Праваабарончы цэнтр «ВЯСНА»

Навіны за Травень 2012

08.05.2012 Праваабарончая праграма “Людзьмі звацца!” на Радыё Рацыя

На мінулым тыдні адбылася прэзентацыя фотаальбом “За права на выбар: Партрэты асуджаных”, прысвечанага падзеям Плошчы 2010 года. Рэдактар выдання Алена Лапцёнак распавядае пра стварэнне гэтага ўнікальнага фотаальбома.

08.05.2012 Некаторыя людзі выжываюць дзякуючы сметніку (відэа)

Кантраст паміж прыгожым чыстым Мінскам і гарадскім сметнікам надта вялікі. Мы з пагардай глядзім на смярдзючых бамжоў на вуліцах, адсоўваемся ад іх у грамадскім транспарце, калі такі туды зойдзе, бо побач з імі сапраўды немагчыма дыхаць. Можна назіраць, як яны ходзяць па горадзе з валізамі, збіраючы пустыя пляшкі, але мала хто на ўласныя вочы бачыў, як людзі рыюцца на гарадскім сметніку. Сацыяльна неўладкаваныя і нікому не патрэбныя, яны таксама частка нашага грамадства...

08.05.2012 Хрысціянскіх дэмакратаў з Галандыі не ўпусцілі ў Беларусь

У межах супрацоўніцтва паміж Беларускай Хрысціянскай Дэмакратыяй і хрысціянска-дэмакратычнай партыяй Галандыі (Staatkundig Gereformeerde Partij) у Беларусь планаваўся візіт чатырох галандскіх хрысціянскіх дэмакратаў, якія меліся ўзяць удзел у адукацыйным семінары.

08.05.2012 На малой радзіме Лукашэнкі зноў карупцыйны скандал

Нядаўна ў Шклове пацярпеў ад сваёй хцівай дзейнасці прадпрымальнік, які займаўся экспартам калійных ўгнаенняў. Хітрасць у тым, што ўгнаенні купляліся па цане для сельгаспрадпрыемстваў, якая ў разы меней цаны экспартнай, а прадаваліся за валюту без асаблівага бухгалтарскага ўліку, бо частка ўгнаенняў была проста скрадзена асобнымі кіруючымі кадрамі.

08.05.2012 Чаму целы расстраляных не выдаюцца і месца пахавання не паведамляецца?

Адказаў на гэтыя пытанні запатрабавалі маці і сястра Уладзіслава Кавалёва, абвінавачанага ў датычнасці да тэракту ў мінскім метро і расстралянага паводле прысуду Вярхоўнага суду. У заяве родныя Уладзіслава Кавалёва падкрэсліваюць, што хацелі б атрымаць не фармальны адказ, а змястоўнае абгрунтаванне дадзенай заканадаўчай нормы.

08.05.2012 Улёткі "Свабоду Сяргею Каваленку!" з'явіліся ў Віцебску

Улёткі з заклікам: "Беларусы, патрабуйма вызвалення нашага героя-земляка!" былі вывешаны ў цэнтры гораду ў другой палове дня 7 траўня. Да наступнай раніцы яны ўжо былі знішчаныя – верагодней за ўсё, работнікамі камунальных службаў.

08.05.2012 Андрэя Дзьмітрыева й Міхаіла Пашкевіча асудзілі на 10 сутак кожнага

У панядзелак, 7 траўня, судзьдзя Смалявіцкага раёну Алена Місьнік прыняла рашэньне арыштаваць на 10 сутак аднаго зь лідэраў грамадзянскай кампаніі «Гавары праўду» Андрэя Дзьмітрыева. На 10 сутак арыштаваны таксама актывіст гэтай жа кампаніі Міхаіл Пашкевіч.

07.05.2012 Валянцін Стэфановіч дамагаецца пакарання суддзі Алены Сямак

Намеснік старшыні ПЦ “Вясна” Валянцін Стэфановіч накіраваў на імя старшыні Менскага гарадскога суда заяву пра грубейшае парушэнне заканадаўства з боку суддзі Цэнтральнага раёна Алены Сямак, якая зацягвае разгляд скаргі невыязнога праваабаронцы.

07.05.2012 Леанід Судаленка: нашай краіне не сысці ад пытанняў, якія ўзнімаюцца праваабаронцамі

У Чарнігаве адбыўся семінар «Стратэгічныя справы ў практыцы праваабарончых арганізацый. Імплементацыя дэ-факта нормаў міжнароднага права», арганізаваны па ініцыятыве Гомельскага Цэнтра стратэгічнай цяжбы.

07.05.2012 Суд у Брэсце не задаволіў скаргу наконт забароны пікету

7 мая суддзя суда Ленінскага раёна Брэста Алег Міранюк адхіліў скаргу сябра Беларускай партыі левых “Справядлівы свет” Аляксандра Дзенісенкі на дзеянні намесніка старшыні Брэсцкага гарвыканкама Вячаслава Хафізава. Рашэннем гэтага чыноўніка актывісту апазіцыйнай партыі было адмоўлена ў правядзенні адзіночнага пікету.

07.05.2012 Сваякі Кавалёва звярнуліся да Лукашэнкі з прапановай змяніць заканадаўства

Маці і сястра Уладзіслава Кавалёва, аднаго з асуджаных і расстраляных за тэракт у мінскім метро, звярнуліся да Аляксандра Лукашэнкі з прапановай выдаць указ, каб целы пакараных смерцю ўсё ж выдаваліся сваякам. А таксама каб ім паведамлялася пра месцы пахавання тых, каго расстралялі паводле смяротных прысудаў.

07.05.2012 У Барысаве запланаваны 4 акцыі «За сумленныя выбары без Лукашэнкі» (відэа)

У Барысаве, дзе на працягу апошніх некалькіх гадоў не было дазволена ні аднаго пікету, сябры АГП падалі адразу чатыры заяўкі на правядзенне акцый «За сумленныя выбары без Лукашэнкі». У заяўках месцамі правядзення значацца людныя пляцоўкі каля буйных крамаў і гарадскога Палаца культуры.

07.05.2012 Бабруйскія актывісты збіраюцца правесці пікет за свабодныя выбары

Бабруйскія актывісты АГП падалі заяўку на правядзенне пікета ў гарвыканкам на 15 траўня. Асноўную ўвагу яны плануюць акцэнтаваць на патрабаванні да ўладаў правесці празрыстыя выбары. На аднаго з заяўнікаў пікета, Валерыя Мікітка, ужо спрабавалі ціснуць з дапамогай ідэолага па месцы працы.

07.05.2012 Суд над Ігарам Сімбіровым працягнецца 18 траўня

У працэсе абвешчаны перапынак да 18 траўня. Ігара Сімбірова адпусцілі.

07.05.2012 Барысаў: на дазволенай пляцоўцы для масавых мерапрыемстваў каля 10 гадоў нічога не праводзілася (відэа)

Барысаўскі райвыканкам сваім рашэннем вылучыў для правядзення масавых мерапрыемстваў пляцоўку за заходняй трыбунай гарадскога стадыёна. Месца адно з самых бязлюдных ў горадзе, абнесена высокім бетонным плотам, але нават там на працягу апошніх амаль дзесяці гадоў не дазволілі правесці ні адной акцыі.