўляецца дзеючы дэпутат Палаты прадстаўнікоў з Івацэвічаў Леанід Кавалевіч.

23.07.2012 Турэмнае кіраўніцтва цісне на Францкевіча праз пагрозы іншым вязням

Такім чынам палітвязня спрабуюць ізаляваць, пазбавіць камунікацыі з людзьмі.

23.07.2012 Цэнтрвыбаркам прызнаў, што не размяшчае ўсе свае пастановы на сайце

Аднак старшыня ЦВК Лідзія Ярмошына ў сваім адказе, які атрымаў магілёўскі праваабаронца Барыс Бухель, выказала неразуменне, як неразмешчаныя пастановы аб камандзіраванні членаў ЦВК, аб зацвярджэнні справаздач аб службовых камандзіроўках, альбо аб прадастаўленні адпачынку ёй абмяжоўваюць правы і законныя інтарэсы выбаршчыкаў.

23.07.2012 4 жніўня - Міжнародны Дзень салідарнасці з грамадзянскай супольнасцю і праваабарончым рухам Беларусі

Грамадзянскія актывісты, праваабаронцы і проста неабыякавыя людзі з Расіі і іншых краін выступілі з ініцыятывай аб правядзенні міжнароднага Дня салідарнасці з грамадзянскай супольнасцю і праваабарончым рухам Беларусі і прызначыць гэты дзень на 4 жніўня.

23.07.2012 Слуцк: Збор подпісаў пачалі чатыры ініцыятыўныя групы

Слуцкая акруговая выбарчая камісія зарэгістравала 4 ініцыятыўныя групы прэтэндэнтаў у кандыдаты. Некаторыя прэтэндэнты ўжо прыступілі да збору подпісаў. Як распавяла Юлія Балакір, кіраўнік ініцыятыўнай групы Аляксандра Солапа, случчакі ахвотна ставяць подпісы ў падтрымку гэтага прэтэндэнта.